رجيم السوائل (للجادات فقط)

[om moOody]

الحمدالله انا تماام وماشيه مع الرجيم ومستانسه منه

اي بس انا اللي اداوم فنكيا وقطوه ماكو دوام ونايمين هالحزه

ناطره يوم الجمعه على احر من الجمر على قولتهم ابي اشوف وزني

 

[كراميلا مرة]

انا لا دوام ولا شيء جالسة بالبيت السنه اللي راحت تخرجت والحين انطر الوظيفة
وشكلي بغني ياليل لا نها مراح تجي
يالله متحمسه اشوف اوزانكم اذا نزلت

 

[om moOody]

هيهيهي لا انشالله بتتوظفين قريب

ونصيحه ضعفي قبل الدوام عشان الدوام يمتن البنات ماشالله عليهم كل يوم ريوق يوم فطاير ويوم سمبوسك وفول فلافل (يعت)
وكل يوم يبون ياكلون بالعافيه عليهم بس تعبت ومتنت منهم

انشالله انكون ضعفانين كلنا يارب انا الجمعه انشالله اول ما اقوم الصبح بقيس وزني وبقوله لكم والعصر فنكيا وقطوه والله كريم

 

[Bs.ana]

هاي ياحلوين

<<<<<<<<< توها قاعده من النوم :eh_s(6):

اشلونكم ؟؟؟؟؟
عاشت ام مودي الله يتمم عليج


كرميلا افاااااااااا مايسوى تردين الكيلوا الي نزلتيه انتظمي في رجيم معين تقدرين عليه

قطوه
ههههههههههههههههههه ترى ساعات الروتين يملل عشان جذي تلوع جبدج
انا مامليت بس لاني مو قاعده اكل مثل الناس الي اشبع عمري
عشان جذي

بحاول اليوم انظم اكلي عدل واشبع عمري عشان مااتحلطم تالي الليل :ggdw::ggdw:

 

[om moOody]

هلا فنكيا نومة العافيه انشالله

اي والله زين اتسوين احسن شي انج تشبعين نفسج اكلي سلطه شربي عصاير طول اليوم وتقزر انشالله

حدها هانت هالاسبوع بيخلص خلاص

بنات اذا نزلنا عدل هالاسبوع اشرايكم الاسبوع الياي انريح انسوي نوع رجيم ثاني وتالي نرد له عشان ما اتملون هذا اقتراح عشان
ما ابيكم اتملون وتتعبون من هالرجيم

 

[Bs.ana]

يعافيج

امبيه غشيت ووزنت بس مراح اقول وزني س حدي مستانسه :ggdw:


ام مودي اتصدقين كنت بقولج نفس الكلام انه نغير في رجيم خوش رجيم يومين سوائل 4 ايام رجيم 1 يوم فري

بحطه لج دخل مزاجي لانه في سوائل


:ggdw:

(4 عباره عن التالي)
4 ايام كالتالي : الفطور: حليب خالي الدسم مع نسكفيه + سكر خاص للرجيم ( سبلندا او سويت أند لو أو تروبيكانا سلم)+واحد من هالاختيارات:
أما 1)عدد3 شابورات
أو
2)كوب كورن فليكس
أو
3)4 بسكووت ميري (ماري)

الضحى يعني عالساعه 10 أو 11: قطعة ككاو أي نوع يعجبج على كيف كييفج بس بشرط انها تكون حجم صغير+ قهوه او شاي ..

الغداء : سلطه + دايت بيبسي او سفن اب + واحده من الاختيارات التاليه:
1) عدد2 همبورغر أو
2)عدد 2 بيض مسلوووق أو
3)4 شرائح جبن أو
4)شيش طاوو صييخ واحد فقط او كباب صيخ واحد فقط
أو
5)4 ملاعق ذره..

المغرب : حبة فاكهه أي نوووع أو نسكافيييه+ حليب كورنيشن أو ابو قوس بس قليل الدسم.

العشاء : هالأشياء حارقه للدهووون بصوره خيالييييييه:
1) روب خالي الدسم + تفاحه
أو
2)روب خالي الدسم + خيار + 2 كيوي
أو
3)خلطة الكيوي +عصير أناناس كي دي دي
أو
4) 4 بسكوت ماري +حليب خالي الدسم مع نسكافيه
أو
5) يصير تاخذين عكس الغدا ( من أختيارات الغداء بس بشرط مو الي كليتيه بالغداء تاكليينه بالعشا بنفس اليوووم مايصيييييررر)...

( 2 عباره عن التالي )
يووووومييين سوائل شلوووون انا اقووولكم
تشربيين اي شي تبينه بس بشرط انه يكوون خالي الدسم امثله:
روب خالي الدسم
حليب خالي الدسم
لبن خالي الدسم
جميييييييييييييييييييييييع انواع العصائر
جميييييييييييييييع انواع الفاكهه ماعدا الموز المانجا والتمر
جمييييع انواع الشوربات بس بدوون كريمه او كريمه خفييفه جدا جدا
جميييييييييييييع انوع الخضروات
.....
اليوم الاول سوائل
والثاني رجيم الاربعه
والثالث رجيم الاربعه
واليوم الرابع سوائل
واليوم الخامس رجييم الاربعه
واليوم السادس رجيييم الاربعه
واليوم السابع فري

 

[كراميلا مرة]

هيهيهي لا انشالله بتتوظفين قريب

ونصيحه ضعفي قبل الدوام عشان الدوام يمتن البنات ماشالله عليهم كل يوم ريوق يوم فطاير ويوم سمبوسك وفول فلافل (يعت)
وكل يوم يبون ياكلون بالعافيه عليهم بس تعبت ومتنت منهم

