رجيم الدكتورة ميري منو يشاركني 7 كيلوا بشهر

[ارتيكازا]

رجيم الدكتورة ميري ينزل 7 كيلوا بالشهر .... منو تشاركني و نشجع بعض انا باجر يصيرلي اسبوع عندي مراجعة و بشوف جم ضعفت

الرجيم الاسبوع الاول :
كل يوم على الريج كوب ماي دافي مع نص ليمونه .

بعد نص ساعه حبة فاكهة (تفاحه- برتقاله- 10 حبات عنب - 8 حبات كرز - 3الى 5 تمر ...)

بعد ساعتين الفطور ( حليب قليل الدسم مو خالي + نص خبزة أو توستتين + جبن خالي الدسم أو مرتديلا أو تركي أو لبنه خالية الدسم أو بيضة مفيوحه أو عجة على قولتها + خضرة اللي تبينها )

بعد ساعتين الى ساعتين و نص ( حبة فاكهة أو كابتشنو او اي نوع من تروبيكانا حتى الشوكلات عادي )

الساعة 3 الغدا : ( ريع دجاجه مشوية أو 2 كباب أو 2 هبورجر مشوي على الجولة مو الفرن أو 8 شيش طاووق أو سمك مشوي + سلطة + شوربة خضار + لبن خالي الدسم )

الساعة 6 : (حليب و شاي + 4 بسكويت ميري أو حبة فاكهة )

الساعة 7 : مشي لمده نص ساعه على الأقل .

الساعة 8.30 : العشاء ( عصير برتقال + سلطة + تونه أو 2 نقانق مشويه على الجولة أو ربع كوب ذرة أو مع خبز مشوي فتوش نخلطهم مع السلطة ) .....

و سلامتكم و الصراحة انا كلش ما احس بتعب بس احس نفسي خفيفة و باجر بقولكم شكثر ضعفت بأول اسبوع

 

[سحايب برنس]

اوكييييييييييييييييييه

ياحلوه انا معاج ,,,,,,,, بأذن الله من بكرى ببدأ بس عفيه حبوبه سأليها اذا صمنا الاثنين والخميس شلون الغداءيصير فطور والا العشاء وبس
تراني اكوله

 

[ارتيكازا]

خلاص انشاللله و انا بشجعج و ترا صج تحسين انج كله شبعانه حتى انا مو كل يوم اخذ الوجبة اللي الساعة 6 و نص لان الوقت يمشي بسرعة و ما يمديني الا صارت 8 اتعشا و بس و باجر بقولج اشكثر ضعفت في الاسبوع

 

[LoOLoO-17]

ماشاءالله رجيمها حلو ويونس

وان شاءالله تضعفين عليه


بس ماقلتيلنا جم وزنج وطولج؟؟

 

[LoOLoO-17]

اب اب

 

[حبيبي أحمد]

أهلين حبيبتي الرجيم وايد حلو وأنا ببدي معاج من اليوم

 

[nono93]

هلا حبوبه يلا قولي لنا النتيجه وموفقه انشالله انا هذا يمكن اأجله للصيف

 

[@ الرسامة @]

رجيمها حلو

 

[حجيه هيونه]

امم
كنت بسالج عن عيادتها وين صايره ؟ وشلون اسعارها وطريقتها اذا تحبين تفيدنا

 

[أحلى عيون]

تهبل الدكتوره ميري تبارك الرحمن انا نزلت عندها 15 كيلوو في 3 اشهر وبعدها حملت ورجعت الي قبل واكثر خخخخخخخخخخخخخخخخ


والحين رحت لعيادتهم الي بالفروانيه عند دكتوره ثانيه وتبارك الرحمن نزلت وايد

 

[Da7Dou7]

ana bswyy
ana kent 3end haydy bs t'6ayeg il5elg ma tshj3 o rjemha momel o t8ledii

 

[Q8stylle]

الرجيم وايد حلو

 

[ارتيكازا]

مرحبا و سوري غطيت شوي كنت لاهية ...

بس الحمد الله ضعفت كيلو و نص باسبوع لاني ما كنت امشي كل يوم و ما الترزمت بالفاكهه و قالتلي لو تمشين كل يوم جان ضعفتي كيلووين ..

