رجيم خسرني 12 كيلو .. بس ابي تشجعيكم

[جامعيه]

رد : رجيم خسرني 12 كيلو .. بس ابي تشجعيكم

اليوم بقولكم شنو كليت بالضبط

قمت الظهر من النوم ,,,,,,,,,,,عطله لوووووول .........شربت نسكافيه

بعدها بساعتين اكلت مرتديلا 3 شرايح وجبن سلايس 2 وخس

وبعدها قهوه عربيه العصر

وعالساعه 7 شاي اخضر بالزنجبيل يا بنات صج ينفع انصحكم فيه

والحين قاعده اتعشى 2 همبرغر مشوي وجبن سلايس 1 وخس وخضار مسلوقه وبيبسي دايت وعلى فكرة البيبسي ممنوع بس انا قلت شي احسن من لا شي يعني ماراح اطبق الرجيم بحذافيرة لاني صج مليت منه بس ابي اضعف ومابي اضغط على نفسي


وبعد شوي بشرب بعد شاي اخضر مع زنجبيل وبكثر ماي وبمشي انشالله ساعه

 

[الحراير]

رد: رد : رجيم خسرني 12 كيلو .. بس ابي تشجعيكم

cotten candy
حبيبتي تسلمين يارب على هالدعوه والله ينولج اللي في بالج

i don’t care
مشكورة يالغاليه وماقصرتي

صبرت ومل الصبر صاجه والله تدرين وحده الله يسامحها اقولها والله ودي اضعف تقولي ليش خليج جذي تعودنا عليج متينه بعدين من بين السوالف تقول زوجي مايحب المتن ويع اخاف صج امتن ولما تحس اني انتبهت ترد وتقلب الموضوع بالعكس في ناس حلو عليهم وانتي منهم تقهررررررررررررررني الله يسامحها .... وماقصرتي يالغلا على الرد ... ومري موضوعي بين فترة وفترة عطني دافع ونصايح والله محتاجتكم تزفوني وتشجعوني


الحراير ...ز جربي معي من باجر وانشالله تضعفين اللي تبينه باقل من شهر لان رجيمي يضعف بسرعه

اوكي ببتدي معاج بس شجعيني

 

[جامعيه]

رد : رجيم خسرني 12 كيلو .. بس ابي تشجعيكم

يله انا معاج شدي حيلج من باجر ..بلشي رجيم .. والله الضعف يهبل تلبسين اللي تبينه وثقة مو طبيعيه ... اهم شي الارداة وانا بانتظار يومياتج ...

 

[هــديــل]

اهلين صبايا


انا اليوم قمت من النوم ماكلت شي اكلت المغرب بيض مع جبن ونص صمونه وعصير

وعليها للحين شبعانه بشرب لين كلاص لبن قليل الدسم وبنام

وبكره الصبح بقوم برقص وبسوي تمارين سويديه محملتهم من النت

 

[جامعيه]

رد : رجيم خسرني 12 كيلو .. بس ابي تشجعيكم

حلو هديل .. استمري والرقص صج يضعف بس انا مالي خلق ارقص حدي مشي لوووووووووول

بالتوفيق وتصبحين على خير

 

[[[ عيون جابر ]]]

مشالله عليج بألف عافيه

 

[صبرت ومل الصبر]

رد : رجيم خسرني 12 كيلو .. بس ابي تشجعيكم

مرحبا اختي جامعيه حبيت اقولج لاشكر على واجب والله احنا خوات واللي احبه لنفسي احبه للناس والله شاهد
حبيبتي احنا مسوين قروووب وكل وحده لها رجيم معين بس نقعد ونسولف ونشجع بعض تعالي معنا خلينا نشجعج والله اني مستعده اني اكونالمشجعه الخاصه بعد اسم التجمع(يوميات وسوالف رشيقات المستقبل ان شالله )باسم ام عامر حياج الله حبيبتي واللي حابه من البنات هم حياها الله

 

[زنوبة الحلوة]

موفقة حبيبتي وان شاء الله تنزلين وزنج بصحة وعافية

 

[كيكه توفي]

الله يوفقج حبيبتي وتضعفين بصحه وعافيه يارب

 

[روعة خيال]

موفقة

 

[جامعيه]

رد : رجيم خسرني 12 كيلو .. بس ابي تشجعيكم

فراولة اهلي حياج الله .. وانشالله تتوصلين للوزن اللي تبينه

صبرت ومل الصبر ... الله يعطيج على قد نيتج وانتظريني بالتجمع مالي بجي افضفض عن للي فيني لوووووول


