رجيم ينزل 30 كيلو في الشهر اللى وزنهم فوق ال 100 كيلو

[حلم بحرينيه]

السلام عليكم ورحمة الله وبركاته


بدون مقدمات يابنات حابه تشاركوني في الريجيم هذا اللي راح يقصف وزني وبيخليني من الرشيقات باذن الله


خلاص تعبت والله ولازم اغير مجرى حياتي والضعف عمره ماصار بسحر او بدون تعب ..


انشالله راح اكتب يومياتي وراح انزل الصور عشان عيونكم كل يوم وكل وجبه


وكل وحده ودها تشارك معاي حياها الله في موضوعي من تعليق او صور او استفسار



والريجيم هو :




اولا((( الشروووووووط ))



1- لايقل وزن الشخص اللي بيتبعه عن 100 كيلو.
2- عدم استبدال او مسح اي وجبة
3- عند الشعور بالجوع تناول اي كمية من الخس او الخيار بعد ساعتين على الاقل من الوجبة
4-يتكرر البرنامج كل اسبوع لمدة شهر (اسبوع واحد كرريه لمدة شهر)
5- يجب عمل رياضة لمدة ساعة على الاقل (مشي, ركض, ايروبيك)
6- يجب ان تزن نفسك عند البدء بالريجيم و بعدها اوزن نفسك بعد مرور 15 يوم و بعدها اوزن نفسك في نهاية الشهر سوف ترى انك نزلت من 27 الى 30 كيلو
7- لكن يجب الحرص على اتباع التعليمات بدقة و الا فلا فائدة من العلاج
==============

الافطار اليومي:


نصف جريب فروت و ان لم يتوفر الجريب فروت يستبدل ببرتقالة
2 بيض مسلوق
يمكن تناول الشاي و القهوة و لكن بدون سكر او حليب
==================
اليوم الاول:

الغداء: صنف واحد من الفاكهة و باي كمية (شمام او برتقال او تفاح او كمثرى او فراولة او خوخ)

العشاء:250 جرام من لحم مشوي مفروم او ستيك و من غير دهون + سلطة مكونة من خيار و خس و طماطم و فلفل اخضر
------------

اليوم الثاني:

الغداء: صدر دجاج مسلوق منزوع الجلد + طماط + حبة جريب فروت

العشاء: 2 بيض مسلوق +2 حبة توست + حبة جريب فروت
--------------

اليوم الثالث:

الغداء: جبن حالى من الدسم +2 حبة توست + طماط

العشاء: 250 جرام من اللحم المشوي الخالى من الدهون
-------------

اليوم الرابع:

الغداء: صنف واحد من الفاكهة و باي كمية (شمام او برتقال او تفاح او كمثرى او فراولة او خوخ)

العشاء:250 جرام من لحم مشوي مفروم او ستيك و من غير دهون + سلطة مكونة من خيار و خس و طماطم و فلفل اخضر
-------------

اليوم الخامس:

الغداء : 2 بيض مسلوقة + خضار مسلوقة ( الكوسة, الجزر, الفاصوليا و باي كمية)

العشاء: سمك مشوي او تونة باي كمية + سلطة مكونة من خيار و خس و طماطم و فلفل اخضر + حبة جريب فروت
--------------

اليوم السادس :
الغداء: صنف واحد من الفاكهة و باي كمية (شمام او برتقال او تفاح او كمثرى او فراولة او خوخ)

العشاء : جرام من لحم مشوي مفروم او ستيك و من غير دهون + سلطة مكونة من خيار و خس و طماطم و فلفل اخضر
-----------

اليوم السابع:
الغداء: صدر دجاج مسلوق منزوع الجلد + طماط + حبة جريب فروت + خضار مسلوقة و باي كمية

العشاء:
خضار مسلوقة و باي كمية





ويالله يابنات امنتكم الله وهالله هالله في الردود والتشجيع اللي يبرد القلب :sfg:​

 

[لؤلؤية]

هذا مو الكيميائي للدكتور اسامة حمدي ..؟؟؟

 

[ملكة الهدوؤوؤوء]

ان شاءالله توصلون للهدف

ونضعف ونفتك من هالشحووووووووم

 

[مـ..ـ‘َِـيآوَِّ]

موفقه حبيبتي وان شاء الله تلتزمون بالرجيم وتوصلون للوزن المثالي بصحه وسلامه ومن غير تعب

 

[صآعده تحت}..]