لولو 17 : انا طولي 163 و وزني اخر مرا بالعيادة يعني قبل اسبوع 65.3

حبيبي أحمد : حياج الله و انا بكتب لكم رجيم الاسبوعين اللي بعده بعد اشوي ..
حجية هنونه : والله شوفي انا اول ما رحت سوولي تحليل شامل ب 40 دينار اتوقع تقدرين تسوينا برا و تشوفين النتيجة و بعدين فتح ملف 20 و الاسبوع اللي وراه يوم شافت نتيجة التحليل عطتني مكملات غذائية اوميغا 3 و شغله ثانية ..و مكانهم الله يسلمج (شرق عمارة العوضي للتغذية ) و هذا رقمهم 22424998

 

[LoOLoO-17]

ماشاءالله نزولج حلوو


بصراحه الريجيم يهبل اليوم مشيت عليه وماحسيت باي نعب

وياريت تنزلين لنا الاسابيع اليايه يومياتج ومعدل النزول

وان شاءالله تنزلين وتوصلين للوزن اللي تبينه


موفقه

 

[LoOLoO-17]

بس عندي سؤال يصير احذف اللبن عالغدا واحط بداله قطعه توست او ربع خبزه؟؟

 

[ارتيكازا]

لولو 17 : مشكورة ة اي استمري و انشالله تنزلين و اذا عندج اي سؤال قوليلي و انا اسالها ... و بعدين اللبن ايصير تحذفينه و تحطين بدالة يا بيبسي او سفن دايت او ماي مايصير تحطين شي ثاني ....

و الاسابيع اليايه طبعا اسبوعبن :

نفس الشي كل يوم على الريج قلاص ماي دافي + نص ليمونه

و بعد نص ساعه حبة فاكهة ( شريحة رقي - تفاحة - افنديتين - 5 فراولة - 10 عنب - خوخه - عرموطة ...)

بعد ساعتين الفطور : 1- 2 توست + جبن خالي الدسم + خضرا + شاي و حليب .
2- 2 بياض البيض فقط تخلطينهم مع الخضرا اللي تبينها طمام فلفل اخضر بصل + ربع خبزة سمرة+ (انا اخلي البيضة داخل الخبزة و اكلهم بشوكة و احطهم في بوكس حق الدوام و الله تشبع ) + حليب قليل الدسم و شاي .
3- 2-3 شابورة + لبنة + خضرا اللي تبينها + حليب قليل الدسم و شاي .


بعد ساعتين ال ثلاثة : حبة فاكهة أو نسكافيه او شوكولاته تروبيكانا .


الغدا بعد ساعتين الى ثلاثة : 1- برتقالة + شوربة خضار أو سوتيه خضار + سلطة + ربع دجاججة مشوية أو جبدة دجاج مشوية 100 غرام ( لان انا قللها اني احب الجبدة ) + ماي أو دايت أو لبن .

2- خيار مع روب + 2 كباب أو 2 همبورجر دجاج أو ستيك عجل + سوتيه + ماي أو دايت أو لبن .
3- عرموطة + شوربة خضار + تبولة أو سلطة + سمك مشوي + ماي أو دايت أو لبن .



الساعة 6:30 تقريبا بعد ساعتين الى ثلاثه : حبة فاكهه أو 4 بسكويت ميري أو 3 حبات كوكيز الدايت ينباع بالجمعيات ركن الدايت + كابتشينو أو شاي و حليب .

ممارسة الرياضة و يفضل المشي لمدة نص ساعة .


الساعه 8:30 العشاء : 1- عصير برتقال فرش + سلطة مع بطاطا مسلوقة .
2- 2 شابورة + نص حمص + سلطة + عصير برتقال فرش .
3- سلطة تونة أو نخي أو شمندر أو ذرة أو فاصوليا حمرا + عصير فرش برتقال .
4 - 3 شابورة + شاي و حليب .

 

[ابداعات كويتيه]

خوش رجيم
شكلي بجربه

 

[LoOLoO-17]

يعطيج العافيه ارتكازيا


والله رجيماتها حلوه وان شاءالله تمشين عليها عدل وماتخربطين

انزين عادي ابدل التوستتين عالريوق بصمونه همبرجر المدوره واحشيها بلبنه لايت او جبن لايت ؟؟


والجاي والنسكافيه عادي احط حليب لايت او كوفي ميت لايت ولا مايصير؟؟

 

[ارتيكازا]

لولو 17 : اتوقع عادي تشربين اي شي لايت بس مثل ما تلاحظين اهيه رجيمها صحي و ما يصلح شي و يخرب شي وتاكد على انج تشربين حليب افيد و تعطي حبوب اميقا 3 و سيليكا حتى انا امس شفت وحدة من زمان ما شفتها تقولي مشالله جسمج ضعف بس هذا ويهج ما تغير مو مثل كل مرا ينصفق ويهج و جسمج هذا اهوه ...
اما على الصمونه ما اتوقع لان اهيه تقول التوستين تعادل ربع خبزة فما بالج الصمونه هذي اشمتنها اتوقع خليج على اتوست اضمن

 

[xxx]

ماشاءالله خوش رجيم

عسى الله يوفقج