رجيم الدكتور علي الظن

[حبيبي مالكني]

السلام عليكم و رحمة الله وبركاته
شخباركم بنات
امس رحت حق الدكتور علي الظن اخصائي تغذية
انا وااااااااااااااااااااااااااااااااااااااايد متينة من يوم كنت صغيرونة
اول ما دشيت عليه قالي انتي عندج سمنة مفرطة
جان يقولي قبل كل شي لازم اخذ طولج ووزنج
طولي 168سم
وزني 131.2كجم
والله انصدمت وياتني الصيحة انا صغيرة عمري 25 سنة تقريبا
جان يقولي والله حرام اتسوين في روحج جذي وقعد يرفع من معنوياتي
وعطاني رجيم اسويه لمدة اسبوعين
وانا حبيت افيد البنات الي في المنتدى
والرجيم اهو:


الفطور:
2توست
1جبن سلايس او بيضة مفيوحة
1كوب حليب قليل الدسم

الغدى:
نص دجاجة مشوية
او
ملة روب عيش +ربع دجاج او لحم بحجم كف اليد او سمكة بحجم اليد(مشوي او مسلوق)

مع سلطة خضراء اي كمية(خس/خيار /جرجير/بصل/بقلوغيرها..........)

العشى:
3 انواع من الفاكهة(تفاح/برتقال/كمثر)
روب بالخيار اي كمية(روب قليل الدسم)



مسموح تناول الخس والخيار باي كمية
وكذلك المشروبات الغازية دايت
والكوفي لايت


والرياضة:
تمارين بطن 100مرة باليوم
المشي 3ساعات بالاسبوع

وعطاني موعد بعد اسبوعين عشان يشوف وزني

بنات ادعولي الله يسد نفسي على الاكل
والله تعبت ابي اضعف
خاطري البس وتعدل
دعواتكم لي ​

 

[موريا آدم]

رد : رجيم الدكتور علي الظن

ياحبيبتى الله يحقق هدفك ويقويكى
بس اهم شىء يكون عندك ارادة قوية علشان تكملى المشوار للاخر وتحققى النتيجة المرجوة
الله يعينك

 

[كيكه توفي]

الله يوفقج حبيبتي وتقوى ارادتج وتضعفين بصحه وعافيه يارب

 

[نوفلتي]

الله يقوي ارادتج ان شاءالله وتمسكي زين بالرجيم اللي ماعطج اياه تره وااايد ناس ضعفوو عليه ريل اختي ماشاءالله وااايد استفاد منه وماراح له الا بس 3 زيارات والتزم عدل بالريجيم مع الرياضه (المشي) والبطن .. والله يحقق هدفج ونجوفج منكان هههههه

 

[أحلى عيون]

رد : رجيم الدكتور علي الظن

الله يوفقج يا قلبي


ينقل الي قسم الانظمه الغذائيه

 

[farasha7]

الله يقويج حبيبتي وتوصلين للرشاقة بصحة وعافية وكل من يبي ان شاء الله ومشكورة على حبج لمساعدة غيرج وننتظرج بعد اسبوعين بالرجيم الجديد وموفقة ان شاء الله

 

[شيخه***البنات]

حبيبتي يعطيج العافيه عالرجيم و ان شاء الله يارب تضعفين بصحه و عافيه ..

انتي بس شدي حيلج وسوي الرجيم و بإذن الله بتضعفين الله يوفقج ..

 

[شيخة الغراشيب]

تطون عندج عزيمه بتضعفييين صدقيييني لاتحاتييييين حبيبتي
بس خله عندج عزيمه وشدي حيلج واشتركي في قروب عشان
تتشجعييييين

 

[حليمة بولند]

موفقة حبيبتي وانشاءالله توصلين حق هدفج