رحتي السوق .. بتحاسبين وانصدمتي نفسي !!!!

[جـــواهر]

انا والله صارتلي مره ماكان معاي الا 60 دينار ... وبعبي بانزين فيهم وبشتري لولدي بامبرز
وامي وصتني قالت جيبيلي معاج رصيد خخخخخخخخخخ
المهم انا رحت وشريت شغلات عاديه بس همن محتاجتهم وشفت اسعارهم
ولمن جيت عند المحاسب تخيلي قال 58 دينار @@
امبيه فشله ...!!!! زدفعت شسوي ..!!

لمن جيت امي قالت ها شريتيلي استحيت وفتلها لا نسيت خخخخخخخخخخخخخ

والله تفشلت ودفعت

 

[زهرااا]

اردهم ..

 

[الحلآآآ]

لا انا أرد عادي خخخخخخخخخخخخخخخخخخخ

 

[ام العبايه]

الحمد لله ما سارلى هالموقف بس ان سارلى اكيد ........................................ ما ادفع

 

[][ sarah ][]

هههههههههههههههههههههههههههههه امبييييه فشللله
لا انا تعودت اذا بشتري وانا اقايس اشوف شنو عجبني واحسب السعر بمخي , يعني لازم احط سعر تقريبي واشوف بوكي عشان اتاكد وبعدين احاسب , عن الفشلله وهم بعد لان ساعات تلقين شغلات اسعارها ماتسوى , يعني سعرها مو فيها

ويمكن في بنات وايد مثلي , ساعات اخم المحل كله وانا ادري نص اللي بشتريه ماني لابسه , فاشوف سعره في اشياء انصدمممم تكون حيل غاليه وانا اساسا مو عاجبتني << شكو بتشترين عيل


هههههههههههههه تصدقين تذكرت موقف صار مع امي , طلبت عصيرين حقها وحق اختي واشربوا وخلصوا ويت تبي تدفع والا بوكها مافيه ولا فلس او انها ناسيه البوك مااتذكر ههههههههههههههههههههههههه تقول انا انصدمتتتتتتتتتتتتتتتت ماادري شسوي , انحرجتتتت , والمشكله المكان أول مره تروحله يعني مايعرفونها , لو الموقف صايرها بمكان اهيا تروحله على طول يعني عارفينها اللي يشتغلون جان اهون , عاد توهقت ماتدري شتسوي واللي يايبلها الفاتوره مصري عاد اقعدت تكلمه وتفهمه السالفه وقالتله باجر اييبلك الفلوس , والحمدلله صدقهااا وقالها عادي مو مشكله

وثاني يوم ودتله الفلوسس

الحمدلله عدى الموقف لوووووووووول

 

[happy&single]

انا كله تصيدني هالمواقف بالجمعية ومركز سلطان
مرة كنت داشة مركز سلطان وشريت حلاو وكاكاو بس ها !؟
ورحت الكاشير جان تقولي 42 طلعت عيوني ليش ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بس دفعت وانا ساكته ليش وراي ناااس وفشلة ،، بس ما اتوب كل مرة مرة جذيه لازم انصدم بالسعر​

 

[مربية اجيال]

لازم تأكد من السعر وبعدين حتى لو كااان السعر وااايد ارجع اللي ما ابيه موفشله ولا شي انا بدفع فلوس بالعكس عاااااااااااااادي وبعدين على حسب المحل يعني اذا مكان كشخه احاول اتدراك الموقف اما محل بوطقه لا اقعد واحط الملابس حسب فلوسي
هههههههههههههههههههههههههههههههههههههههههههههههههههههه

 

[GOLDEN ANGEL]

حياتي شكرا ع الموضوووووووع بالنسبة لي مافيها حيا هذي فلوسي مرات تصدف ان السعر اللي على القطعة غلظ واكتشفت هالشي عند الكاشير اذا احس القطعة تسوى اخذها واذا حسيت ان سعرها over و ما تسوى ارجعها ولا اشتريها وبعدين اتحسف يعني
( مو وااااااااااااااااجب) لوووووووووووووووووووووووووول

 

[:: Diva ::]

لوووووووووووووووووول
انا تعلمت من بعد موقف بايكيا

والله امشي و اخمط خرابييييييييييييييييييييييط خرابييييييييييييط !!
يعني مافي شي يملي العين

ييت بحاسب ولا 230 اوووه
بس اشوا كان عندي كردت و لا جان طقيت اصبع لووووول

الحين صرا انتبه

 

[tmtmt]

لوووووووووووووووووول ... مواقفكم تونس بعد ...