الله يقويك ويخفف عنكم ويلهمكم الاراده

ونشوفكم بالستينآت ~ :nbvppw:

 

[kuwaitya-frawla]

موفقه اختي وعقبال الخمسينات

 

[نــعــوومــه]

يعطيج العافيه اختي,,, انا شوي استيعابي بطئ مافهمت يعني شلون يتكرر كل اسبوع لمدة شهر,,,لاني إن شاءالله ناويه اسويه لزوجي

وإن شاءالله ينفع ,,, والله تعبت ماخليت ولابرنامج إلا سويته له مانفع ,,,,,,
​

​

 

[حلم بحرينيه]

لؤلؤيه : والله اختي ماعرف ق من انا ناقلته من النت وتسلمين عالمرور

شمريه وجدي حاتم الطائي : تسلمين على الدعوه الحلوه يارب وتسلمين عالمرور

مـ..ـ‘َِـيآوَِّ : فديتج الله يسمع منج ومشكوره عالمرور الحلو


حلاها في حياها: يارب الله يسلمج وتسلمين عالدعوه الحلوه ومشكوره عالمرور


kuwaitya-frawla: يااااااااااارب الله يسمع منج فديتج الغاليه ومشكوره عالمرور


نــعــوومــه: الله يعافيج يارب , تكررينه يعني تعيدينه الريجيم هذا حق اسبوع يعني ردي عيديه نفسه الاسبوع اللي بعده واللي

بعده لمدة شهر وشوفي النتيجه اذا وصلتي للوزن المطلوب وقفيه ويارب تتحقق كل امانيج ,, ومشكوره عالمرور..




​

 

[laura mercier]

موفقه

 

[حلم بحرينيه]

طبعا اليوم اول يوم لي بالريجيم وهذا كان ريوقي


..




بيض مسلوق 2 + شاي احمر بدون سكر :nbptr:



وانشالله راح انزل صورة الغده بعد شوي :bye22:​

 

[حلم بحرينيه]

laura mercier : وياج ياااااااارب وتسلمين عالمرور

 

[Miss_Moon]

هذا الرجيم الكيميائي حبيبتي احنا قاعدين نسويه حياج الله معانا

 

[حلم بحرينيه]

Miss_Moon: حياج الله اختي ,, وتسلمين عالمرور ...


اليوم كان غداي شمام بس , وكلت تقريبا وحده صغيره والحمدلله عدى الغدا على خير :friends:

ماصورت الشمام اللي كلته بس يبت لكم صوره من النت تجبر بخاطركم :sfg:



..


وانشالله راح انزل صورة العشا بعدين :eh_s(15):​

 

[صآعده تحت}..]

::

::

واو الشمااااااااااام يشهي

عليك بالف عافيه حبيبتي

واصلى واصلى وانا متابعه وياااك


والعشا وينه .؟

::

::

 

[حلم بحرينيه]

هلا بنات سوري البارحه انقطع النت علي :eh_s(16):

المهم كان عشاي ستيك لاني كنت برع مع زوجي وطلبت من المطعم ستيك

وكلت بس النص عاد بس الستيك :eh_s(15):



..


وبصراحه كنت وايد يعانه في الليل قعدت اكل خس وخيار


واليوم ريوقي كان نفس امس والغده كان نص ديايه مشويه طبعا مالتزمت في الريجيم لاني كنت باموت يوووووووووع :eh_s(16):



لكني حرمت روحي من العشا وكلت بس خس والظاهر اني ماباقدر استمر على هالريجيم احسه صعب لي واااااااايد


وقررت ابدل شوي في الريجيم وباحط اللي اقدر عليه :082502bye_prv:


بنات شاسوي والله الصيحه ياتني امس :eh_s(16):


احس اراده مااااااافي عدم عدم ...​

 

[حلم بحرينيه]

هلا بنات بعد مابي افقد الامل وباواصل لان بصراحه النفسيه عالاقل تكون

مرتاحه حتى لو في حرمان ,,, واليوم الحمدلله

تريقت بيضتين مسلوقتين + شاي احمر بدون سكر

الغدا كان بس شمامه صغيره


عقب الغدا شربت شاي اخضر تقريبا 4 اكواب

عشاي : سويت لي جبود دياي بدون دهن طبعا وفاصوليا مسلوقه وهذي صورته

..




وتوني مسويتلي اعشاب باشربه وبارقد :friends:



:eh_s(9):


:eh_s(9):



:eh_s(9):




الحمدلله كنت شبعانه اليوم وماخربطت والله يعطيني القوه واكمل قولوا يارب :flower:​

 

[حرم_طيار]

الله يوفقكم وان شألله تضعفون

 

[حلم بحرينيه]

بنااااااااااااااااااااااااات والله والله مو مصدقه لحقوا علي

اليوم رحت الصيدليه وزنت وطلعت نازله 4 كيلو في 6 ايام والله العظيم يابنات ماتتخيلون فرحتي

الله يعطيكم اللي عطاني يارب

 

[om.5doja]

مبروك النزول والله يضعفج على عافيه اللهم امين ويقوي ارادتج

Go Go Go

Go Go Go

Go Go Go

Go Go Go

 

[حلم بحرينيه]

om.5doja : تسلمين يالغاليه وعقبال ماتوصلين انتي لهدفج يااااااااااااااااارب


بنات شلون اسوي شريط الوزن بدون ماذكر وزني يعني بس الخساره ؟؟