رجيم ينزل 5 كيلو في اسبوع راح اطبقه من بكره هل من مشارك

[يصعب منالها]

:icon30:

مرحبا حبيباتي الغاليات

يا هلا ومرحبا اقلطوووووووووووووووووووا

حي الله من جانا تفضلووووا القهوه :nbptr: (اقول مصختييييها اتدخلي بالموضوع خخخخخخخخخ)

حبيباتي بسنا بلع شبس:botetoo: وغازيات:eshrab: خلونا نهتم بعمرنا لي متى عاد ما صارت نروح السوق ونتحسر

ما نلقى شي قدنا المههههههههههههم وانا ادور رجيم لقيت هالرجيم وعجبني بصراحه الله يجزي صاحبته كل خير لان دخل مزاجي وودي اسويه

اللحين نجي للاهم ( منوووووووو حاب يشارك معاي علشان نشجع بعض يله يا حلوات يا رشيقات مستقبلا ان شاء الله) الحلو فيه ينزل بالاسبوع 5 كيلو يالله شجعووووووني عفيه لاني مليت ابي اضعف خلاااااااااااص كاااااااااافي زهقت

ارد واعيد الموضوع منقول للامانه يالله اقروا والله الله بالردود اللي تبرد على الجبد والخاطر بالتوفيق للجميع :icon30:السلام عليكم


منقول من صاحبة الموضوع


هالريجيم توه فرررررررش طرشته لي بنت خالتي من السعوديه في المسن وحبيت انقله لكم

سوته لمدة 35 يوووم ونزلت 30 كيلوووو مره وحده مع الريااضه

مشي وايروبك .... وتقول انها كانت تحط كريمي بارتنر لوف لشد الجسم والتخسيس

وبعد كانت تشرب اعشاب بنت السلطان >>>> كلهم طايحين عليها مادري شو السر

وربيعتها اللي كانت وياها في النادي سوته ونزلت عليه 25 كيلووو

وتقول ان الريجيم مجرب على اكثر من وحده .... هم قروووب حوالي 8 بنات واوزانهم مختلفه

اكثر وحده ووزنها 115 واقل وحده وزنها 70

اكثر وحده نزلت 30 كيلوووو واقل وحده نزلت 18 كيلووو على الريجيم ...

المهم رمست وااااايد وتكلمت وايد بكتب لكم الريجيم وانتو احكمووو

الريجيم طبعا من اخصائيه تغذيه تعرفها توها متخرجه بعدها مافتحت لها عياده وعطتهم هالرجيم تبا

تشوووف نتايجه

^^ ^^ ^^ ^^ ^^

اولا :- كل يوم الصباح 1 تفاحة ثم 1 كوب ماء دافىء مع عصرة ليمونه



الافطار يوميا ..

-1 كوب حليب منزوع الدسم نصف خبز او 2 توست - 2 ملعقة صغيرة لبنه قليلة الدسم مع ملعقة صغيرة زيت الزيتون

او

-1 كوب حليب منزوع الدسم - نصف خبز او 2 توست - شريحة جبن قليلة الدسم - 2 حبة يوسف افندي

اليوم الأول :

الغداء ..

-1كوب خضار مطبوخة مع صدر دجاج - 1 كوب رز ابيض - سلطة خضراء – تفاحة

العشاء ..

-1 كوب تونه مع السلطة -نصف خبز او 2 توست – برتقالة



اليوم الثاني :

الغداء ..

-1 كوب شوربة خضار مشكلة -دجاج مشوي - حمص نصف - خبز - سلطة خضراء

العشاء ..

-ساندويش مارتديلا مع الخيار والخس والطماطم - 1 كوب حليب منزوع الدسم


اليوم الثالث :

الغداء ..

- 1 كوب اي اكلة مختارة مع صدر دجاج مشوي او مسلوق

- 1 كوب شوربة كويكر

-صحن خضار طازج ( يعني سلطة ) ( خيار , خس , جرجير , فجل , رجلة , نعناع( - - 1 كوب لبن قليل الدسم


العشاء ..

-1 كوب سلطة فواكة - جبن قريش قليلة الدسم - 2 توست


اليوم الرابع

الغداء ..

-1 كوب شوربة خضار مشكلة - سمك ( مشوي او فرن - 3/4 (خبز ) - صحن خضار مقطع او غير مقطع ( يعني سلطة - كوب عصير - 1 كيوي

العشاء ..

-سلطة - 1/2 خبز(اسمر) او 1 صمون - جبن قليلة الدسم


اليوم الخامس ..

الغداء ..

-1 كوب سبانخ مطبوخة مع اللحمة المفرومة بدون دهن - كوب رز حسب الرغبة - سلطة - شوربة كويكر او جريش


العشاء ..

