رجيم مشعل

[سحرالعيوون]

مرحبا شابات
كيف الحال
بدخل بالموضوع مباشرة
في احد منكم يعرف رجيم مشعل (meshal_diet) رجيم ورق العنب يسمونه
ياليت اللي تعرفه تحطه لنا هني بالتفصيل كامل

تحية لكم :eh_s(17):

 

[سحرالعيوون]

ترا اللي وصفوه وجربوه نزلوا بسرعة مو في فتره كبيرة ويقولون بدون رياضة
بحاول اجيبة لان موجود بأنستقرام بس مو عارفة اطلعه بالتسلسل هاي المصيبة
الاسبوع الاول
اللي عرفته عنب طول الصبحية
وعشر حبات ورق عنب الغذا والعشا نفس الغذا
والباقي ماعرفة ياليت احد يفيدنا بنات

 

[سحرالعيوون]

وينكم ما كان العشم على الاقل كلمة تنم انكم مهتمين

 

[حياة ريلي]

ما عمري سمعت فيه بصراحه بس واضح انه مو صحي اختي ديري بالج

 

[ام حنااين]

الاطباء بالانستغرام يحذرون منه ويتطنزون عليه
عموما انا قريت عنه واهو الريوق عشر حبات عنب الغدا والعشا ورق عنب العادى اللي بالرز
اسبوع تسوينه واسبوع دايت صحى وتردين تكررينه

اللي مسويه او مبتكره مو اخصائي او طبيب اهو واحد كان ببرنامج الرابح الاكبر اللي يسوون لهم دايت بالبرنامج وينزل وزنهم .

بالتوفيق اذا بتطبقينه

 

[كويت الاناقه]

اب

اب

اب
ماعندي فكره

 

[معلمة شيسمونه]

اي شفته

تسوينه كل يوم

الريوق حبات عنب ما تتعدى العشر حبات

الغدا والعشاء ورق عنب ( رز بخضار ) فقط من غير لحوم صحن متوسط يعني نقول عشر حبات متوسطه الحجم


واذا جعتي بين الوجبات اكلي سلطه ورقيه


هالرجيم اسبوع والاسبوع اللي وراه فصل المغذيات

طريقته تفصلين بالاكل حسب هضم المعده

يعني مثلا اذا اكلتي عيش تقدرين تسوين عيش مع حضار لكن من غير بروتينات ( لحوم اسماك دجاج )

باختصار
النشويات + الخضار
البروتينات + الخضار
ممنوع خلط النشويات مع البروتينات

راجعوا الرجيم هو كاتبيه بالتفصيل الممل مع اقتراحات للاطعمه بالانستغرام
انا بغيت اسويه بس مالي خلق اسوي ورق عنب


وعقب ما تخلصين هالاسبوع ترجعين على اسبوع ورق العنب

وهكذا لين تضعفين

 

[سحرالعيوون]

مشكوورين حبايب قلبي
معلمة هذا كل الرجيم دمتي دووم سالمة

 

[سحرالعيوون]

اب اب لمعلومات اكثر

ورجيم ما يجوع اللي عندها

 

[ربي يحفظ احبابي]

هذا حسابه بالانستغرام : meshal_diet@
و برنامج الرجيم تحصلونه على هالحساب بالانستغرام : barnamaj@

في عنده بعد حسابين غيرهم بالانستغرام واحد يعرض فيه تجارب اللي طبقوا النظام و الثاني يستقبل فيه الاسئلة

للعلم ما طبقت النظام بس متابعته أملا اني اسويه في يوم من الأيام

بس كتبت حساباته بالانستغرام اللي متابعته للفائدة

و فالكم وفالنا الرشاقة بإذن الله :yaaaaaarb:

 

[سحرالعيوون]

ربي يحفظ احبابي دعوة حلوة منج يا عيووني
يارب فالنا كلنا الرشاقة واتمنى للجميع كل الخير

تحية