انشالله انكون ضعفانين كلنا يارب انا الجمعه انشالله اول ما اقوم الصبح بقيس وزني وبقوله لكم والعصر فنكيا وقطوه والله كريم

ان شاء الله وكاني انا احاول
والله وصحيح البنات يمتنون
العام وانا بالكلية متنت ووصلت لهذا الوزن اللي ماعمري وصلت له

 

[كراميلا مرة]

يعافيج

امبيه غشيت ووزنت بس مراح اقول وزني س حدي مستانسه :ggdw:


ام مودي اتصدقين كنت بقولج نفس الكلام انه نغير في رجيم خوش رجيم يومين سوائل 4 ايام رجيم 1 يوم فري

بحطه لج دخل مزاجي لانه في سوائل


:ggdw:

اتصدقين يافانكيا والله حتى انا هذا الرجيم عاجبني وداخل مزاجي وقلت اقترح عليكم انا نجربه

 

[Bs.ana]

اتصدقين يافانكيا والله حتى انا هذا الرجيم عاجبني وداخل مزاجي وقلت اقترح عليكم انا نجربه

صج :eh_s(6):
خل انشوف راي ام مودي وقطوه اذا اوكي نسويه من اسبوع الياي انشاءالله :ggdw:

 

[كراميلا مرة]

ان شاء الله واذا قررتو انا اول وحدة معاكم

 

[Bs.ana]

اوكي

ياله ناطرين ام مودي او قطوه :ggdw:

 

[om moOody]

هلووووووووووووووووووووووو

فنكيا يالغشاشه ليش اتقسين وزنج ( شوقتيني ودي اقيسه)

والله خوش رجيم حلو انا اموااااااااااااااااااافقه من الاحد انشالله

 

[om moOody]

زين هالرجيم علشان كراميلا ترجع معانا

فنكيا قوليلي جم نزلتي (حدي ملقوووووووقفه ابي اعرف)

 

[Bs.ana]

هههههههههههههههههههه ام مودي بعلمج جم نزلت

كنت 71

وصرت



69


:ggdw::ggdw:

وحدي مستانسه
الشكر لكم طبعاً على التشجيع :eh_s(6):


وبعد بعد انشاءالله اوصل للـ 59 وافتك خخخخخخخخخخخخخخخ

اي ترى خوش رجيم هم فيه سوائل وهم فيه اكل صحي
الاحد انشاءالله البدايه



قبل شوي طبعاً كليت تفاحه خضرا + قلاصين ماي

وبقوم اكل برد لولي برتقال :eh_s(6):

 

[om moOody]

هيااااااااااااا

ونااااااسه

مبروووك خانة الستينات

2 كيلو وايد حلوين والياي احلى انشالله تستاهلين حبيبتي


انا بعد الحين قاعد اكل برد لولي بس توت


بالعافيه علينا

 

[عقارية]

هلووو بنات
ما تصدقون إذا قلت لكم أني لبسي تغير
والله يا بنات شاريه لي ملابس رياضه قلت خلاص لمتى هالاستهتار والبلع واللهط
كل شي له ضريبه
قمت بكل ثقه البس صحيح ما نزلت وايد لكن أتوقع كيلوين
لكن مصيبه حتى الخدامه لاحظت
وبستمر ، بس بصراحه أمس اشتهيت سمبوسه وأكلت لي ثنتين
بسألكم بنات يصير اشرب حليب بالحلبه ، أنا عظامي تطقطق ووصفوا لي الحلبه لكن أخاف تسمني

 

[Bs.ana]

هيااااااااااااا

ونااااااسه

مبروووك خانة الستينات

2 كيلو وايد حلوين والياي احلى انشالله تستاهلين حبيبتي


انا بعد الحين قاعد اكل برد لولي بس توت


بالعافيه علينا

يبارك فيج :eh_s(6):

ايي كيلوين اب 3 ايام حلوين وايد
تسلمين ياله عقبال ماننزل كلنا واكثر :eh_s(6):

بالعافيه حبيبتي

 

[om moOody]

هلووو بنات
ما تصدقون إذا قلت لكم أني لبسي تغير
والله يا بنات شاريه لي ملابس رياضه قلت خلاص لمتى هالاستهتار والبلع واللهط
كل شي له ضريبه
قمت بكل ثقه البس صحيح ما نزلت وايد لكن أتوقع كيلوين
لكن مصيبه حتى الخدامه لاحظت
وبستمر ، بس بصراحه أمس اشتهيت سمبوسه وأكلت لي ثنتين
بسألكم بنات يصير اشرب حليب بالحلبه ، أنا عظامي تطقطق ووصفوا لي الحلبه لكن أخاف تسمني

اهليين عقاريه

مبروك النزول وانشالله تستمرين وتوصلين للوزن اللي تبينه

بس انتي اي رجيم امسويه ؟

والله ما عندي فكره عن الحليه اذكرني الانفاس وكل شي ناكله بالانفاس يمتن :eh_s(6):

 

[qa6wa_]

هاي يا بنات يا حلوين
شلونكم؟
الله يتمم عليكم حبايبي وانشاالله كلنا ننزل
ومبروك عليج فنكييا الفال لي انشاءالله والرجيم الي الثاني وايد حلو
شوي تغير
بس انا اذا اليمعه مانزلت شي بعد هالرجيم مااسويه ههههههههههههه (يعني معصبه)
مابي اطول عليكم بروح حق عمي المستشفى وارجع
برب

 

[om moOody]

والله اطقج اذا ما ضعفتي عشان هالرجيم يضعف الا اذا كنتي امسويه شي غلط فيه

بس انشالله ابتضعفين وبنضعف كلنااااااااااااااااااااااااااااااااااااااااااااااا يا رب