-1/2 خبز بر او 1 صمون او 2 توست - فول مع ملعقة زيت زيتون – تفاحة


اليوم السادس ..

الغداء ..

-كوب كبسة مع صدر دجاج - شوربة خضار - كوب عصير – سلطة

العشاء ..

-1/2 خبز او 1 صمون او 2 توست - لبنة فليلة الدسم مع ملعقة صغير زيت زيتون - خيار وطماطم


اليوم السابع :

الغداء ..

-سلطة - سمك بالفرن مع ( بقدونس , بصل , ثوم , طماطم , كرفس , ملح ,كمون ,فلفل اسود , فلفل اخضر - 3/4 (خبز - شوربة خضار

العشاء ..

- 2 توست محمص بالفرن مع قرفه وعسل ( يعني 2 ملعقة عسل اخلطيها مع شوية قرفة ) وبعد ما يتحمص التوست ادهنيها بالعسل والقرفة
- كوب حليب منزوع الدس


ملاحظات ..

-عند الاحساس بالجوع بين الوجبات يؤكل نوع واحد فقط ( خيار و خس او فاكهة موسمية او بسكويت النخالة ) بالكميات المرغوبة ( طبعا خلال اليوم )

- مقدار الاكل حاولي في الاسبوعين الاولين يكون كوبين وبعدين يصير كوب واحد

-اذا ما تحبين الحليب واللبن ممكن كاس عصير اي نوع وممكن الشاي الأخضر بدون سكر

- يمكن الحذف ولكن لايمكن الاستبدال

- اذا احسيتي بالملل خذي يوم رااحه وكلي فيه قطعه من الكاكاو ويفضل ان يكون اخر الاسبوع

-مكعبات الماجي ممنوعة

- عند الانتهاء من الاسبوع الاول يكرر الريجيم الى ان تصلي الى الوزن المطلوب


وبس وتقول الوزن اللي يروح منه ما يرجع ​

 

[عنيّد]

٣٠ كيلو بـ ٣٥ يوم ؟؟؟
يعني معدل كيلو كل يوم !!!!!!!!!!

والله لو آكل نص هالاكل ماراح انزل ١٥ كيلو بالشهر


بالتوفيق

 

[kookiz]

موفقة حبيبتي

 

[بحر الذكريات]

ان شاء الله اني بكون معاج

 

[غلا فهد]

بالتوووووفيق

 

[كيكه توفي]

موفقه يارب

 

[sheraZia_Q8]

الرجيم نزلو عليه وايد لان اوزانهم كبيره
موفقين الي بيسوونه

 

[um.zooza]

رد : رجيم ينزل 5 كيلو في اسبوع راح اطبقه من بكره هل من مشارك

بالتوفيييييق بس أنا مع عنيد
مشالله الرجيم مليان اكل صعب النزول معدل كيلو باليووووم !!

بصراحه بحاول اطبقه
الله يوفقكم وينولكم مرادكم بالصحه والعافيه

 

[بريانكا تشوبرا]

رد : رجيم ينزل 5 كيلو في اسبوع راح اطبقه من بكره هل من مشارك

الرياضه والاعشاب ساعدتهم حيييل
موفقين يارب

 

[شندوخه]

رد : رجيم ينزل 5 كيلو في اسبوع راح اطبقه من بكره هل من مشارك

جنه مبالغ بالكلام؟؟ لان فيه عيش كوب كامل

 

[ميمي_21]

وايد حلو رجيمج
بس أنا اليوم مبلشه رجيم كرون فليكس لمدة أسبوع وبعدها إن شاءالله راح أجرب رجيمج

 

[يصعب منالها]

يا الله وين المشاركات ابي تشجيييييييييييييييييييع يا حلوات

 

[حزني حيرني]

واااااااااااااو
نفس اكلنا بالعاده بس نقص الشبسات والشكولا

 

[الحراير]

مو معقوله كل يوم الواحد ينزل كيلو


وموفقين يارب

 

[شوقـي غ ـــريـب]

رد : رجيم ينزل 5 كيلو في اسبوع راح اطبقه من بكره هل من مشارك

مادري والله بس اكيد انه ينفع لان مع رياضه وايروبكس

اللي تبي تضعف اهم شي ع الريوق تاكل بس الغدا والعشى يكون خفيف


ثينكسس

 

[om_fahoOod]

موفقين

 

[%F&R%]

انا معاج من باجر انشالله بس مو تكشتين وما تسوينه معاي

 

[شوشو العنزي]

يسلموو

 

[^جود^]

اااااب

 

[مظلومة حيل]

موفقين اتوقع هالرجيم للاوزان الكبيرة لان الاكل وايد