رجيم سويته من نفسي نزلت عليه 3 كيلو بسبوع حدي مستانسه

[U N O]

:eh_s(9):​

اخيرا​

بنات كل رجيم يطري على بالكم سويته معاناة انا ويا الوزن والوزن الزايد معاي من وانا صغيره دايما انا الاكبر مع اني اصغر بالعمر بس تدرون السمنه وماتسوي
رحت حق الدكتور حسين دشتي
رحت لطالب الشمري
رحت لميري الهنديه اللي بالعوضي سنتر
رحت لعبدالله المطوع​

اكتشفت بالاخير انه التنظيم والالتزام والاصرار والاراده اهوا اللي ينزل الوزن اللي بتروح لدكتور مجبوره ولامغصوبه ولا منقثه وعشان تبي تلتزم ترا الدكاتره مراح يعطونج الاراده بيعطونج البرنامج وينصحون والباجي عليكم شوفوا الاوراق اللي عندي ترس اشتط اول جم سبوع تالي اسحب وابلع :eh_s(16):فقمت افكر بيني وبين نفسي لين متا اكل؟وليش اكل؟ عشان اشبع ولا عشان اعيش؟وليش اكل بسرعه وليش ما اتلذذ بالاكل؟ ليش اخربط بالاكل ليش ما انظم اكلي؟ ليش ما اكل شي صحي ينعكس على بشرتي وشعري واظافري والاهم لنا السوووق ياربي لمه تيي مناسبه ولا عيد يظيق خلقج مو كل شي لايق عليج والتزقدد موشي وودج تلبسين وايد اشياء بس الوزن مايسمح وموحلو يصير​

مسكت ورقه وقلم وكتبت كل الكلام اللي فوق كل شعوري وكل ما ابي اسويه فضفضت كتبت كلام وايدواخر شي حرقة الورقه :eh_s(4): وقمت اشوف روحي بالمنظره واتمقل خخخخخ :eh_s(10):​

فقلت ببلش شهر رجيم قاسي شوي انزله فيه وزني اقل شي 10 بمقدار 2 الى 3 كيلو بالاسبوع اذا قلنا 2 كيلو بالاسبوع خلال شهر 8 واذا 3 كيلو 12 كيلو حلوين
اهم شي تحطين نوت وتقيسين وزنج كل سبوع فقط لا تقيسينه كل يوم تتحبطين
انا سجلت النتيجه قبل سبوع كانت 87 واليوم قست كان 84 :eh_s(9)::eh_s(9)::eh_s(9):​

الرجيم
الصبح عالريج نص لتر (بطل abc) اللي 500 ملل
او قلاصين ماي
مع نسكافيه 3 في 1​

بعدها بساعه ريوق اختاري واحد من هذيله​

1- يكون فاكهه
2 برتقال او موزه او تفاحه او اناناس 3 شرايح او 2 كيوي او 2 خوخ +حليب خالي الدسم بارد​

2- شابورة الرشاقه اللي فيها 3 قطع + بيضه مسلوقه+ قفشتين لبنه قليلة الدسم او جبنه قليلة الدسم + طماط او خس او خيار او ممكن كلهم​

3-كورنفلكس فتنس + حليب خالي الدسم​

ورا الريوق بساعه اشرب الجاي السحري ((رويال)) اللي بالجمعيه بنات لاتقعدون تقولون موزين هالجاي ومادري شنو ترا رفيجتي مشاءالله فاهمه واختها صيدلانيه تقول مافيه شي بسلازم اللي بتاخذه تشرب كمية ماي وايد غير جذي لاتشربه​

الغدا
ماتغدا اكون رايحه المدرسه انا مسائي :eh_s(2): فأكتفي بنسكافيه 3 في 1 او اشرب بيبسي دايت او سفن دايت
واتم اشرب ماي بكثر وساعات​

اللي بتغدا تاكل اي شي ناشف (مشوي) دياي سمج لحم ستيك + خضار سوتيه او سلطه خضرا بدون صوص بس ليمون وخل بدون ملح + روب خالي الدسم​

العشا
ظروري يكون قبل الساعه 9​

اختاري واحد من هذيله​

1- روب خالي الدسم+ خيار
2- فاكهه مثل الريوق بدون حليب
3-كورنفلكس وحليب​

وراها بساعه جاي رويال​

والله نزلت 3كيلو هذا رجيمي خلال سبوع بالويك اند ما التزم لاني نوييييييمه احب النوم
لمه اقعد اشرب ماي وتالي نسكافيه وبعدين اطلب من صبواي نص صمونه وسلطه ووراه بساعه جاي رويال واذا طلعت اكل من بنك بيري ولا اشرب اي شي لوفات حتى ستاربكس اطلب الحليب الفري فات وحتا صوص الكرميل يحطونه دايت وبدون كريمه واتلذذ ويا سلطه اذا يوعانه​

احاول كثر ما اقدر ما افكر بالاكل افكر بالتعب والوزن وشكلي بعد شهر :eh_s(7):​

 

[أإأم روويم]

ما شاء الله خوووش رجيم

ان شاء الله بطبقة قريب

ومبرووووك ع النزوول

 

[Aryam30]

مبروك على النزووووول وانشالله توصلين للوزن اللي تتمنينه

 

[munani]

مشكووره حياتي
بس هذا ما اقدر عليه اذا طبقته تحوشني دوووخه واطيح

 

[الطفلة المرحة]

ما شاء الله
انا بمشي ع رجيمج لانه يشبه ريجيم الدكتور عبدالله المطوع وانا كنت بمشي عليه
ورجيمج صحي وطبيعي مو خيالي
وان شاء الله انزل زي مانزلتي
ابي شكلي في العيد يصير غير كل مرة
وبزيد ع رجيمج مشي ع السير نص ساعة

وشاكره لج

 

[ShoOog el3YoOoN]

ماشاءالله الله يتمم عليج يااارب

 

[لعنبآك دهورتني!]

ما شاء الله

 

[@ DLOO3TAH@]

كلامج صح أنا جربته ونزلت 3 كيلووو تقريبا نفس رجيم بس الصبح شابوره اوتوست وبالليل فواكه أو روب ..

 

[فجر_الكويت]

يعطيج العافيه حبيبتي ومبروووك النزول

 

[ام عزوزي&]

رجيممممك روووعه الله يقووووويك ويقوينا

 

[xxx]

حلو نظامج

ومبروك النزول

 

[انا عملة نادرة]

مبررررروك عقبالي يياااااارب

 

[كيكه توفي]

بالتوفيق ان شاءالله توصلين للي تبينه مشكوره

 

[برستيجي مآركة]

موووفقه حبيبتي ان شاءالله بسووويه

 

[عباير11]

حلو ماشاء الله

 

[FDET NFSY]

روووووووعه رجييمج

 

[انا لحبيبي .]

مبروك النزول حبيبتي ، ان شاء الله توصلي للوزن المطلوب بصحه وعافيه

 

[العذبة]

مبروووك النزووول


بس حبيبتي عندي استفسار ؟؟


شاي رويال مايسبب لج اسهال؟؟؟

لان اشوفج تاخذينه مرتين باليوم

واللي اعرفه عن شاي رويال انه يسبب اسهال و مغص قوي