رجيم د.عبدالله المطوع 2012

[ارتيكازا]

صباح الخير ...

امس كانت زيارتي الثانية حق د.المطوع و عطاني رجيم ينزل من 5_8 كيلو بشهر و نص تقريبا و انا وزني مو وايد 68 و طولي 61 قالي بس احتاج هالكثر ... منو تحب تشاركني اذا حسيت في تفاعل بكتبه عشان نستفيد و نشجع بعض

 

[zain-alq8]

انا معاج بس شنو ريجيمه

 

[نسمات 26]

معاج حبيبتي

وبالتوفيق لج ولنا

 

[بسبوسة الرياض]

حطييييييييييييييييه ياقمر نشاركك

 

[pe-engineer]

ياااااا ريت
انا معاج

 

[غير كل الناس]

شنو رجيمه

 

[مدربة الرشاقة]

دكتور شاطر بالتغذيية
اما بالنسبة للرياضة مب لهناك

 

[روج بنكي]

معاااااااااااااااكي تعبت من وزني
الله يسعدك

 

[فجر_الكويت]

موفقه خير يارب

 

[دلال كووول]

السلام عليييييييكم وأنا بعد وياكم

 

[ارتيكازا]

صباح الخير مشكورين على الردود و انشالله الحين بكتبه اسفة على التاخير و انشالله موعدي الياي بعد 3 اسابيع تايخ 2/1 للي عندها اي استفسار اودي معاي

 

[ارتيكازا]

اول شي عندي ملاحظة ابي اضيفها ان انا توني والدة صارلي شهر و نص عشان جذي رح تشوف الرجيم في البان شوي حق الرضاعة , و ثاني شي انا ظلع فيني اسمالله عليكم كلسترول هذي نقطة ثانية .....


الرجيم اهوه :

الفطور : موزة أو 5 تمرات أو 2 دايجستيف لايت أو 2 درابيل اسمر أو شابورة + كوب حليب خالي الدسم


الضحى : روب اكتيفيا أو شاي و حليب + استكانة مكسرات ( بس لازم المكسرات ما تكون محمصة و نصحني بمكسرات الرفاعي اسمها لايت مكس ) أو فواكة مجففة


الغداء : سلطة + 5-4 ملاعق نشويات ( اي شي من غداكم عيش , باستا, لازانيا اي شي حتى لو متروس كريمه بس اهم شي الكمية ) أو نص خبزة سمرة أو بطاطا وسط بالفرن + صيخ مشوي أو صدر دجاجة أو سمكة مشوية ( قالي اي لحوم كبر نص كف الايد بس اصابعج تاخذينه من الايدام من غداكم ) + دايت أو ماء



المغرب : كاكاو وسط ( اي نوع كبر حجم الكتكات, أو اي نوع سويت حتى لو بسبوسه رهش اي شي بس تراعين الحجم اللي اهوه كبر الكتكات ) أو 2 فاكهه ( اي نوع ما عدا الموز او المانجا) + شاي او قهوه



العشاء :
- نص خبزة سمرة خفيفة + علبة تونا أو بيضة + خضار تحمسينهم مع بعض + دايت او ماء ( هذا الاختيار حطلي عنده ***)
- نص صمونه سمرة من صب واي + تركي او دجاج + جبن + خضار + دايت أو ماء ( و قالي اذا بتحطين صوص ثقيل مثل الرنش او السيزر تحطين بس خطين اما الصوص اللايت مثل الخل او الليمون و غيرها عادي غرقيها )
- سلطة ( انا قلتله احب سلطة الجرجير ) + 1 صيخ مشوي + 2 ملعقة حمص أو متبل أو ثوم + دايت او ماء
- بنك بيري حجم وسط العادي مع الفواكة
- 1 توست اسمر + جبن قليل الدسم + زعتر + خضار + كوب لبن حالي الدسم + تفاحه ( و هذا الاختيار حطلي عليه ***)
-صنف واحد فاكهه , كمية مفتوحة ( هذا الاختيار حطلي عليه *******)
-سلطة خس ( ملعقة زيت زيتون +ليمون + خل ) + 3 شرايح جبن مالح أو حلوم قليل الدسم + ملعقة زيتون شرائح + دايت أو ماء
-و قالي اذا مثلا مشتهي تغيرين و تطلبين من برا في شغلة من مطعم لوفات اسمها ليتس راب ( و اهية عبارة عن خس ملفوف داخلة جبن و تركي و هلسوالف كنوع من التغيير + دايت أو ماء





ملاحظات :


شرب الماء بكثرة
ممارسة الرياضة من 20-40 دقيقة باليوم
لازم يكون فترة 3 ساعات بين الوجبات

 

[نسمات 26]

ثااااااانكس

وان شاء الله تضعفين بالصحه والعافيه

 

[zain-alq8]

ان شالله ببلش فييه باجر

 

[aady]

thanx

 

[bubble.gum]

مشكوووره انا انشالله راح اطبق هالرجيم ووزني مثل وزنج وطولج ... بس انا قبل لا احمل كان وزني 55 بس لمن ولدت صار وزني 68 وسويت رجيم دينا ولينا شهرين ما نزلت ولااااااا كيلو ... انا راضيه يكون وزني 66 او 65 بس المهم اضعف

 

[جـوود الحب]

موووفقه حبيبتي

 

[بسبوسة الرياض]

رجيمك حلو وصحي
مشكوووووووره

 

[modern]

حلو ريجيمه مشكورة

 

[ارتيكازا]

مشكورين على الردود و ياريت اللي بلشت فيه تقولنا شنو كلت عشان نذكر بعض و نشجع بعض بعد ...... و في ملاحظة ان ممنوع شرب العصير مع الوجبات لان يبطء وايد من عملية الهضم , و نصحني بعد بحبوب اسمها سفن سيز أو بيور سيز (زيت السمج ) قالي وايد زينه ,

و في شغلة مهمه و اهية الوجبة الفري كل اسبوع تختارين وجبة وحده مع السويت مره وحده بس يا غدا او عشا و موفقين اشالله