رجيم المستشفى العسكري - متجدد -

[دلوعة امها]

هلا وغلا فيكم بنات كويتيات راعيات الذوق والسنع بما ان لاعت جبدي من المستشفيات الخاصه فقررت انقل نشاطي لمستشفيات الحكومه عل وعسى القى ضالتي وهدفي ألا وهو الوصول للوزن والشكل المناسب>>>>اشدعوا عارضة أزياء ألحين !!!!!!!


المهم اني بحط لكم نظامي الغذائي وان شاءالله تستفيدون منه مثل ماآنا مستفيده .


نظام غذائي 1500 كالوري /يوميا .


الفطور :


ا كوب خالي/نص دسم

ا بيض أو جبن قليل الدسم أو لبنه مع 2 ملعقة زعتر أو فول أو حمص+نص خبزه سمره أو نص خبزه ايرانيه أو 2 حبات شابوره


10 حبات زيتون أو صحن شرائح خيار-خس-جزر

أو كورن فليكس اول بران مع حليب



الضحى :

2 حبة فاكهة أو كوب عصير طازج


الغدا:

نص خبزه سمره أو كوب عيش مشخول أو كوب باستا


قطعتين سمك/دياي /لحم

خضار مسلوقه أو مرق خضار

كوب روب أو لبن خالي الدسم


برتقاله أو تفاحه أو 3 تمرات

سلطه-تبوله-فتوش


العصر:

حبتين بسكوت أو قطعة كيك مع شاي أخضر

العشا :

نص خبزه أو حبتين توست


جبن قليل الدسم أو لبنه أو بقول أو سمك تونا/همبرغر مشوي/ستيك/شاورما/تيركي....الخ

أي كمية سلطه+حبة فاكهه أو كوب عصير




قانون الرجيم



شرب كوب ماء قبل الوجبه بربع ساعه
المشي لمدة ساعه يوميا




ترتيب أكل الوجبه:


اولا السلطه ثم الشوربه ثم الطبق الرئيسي



مع تمنياتي لكم بدوام الرشاقه والصحه




أختكم دلوعة أمها
​

 

[xxx]

مشكوووووورة على الرجيم

جم نزلتي عليه ؟

 

[ii DareeN ii]

خوش رجيم مشكوره اختي

 

[afesa]

خوش ريجيم متروس اكل بس شلون معدل نزول الوزن بسرعه والا لا

 

[الغاليه]

هلا دلوعه امها

رفيجتي وزنها 150 والحين ما شاء الله 85 كيلو تقريبا بتسع شهور تابعت مع دكتوره بمستشفي العسكري

والله يتمم عليها ان شاءالله ويتمم عليج

 

[ام حسوني]

يبيييييله نجربه

ونشوف نتايجه

 

[غزال قرطبة]

السلام عليكم


دلوعة امها

انشالله بتحطيلنا كل اسبوع رجيم؟؟

لانج اذا بتحطين كل اسبوع رجيم

ببلش معاج

و هل انتي من الاوزان الثقيله؟؟


يعني ينفع حق المتان ؟؟

وجم ينزل بالشهر

ادري ودج تذبحيني من الاسئله بس شسوي مستانسه من نظامج

 

[العذراء]

اكيد يستاهل التجربة تسلمين

 

[دلوعة امها]

هلا فيكم كلكم ومشكورين على الردود وبالنسبه لسؤال غزال قرطبه اي ياقلبي كل ماتعطيني رجيم يديد بكتبه لكم >>>تستاهلون كل الطيب حبايب قلبي .وعسى الله ينولكم كل اللي في بالكم يارب

 

[سبانيوليتا]

مشكووووووووووووورة

 

[دمثة]

مشكورة

 

[جوجو.]

مشكوره

 

[مــلاك]

مشكووره وايد حلو ومنوع

 

[انصار]

انا ماينفع معاي لانه مشيت على الف كالوري وماكنت انزل
عموما مشكوووره وايد ومتابعينج ان شاء الله

 

[منجة]

دلوعه امها حبيبتي الله يوفقج وتضعفين بس ماعليج أمر ممكن اسم الدكتور