رجيم الدكتورة ميري يديييييييييد حده

[هداوين]

هاي بنات انا توني والده ووزني صاير بالعلالي قلت اروح حق ميري لآن وايد سمعت بنات يمدحونها فحبيت احط لكم رجيمي
مدته اسبوع

الاسبوع الأول

الافطار : [قبل الوجبة ب 10 دقائق 2 كوب ماء]
5 تمرات + حليب


الضحى : [قبل الوجبة ب 10 دقائق 2 كوب ماء]
عصير برتقال


الغداء : [قبل الوجبة ب 10 دقائق 2 كوب ماء]
حبة فاكهة+ شوربه خضار كنور+ سلطة+ كوب لبن قليل الدسم او روب +ربع دياية مشويه او تكه او 2كباب أو2همبورجر
((ترتيب الاكل مهم))


المغرب : [قبل الوجبة ب 10 دقائق 2 كوب ماء]
نسكافيه مع بسكوت ميري او حبة فاكهة


مشي من 7 الى 8
بعد المشي عصير برتقال


العشاء : [قبل الوجبة ب 10 دقائق 2 كوب ماء]
نفس الغداء
أو 2توست اسمر +جبن او لبنه قليلة الدسم+سلطة +حليب خالي الدسم وحبة فاكهة



المفروض انزل عليه كيلوين بس مخربطه شوي فنزلت كيلو ونص :ggdw:


تابعوني بنزل لكم الاسبوع الثاني :ada:

 

[هداوين]

الاسبوع الثاني مدته اسبوعين


الافطار : [قبل الوجبة ب 10 دقائق 2 كوب ماء]
5تمرات + حليب

الضحى : [قبل الوجبة ب 10 دقائق 2 كوب ماء]
عصير برتقال


الغداء : [قبل الوجبة ب 10 دقائق 2 كوب ماء]
شوربة خضار +دياي مشوي + سلطة+لبن
اوفاكهه + سلطة + خضار مسلوقة + 2همبورجر+ روب
او فاكهه + سلطة + علبة تونة + روب
((ترتيب الاكل مهم))


المغرب : [قبل الوجبة ب 10 دقائق 2 كوب ماء]
نسكافيه +بسكوت ماري


العشاء: [قبل الوجبة ب 10 دقائق 2 كوب ماء]
2توست +جبن+سلطة+حليب
او نص خبزة خفيفة+2بيض مفيوح +سلطة+حبة فاكهة

لحد الحين نقصت 4 كيلو صج رجيمها حلو مو قاسي


نطروني الاحد راح احطلكم الاسبوع الثالث

ادعولي

:bye22:

 

[xxx]

مبروووووك النزول

:ggdw:

وعسى الله يوفقج

 

[@شمس الضحى@]

مشكوووووووره الله يتمم عليج

 

[Super Natural]

موفقه ان شاء الله .. خوش رجيم منوَع
الرجيم الثاني مع رياضه أو مشي ؟؟ وجم يوم مشي؟

 

[MaRiuM]

مشكوره انشاءالله تنزلين وزنج بصحه وعافيه

 

[b6a6ah]

ميري رجيمها روعه كنت اسوي عندها وكلش ما احس بيوع
انا راح اسوي معاج بس على طول كتبيلنا رجيمج وجم مدته
موفقه حبيبتي وان شالله توصلين الوزن اللي تبينه

 

[s0sa]

مشكووورة على الرجيم

ميري صج عجيبة

انا كنت رايحه عندها قيل ثلاث سنين

ونزلت 10 كيلوااات ... الله جسمي كان عجيب

بس حملت بولدي الثاني ورديت هالكيلوااات

ابي ماعندي ارااااااااده اسكر حلجي شسوي بعمري

بس اليووم راااح اسكرة وقلت خالادش واتشجع منكم وشفت موضوووعج

خلااااااااااااص حفظت الرجيم عندي وانشالله اتقيد فيه ادعيلي انزل هالعشر كيلواات

 

[mn.mn]

مشكوووووووورة وصج الرجيم حلو

ونزول العافية والاهم استمري وكملي لا توقفين

وناطرين باجي الرجيمات

 

[تاج الغلا]