زنوبه وكيكة توفي وروعة خيال .......... تسلمون لى مروركم ودعواتكم ولكم بالمثل ان شالله ويارب توصلون للوزن اللي تبونه

 

[جامعيه]

رد : رجيم خسرني 12 كيلو .. بس ابي تشجعيكم

بنات اليوم حيل ضايق خلقي ............... لاني بصراحة خربطت ........... بالدوام الصبح ماسكة نفسي وكل شي اوكي بس بعدين صار عندي ظرف .. واظطريت اطلع من الدوام وللعصر مارديت البيت فكنت بموت من اليوع جان اكل (( اه والله احس ببجي )) كيكة صغيره وشبس مع عيالي .... وااااااااي احس باحباط مو طبيعي .... وضيقة خلق ......زفوني لاني استاهل والله ... مادري متى بضعف مليت

 

[هــديــل]

جامعيه حتى انا مثلج اليوم خربطت
ماسكه نفسي لين المغرب مااكلت الا شابوره
ع العشاء دقت علي الباب جارتي الا يايبه لي صحن مكرونه بشاميل
الصراحه شكله يشهي ماقاومته اكلت يمكن 5 ملاعق وشربنت نص ببسي

وعليهم كلت ماني ماكله شي لين باجر وبرقص ساعه انزلهم
والله يعين
حبيبتي لاتتحطمين دامج خربطتي اليوم ققلي الاكل باجر وحاولي تتحركين اكثر
وموفقين

 

[هــديــل]

وينك جامعيه فقدتك
انا اليوم الحمد الله ماشيه تمام اكلت دجاج مشوي مع شوي خبز
وهو غداي وعشاي وفطوري

 

[جامعيه]

رد : رجيم خسرني 12 كيلو .. بس ابي تشجعيكم

هلا هدوله

حبيبتي انا صارلي يومين تعبانه من ريلي القدم عندي وارمه وطلع التهاب حاد بالانسجه واحتمال انام بالمستشفى اذا مانفع معاي المضاد معطيني لباجر العصر ........ والله سوري نفسيتي زفت ومويم الرجيم بس انشالله ارجعلكم وبقوه اذا الله كتب وتشافيت انشالله

امانه ادعولي بنات والله محتاجه دعائكم .....

 

[الأميرة]

رد : رجيم خسرني 12 كيلو .. بس ابي تشجعيكم

موفقين حبايبي والفال لي اضعف يااااااااااااارب

 

[جامعيه]

رد : رجيم خسرني 12 كيلو .. بس ابي تشجعيكم

انشالله برجع ابتدي رجيمي من باجر وانشالله الله يقدرني والتزم فيه من جديد ..........

باجر باذن الله ريوقي ... 3 شرايح مرتديلا و1 جبن سلايس وخس ونسكافيه

شاي اخضر مع زنجبيل 3 مرات

غداي ... 2 ستيك مشوي وخضار مسلوقه وخس

عشاي روب اكتيفيا مع مرتديلا 2

ولله يقدرني والتزم وراح اخبركم باجر بالتفصيل شيصير معي ... ومثل ماقلت بسبب ريولي والالتهاب انا الحين ممنوعه من الحركه عشان جذي ماراح يكون هالاسبوع فيه مشي بس انتوا يا بنات امشوا لان المشي بيخليج تخسرين وزن اسرع .......... والله يوفقنا انشالله ونضعف بصحه وعافيه
ونكيد الاعادي لوووووووووووووووووووووووووووول

 

[جامعيه]

رد : رجيم خسرني 12 كيلو .. بس ابي تشجعيكم

حراير ........ هديل ....... وينكم لاحس ولا خبر ............... اتمنى تردون تشجعوني واشجعكم ....

 

[جامعيه]

رد : رجيم خسرني 12 كيلو .. بس ابي تشجعيكم

الاميرة حياج الله وانشالله تضعفين وصدقيني بالرجيم الشي الصعب جدا هو البداية يعني اول يومين او 3 تحسين انج تكرهين روحج ونج ماتقدرين بس من تعدين اول 3 ايام صدقيني راح يصير الموضوع جدا سهل وانا الحين مشكلتي في هالبدايه انشالله الله يثبتني على الرجيم وانتي بعد انشالله تضعفين بصحه وعافيه وحياج معانا ... شجعينا ونشجعج

 

[يـونـيـك الغـلا]

رد : رجيم خسرني 12 كيلو .. بس ابي تشجعيكم

بالتووووووووووووفيق الغااااااليه