اسعدني مروركم ..

هم قبل جم اسبوع دشيت boss ونسيت انه محل ماركه خبطت تقريبا كل الملابس الحريمي الي عندهم
عندهم شوي مو واايد .. وشفت بدله قلت يالله خل اخذها حق استقبال ما استقبال ...

والباجي اشيااااء عاديه ... رحت القياس كل وحده احلى من الثانيه وكلللللهم صاروا قدي

مادري شلون قلت خل اشوف السعر ولا الي ب 90 ولي 100
عيووني طلعت .. طلعت قتلههممو قدي بس خذيت مالت الاستقبال حق العيد

اشوى هل المره شفت الاسعار

بس الصراحه كانت خامتهم روووووووعه .. عليهم بالعافيه الي شروهم

 

[Namlah]

اكيد بدفع....بس الحمدلله ماصارت فيني لي الحين

 

[dodowa el7elwa]

اناا اول اشووف اذا معااي افلووس علشان اذا بدش المحل مايزووغ قلبوووووووني ومااشتري شي خخخخخخخخخخخخ

 

[بتبوتااا]

واااااااايد صارت واخر مره لمن رحنا لاكوست بالافينيوز انا وريلي وعيالي وشراله 3 قمصان ولا يشتري لليهال بعد المهم لمن حاسب حسباله بيطلعون 100 او 150 بالكثير ولا يطلعون علينا 300 وكسور :\

انحرج طبعا ودفع ولمن طلع تحسف انه دش هالمكان هههههههههههههه

 

[سويتي الحلوه]

لوووووووووووووووول

لا ماصارلي هالموقف كلش الحمدالله

 

[الصعيريه]

لو انا منج ارد عااادي مافيها لافشله ولا شي ..

 

['Basma']

اذا كانت الشغلة ما تسوى اردها عادي

 

[وهج الحب]

السلام :
انا مرة ترست القاري من مركز تسوق للاغذية الا البوك مش معاي .. عادي حطيت القاري كتر وطلعت ..
بس يصير لي امر ان الطاقة ما تمشي بالكويت وايد ولزوجي ما اعرف ليش .. ورحت البنك واشتكيت قالوا هذي مشكلة كل اللي رد من الكويت ..
وحتى مرة لقيت ظبياني عند محل مجوهرات مال ساعات ومسكين اخذ كم ساعة وما مشت بطاقته ترا مسكين انصفق وجهة قلت له يوم شفته تفشل ترا تحصل معانا وايد ما تشتغل البطاقات هنا بالكويت ..
ونفسي يشوفون هالمشكلة لان بدلوا البطاقات لجديدة وحتى بطاقات vip ما تمشي ..
خليت الموضوع قمت اشكي لكم الحال

 

[حناينq8]

الموقف اللي يفشل صج

اني ادش المحل وادري اني راهيه حدي والفلوس تكفي وتزيد

لمن ايي بدفع اكتشف اني مبدله الجنطه وناسيه لا احط البوك بكبره !!!

صارت فيني مرتين شرايكم

 

[maynooa]

ادفـــــــع عـــن الاحـــرآآآج .. ؛)

 

[tmtmt]

السلام :
انا مرة ترست القاري من مركز تسوق للاغذية الا البوك مش معاي .. عادي حطيت القاري كتر وطلعت ..
بس يصير لي امر ان الطاقة ما تمشي بالكويت وايد ولزوجي ما اعرف ليش .. ورحت البنك واشتكيت قالوا هذي مشكلة كل اللي رد من الكويت ..
وحتى مرة لقيت ظبياني عند محل مجوهرات مال ساعات ومسكين اخذ كم ساعة وما مشت بطاقته ترا مسكين انصفق وجهة قلت له يوم شفته تفشل ترا تحصل معانا وايد ما تشتغل البطاقات هنا بالكويت ..
ونفسي يشوفون هالمشكلة لان بدلوا البطاقات لجديدة وحتى بطاقات vip ما تمشي ..
خليت الموضوع قمت اشكي لكم الحال

هلا حبيبتي اخذي راحتج

البيت بيتج :eh_s(6):

وان شاءالله تنحل مشكلتكم