حلو الرجيم بس مشكلته مافي ريوق انا مهم عندي الريوق عشان اداااااوم يصير اغير بدال العشا اخليه ريووووق

 

[MaRiuM]

تاج الغلا حبيبتي في ريوق و ماشاءالله اشبعوون 5 تمرات و حليب لي الضحى

 

[هداوين]

Super Natural أمشي بالاسبوع خمس مرات مدة ساعه بس ماكملها بالضبط
راح احط لكم آخر نظام بالموعد الياي

تاج الغلا تقدرين تاكلين بسكوت ميري 4 حبات مع نسكافيه كانت معطيتني اختيار بس انا قلت لها ابي 5 تمرات مع حليب

sOosa قوي ارادتج والرجيم كلش ما ايوع

 

[فجــر]

يسلمووو ناطرينج وانشاء الله توصلين للوزن الي تبينه ..

 

[شيخه***البنات]

ماشاءالله الله يتمم عليج ياررب وتنزلين بصحه و عافيه ان شاءالله ..

خوش رجيم مشكوره ..

بس عندي سؤال : بالاسبوع الثاني بالغدا كله كاتبه + ورا بعض يعني اكل كل هالاشيااااااء بالغدا ؟؟؟

الغداء : [قبل الوجبة ب 10 دقائق 2 كوب ماء]
شوربة خضار +دياي مشوي + سلطة+لبن
اوفاكهه + سلطة + خضار مسلوقة + 2همبورجر+ روب
او فاكهه + سلطة + علبة تونة + روب
((ترتيب الاكل مهم))

 

[هداوين]

شيخة البنات اي حبيبتي تاكلين كل هالأشياء بالغدا بس تختارين من القائمة اذا في كلمة تختارين منها وعلامة +تاكلين كل هالأشياء بالغدا

 

[هداوين]

رحت موعدي وعطتني نظام مدته اسبوعين

الافطار حليب+5تمرات أو حليب من4-8بسكوت ميري او حليب و2بيض مفيوح

الضحى: عصير برتقال او اناناس

الغدا: (1) قبل الغدا ب10 دقايق 2كوب ماي
اول شي حبه فاكهة + مشويات(لحم-دياي-سمك) +سلطة+شوربه+روب خالي الدسم
(2) :اول شي حبة فاكهة+ شوربة عدس+مع 3شابورة رجيم او بسكوت كارس+سلطة+روب
يوم تختارين رقم 1 ويوم رقم 2

المغرب: نسكافيه او كوب نفيش مع شاي حليب

العشا: نص خبزة + لبنة او جبنةاو بيض+سلطة+حليب او لبن
او كورن فلكس وحليب وسلطة وحبة فاكه

وبليل على 12 لأني اسهر عطتني شاي حليب

بنات هالرجيم متنوع وصحي واللي بتبدي معاي يالله انشجع بعض راح اسويه مده اسبوعين واقولكم النتيجة والله يسهل

 

[sara al3soola]

هداوين مشكوووووووووره حبيبتي والله كنت محتاجه ريجيم حلو ومحتاره ومنبطه جبدي من هالخربطه بالاكل
طبعت الريجيم مالج ومن اليوم راح ابلش فيه ماقصرتي والله اختي

 

[قطوة@@]

يبيله اسوي هالرجيم محتاجه تخفيف

يعطيج العافيه

 

[MaRiuM]

هداوين حياتي انا بديت رجيمج يوم اليمعه والحمدالله قطيت 3 كيلوات مشكوووووووووووره و ماقصرتي انساءالله تنزلين وزنج ابصحه و عافيه قولي امين

 

[LoOLoO-17]

هداوين حياتي انا بديت رجيمج يوم اليمعه والحمدالله قطيت 3 كيلوات مشكوووووووووووره و ماقصرتي انساءالله تنزلين وزنج ابصحه و عافيه قولي امين

مرااااايم مبروك الف مليون مبروك وماشاءالله عيني عليج بارده :ggdw:


ان شاءالله تنزلين للوزن المطلوب وتجربتج تشجع باجي البنات عشان يجربونه


بس ماقلتيلنا جم وزنج وطولج وجم صاربعد الريجيم:eh_s(6):