رجيم د. رائدة - مستشفى مبارك

[مرت ريلي]

سلام يا حبايبي الحلوين يا رشيقات المستقبل القريب باذن الله

حابة أحط لكم رجيمي اللي آنا ماشية عليه مع دكتورتي العسولة د. رائدة
طبعا أحطلج الصنف واذا ما عجبج تحته البدائل يعني تقدرين اتبدلينه وينزل من 3 الى 5 كيلو بالأسبوع وانتي وشطارتج والمشي كفاية لو تمشين 3 أو أربع أيام بالأسبوع أو ترقصين أو تسوين أي نشاط رياضي

بس على شرط اللي تدش وتشوفه تكتبلي شي لأني صج صج تعبت وآنا أكتبه وأرتبه وأنسقه حقكم علشان يصير واضح وتتشجعون وموفقين انشالله

بسم الله نبلش
------------------------------------------------------------------------------------
الفطور :

شريحتان توست
البدائل : نصف خبزة أي نوع أو كوب كورن فليكس أو صمونة صغيرة

نصف كوب حليب
البدائل : كوب لبن أو ملعقة ونصف حليب بودرة خالي الدسم

بيضة واحدة
البدائل : لبنة أو جبن قريش (نسبة الدسم 15 الى 25 %)

ملعقة صغيرة زيت
البدائل : ملعقة زيت زيتون أو خمس حبات زيتون

خضروات السلطة حسب الرغبة وبأي كمية
------------------------------------------------------------------------------------وجبة خفيفة رقم 1 : حبتان بسكوت سادة + شاي أو قهوة حسب الرغبة
------------------------------------------------------------------------------------
الغداء :

نصف كوب شوربة
البدائل : شوربة شعيرية أو جريش أو شوفان أو عدس

60 غرام لحم مشوي
البدائل : نصف صدر دجاج أو الفخذ بدون الجلد أو 90 غرام سمك أو
8 حبات ربيان أو 100 غرام تونة بالماء أو مصفاة من الزيت

نصف خبزة
البدائل : 4 ملاعق مائدة أرز أو كوب ونصف مكرونة أو حبة بطاطا أو جزر

كوب لبن
البدائل : نصف علبة روب أو زبادي خالي الدسم

سلطة حسب الرغبة بدون اضافة زيت أو مرق أو سوتيه خضراوات الطهي

ملعقتان زيت للطبخ
-----------------------------------------------------------------------------------
وجبة خفيفة رقم 2 : تفاحة أو برتقالة أو 12 حبة عنب أو كرز أو عصيرها
-----------------------------------------------------------------------------------
العشاء :

ربع خبزة أي نوع
البدائل : نصف كوب نخي أوباجيلا أوحبة بطاطا أوصمونة أونصف خبز رقاق

60 غرام لحم
البدائل : نصف صدر دجاج أوشريحتان مرتديلا أوتركي أوجبن + ملعقة لبنة

نصف كوب زبادي
البدائل : كوب لبن أو نصف كوب حليب خالي الدسم

سلطة حسب الرغبة

حبة فاكهة - شمام أو بطيخ أو موزة صغيرو أو مانجا أو شريحتان أناناس


وبالتوفيق انشالله يا خواتي العزيزات :eh_s(15):

 

[ضعيفه وعصله]

مشكووورة حبيبتي على الموضوع الحلو

و الرجييييم الحلو

سيفته

مع حبي:
مفصوله عن الخدمة
" ضعيفه و عصله "
:eh_s(22):

 

[مرت ريلي]

بعد قلبي والله وعقبال مانصير مربع الرشاقة هههههه

مشكورة عالردود ونطري موضوعي مختارات يمكن
تناولها في الثلاث وجبات اليومية فطور - غداء - عشاء

 

[bnt q8 in usa]

يعطيج العافيه ومشكوره وانشالله الجميع يستفيد

 

[منوله كويتيه]

تسلم إيدج ومشكووووووره على تعبج معانا بس احنا نستاهل

يارب اقدر التزم فيه لانه حلو وشكله مومتعب

وبالتوفيق انشاء الله

 

[مرت ريلي]

أكيد تستاهلون يا حبايبي بس انا أحب أتدلع

وبصراحه اهو مو متعب بالعكس وايد فيه تنويع

زمزفققين انشالله

 

[@ الرسامة @]

يعطيج العافية شكله صحي
ومتروس اكل

 

[مرت ريلي]

اي والله وأهم شي تشربون 8 أكواب ماي يوميا

مع ان انا أيام أوصل 8 وأيام 6 بس

بس قاعدة أحاول ليما أتعود انشالله

 

[ii DareeN ii]

مشكوره حبوبه شكله وايد حلو بشرينا بالنتايج

 

[ام المزايين]

رووووعه خوش رجيم حيل متنوع

بس انا الحين مع عبدالله المطوع

 

[^^دموع الكويت^^]

هذي الرجيمات السنعة :eh_s(15):

مشكوووووورة يزاج الله خير​

 

[مرت ريلي]

دارين حياج قلبي ومشكورة عالمرور والنتايج مبينة والله حلو الريجيم وانا مدلعة روحي يوم الاربعا آخذه فري عشان يمعتنا آكل من كل صنف نتفة وأكثر من السلطات أحط منها أكثر شي وأبتدي فيها.

ام المزايين سامعة فيه بس ما كنت أدري انه دكتور تغذية

اشلون صاير ريجيمه ؟ ومشكورة عالرد حبيبتي

 

[monera]

مشكورة الغاليه على الموضوع .........وفعلا خوش نظام وان شاء الله راح ابدا فيه من باجر وراح اكتبلك النتايج اول باول
يعطيج الف عافية

 

[مرت ريلي]

دموع حاضرين يا عسل

منيرة نطري موضوعي باجر راح يفيدج انشالله

 

[أوشال]

هلا مرت ريلي

أنا قبل ست اشهر كنت متبعه رجيم مقارب وايد لهلرجيم
وبغضون شهرين نزلت 15 كيلوو وخلالاص جذي حدي

ما ابي انقص أكثر بس الحين وزني قاعد يزيد والسبة الحمل
إن شاء الله بعد ما أولد بسلامة برجع اسويه وثبت وزني

صج كنت امشي يوميا ساعة وانط حبل وارقص بالليل خخخخخ

موووفقة حبيبتي

 

[مرت ريلي]

حبيبتي الله يقومج بالسلامة ويتربى البيبي بعزج مقدما

بليز جيكي موضوعي عن الكالوريز بعد خمس دقايق ممكن يفيدج

 

[نوال]

مشكوووره وايد حلو الرجيم
انا بمشي عليه من باجر

 

[xxx]

مشكورة خوش رجيم

 

[انا كويتية]

مو جنة وايد أكل ؟؟؟؟؟ انزين يعني الريوق نص قلاص حليب وبيضة و2 توست وخضرة ؟؟؟؟ وااااااااايد .... انزين اللي مشوا عليه شصار عليكم ؟؟

 

[supermarket]

مرت ريلي

وين صايرة د. رائدة

وشنو اختصاصها؟