رجيم السوائل (للجادات فقط)

[qa6wa_]

انشاءالله فنكيتي
والله مشتاقتلكم وااايد
بس مزاجي زفت اليوم
الله يعين من اخذ الحبوب
فنكيتي الله يهنيج وامشي على الرجيم الي ينفع معاج
على خير انشاءاالله

 

[Bs.ana]

فديتج قطوه والله حتى احنى مشتاقين لج :eh_s(6):

لا لا افا قطوه مزاجهاا زفت ماعاش الي اخلي مزاجج زفت
الدنيا ماتسوى كل شي وراج وامشي :ggdw:

اي اي انشاءالله بتاخذينهم وبتوصلين للوزن الي تبينه
بس لا يضيق خلقج :eh_s(6):

 

[qa6wa_]

بعد عمري والله
شسوي والله جذي مره وحده يتني الضيجه
لا وفوق امس انا وبنت عمتي شرينا جاكيت نفس الموديل مبكر احمر واسود
وشرينا خام اسود عشان نخيط عليه نفنوف قصته عاديه
المهم عمتي لوعت جبدنا من القرقه هههههههه ليش شارين لون اسود ليش مو عنابي؟؟
مو حلو عنابي قطيعه

 

[Bs.ana]

قطوه الاسود اذرب ترى
والله لا تاخذين راي احد المهم رايج وذوقج
وباللبس كامل راح يبين
اشتري الجوتي تكرمين احمر مع الجنطه

يطلع ذرب حده


انا غرامي الاسود لوول

 

[qa6wa_]

ايي صج اذرب هههههههه بس عمتي كل دقيقه تفضحنا خبصتنا استغفرالله
تقول قطيعه تحبون القمته تلوعون الجبد واااااي عفيه لاتسمعين بس
عاد انا اخر شي بقطه من الحنه واخليه حق الوفره واشتري شي ثاني حق اول يوم
ويخب عليهم سنتر بوينت هههههههههههه

 

[Bs.ana]

لا والله لبسيه صدقيني بتقول حلو بعد لخياط

ومن صجج سبلاش انا احب لبسه عنده قسم لبسه روعه
بس اخر مره يوم رحت في شغلات حلوه وفي شغلات احسها مو حق لكويتين احس مو لاقين عليهم يبيلهم اجانب
:dddds::dddds:

زارا ومانغوا امنزل شغلات حلوه ترى

 

[qa6wa_]

انشاءاالله
بس صج ناوي اروح هناك واشوف شكو ماكو
قبل شهر تقريبا كنت هناك وشفت مادري شتو بالضبط بس عجبني لونه كان الفوشيا بس صاير فسفوري مادري برتقالي
كان حلو بس كانت عندنا قعدة بنات وفلوسي حده حده يالله الصالون والبدله نفسها وكان بعده الجو نار
وبروح اشوف يمكن القى القطعه او شي ثاني حلو
يعني يبيلي قطعه ثانيه واشوف شنو الاحلى حق اول يوم

 

[qa6wa_]

امبيه فنكييا
انا وانتي ان تجابلنا الفير نعفس الموضوع كله
والله ام مودي حبيبتي معطيتنا ويهه
لازم ندخل السوق والعيد مانعرف
واهما من الصبح لي المغرب شحليلهم كله سوالفهم عن الرجيم

 

[Bs.ana]

:dddds::dddds:

حريم مامنا فايده همنا الاساسي السوق وهم الرجيم

لوووووووووووول

ام مودي استحملينا :dddds:

واذا ضايقناج قوليلنا ترى عادي تمونين :eh_s(6):

 

[qa6wa_]

ايي والله
وبس هذا الحاصل يا قلبي

 

[شيخة الغراشيب]

صباح الخير اشحالكن خواتي ربكن الا بخير انا اليوم نشيت من فير الله قبل الاذان
ومشيت على الماشين ساعه وسويت تمارين ضغط بطن بعدين سبحت وصليت الفير
وبعد الصلاه شربت حلول لو حد يعرفه وتريقت بكوب حليب مع زنجبيل هالكلام الساعه 7 الصبح
والحين شربت شوربه ...
بس بغيت اسالكم البارحه شريت كوفي مافي شكر بس اجماليت الفات فيه 3% مادري ينفع او لاااااااا شو تنصحوني فيه

 

[كراميلا مرة]

هاي
صباح الخير يارشيقات
شخبار الرجيم معاكم

 

[كراميلا مرة]

صباح الخير اشحالكن خواتي ربكن الا بخير انا اليوم نشيت من فير الله قبل الاذان
ومشيت على الماشين ساعه وسويت تمارين ضغط بطن بعدين سبحت وصليت الفير
وبعد الصلاه شربت حلول لو حد يعرفه وتريقت بكوب حليب مع زنجبيل هالكلام الساعه 7 الصبح
والحين شربت شوربه ...
بس بغيت اسالكم البارحه شريت كوفي مافي شكر بس اجماليت الفات فيه 3% مادري ينفع او لاااااااا شو تنصحوني فيه

صباح النور والعسل
لشيوخة النشيطة
ممتاز كملي رياضة وخاصى في الفجر لان الجسم وايد يحرق
وحتى انا شربت حليب خالي الدسم مع زنجبيل ولا اكلت شيء ثاني لاني توني جالسة
اما بالنسبة للكوفي اذا في دهون اتوقع مايصير
بس انتظري ام مووودي اهي تقولج اذا يصلح او لا

 

[شيخة الغراشيب]

صباح النور والعسل
لشيوخة النشيطة
ممتاز كملي رياضة وخاصى في الفجر لان الجسم وايد يحرق
وحتى انا شربت حليب خالي الدسم مع زنجبيل ولا اكلت شيء ثاني لاني توني جالسة
اما بالنسبة للكوفي اذا في دهون اتوقع مايصير
بس انتظري ام مووودي اهي تقولج اذا يصلح او لا

هلا فديتج ان شاءالله باكمل لو ربي قدرني لين يوم الخميس ربي يسهل علينا ان شاءالله

 

[كراميلا مرة]

هلا
والله امنتدى صاير يغث حده بطيء
انا اكلت فندية
وان شاء الله نضل صامدين ليوم الوقفة
ابقي ينزل وزني وايد هالاسبوع لان ذاك الاسبوع ماتحرك

 

[كراميلا مرة]

وينج ام موودي اليوم


ليش مادخلتي

 

[كراميلا مرة]

ها شيخة شخبار الصداع ان شاء الله راح
وشخبار السوائل معاج

 

[شيخة الغراشيب]

هلا غناتي والله الصداع يروح ويرد وحتى اليوم ماقدرت اسير الدوام سرت الدختر والضغط بسم الله عليكم نازل عندي
هبوط .... والله الحمدلله ماشيه حالي لي حد الان بس افكر شو اتغده شو تنصحيني غناتي

 

[شيخة الغراشيب]

الحمدلله تغدييت احس كلت توماج ههههه
شوربه +كوسه وزهره مسلوقه +بابايه

 

[om moOody]

ام موووووووووووووووودي اوصلت

هاي بصديقاتي شلوونكم عساكم ابخير

سوري بنات ما دشيت الصبح لاني داومت شوي بعدين زرقت السوق


وناسه افتريت وايد خوش رياضه