رحتي السوق .. بتحاسبين وانصدمتي نفسي !!!!

[tmtmt]

السلام

:68_asmilies-com:

كيف الحال

تعالوا خل نسولف شوي <<<< حريم ما نمل من السوالف ماكز فايده

:gathering:

في مره رحتي السوق ..

ودشيتي محل .. فتريتي وتاخذين هذا وهذاك ...

وتتمشين وانتي راااهيه ...

ورحتي عند الكاشير .. ولا تقولج مبلغ كبييير !!! :eh_s(1):

كللللللللش مو متوقعته ولا يسوى ..

شتسوين تدفعين عن الفشله ولا تردينهم ...

اودي بنتي فراشها وارد اقولكم سالفتي

 

[ror44]

انطرج

 

[منورة الكويتية]

ادفع لان فشله
ومفروض انج شايفه الاسعار على كل غرض وحاسبتهم حسبه تقريبيه بمخج

 

[EartH AnGeL]

الصراحة لازم اشووف السعر قبل لا اروح واحاسب عشان ما انحرج

او اسأل قبلها عن سعر الشغلة الي بشتريها عشان اعرف تناسب ميزانيتي الي معاي ولا لا

عاد اذا صاااارلي هالموقف لا قدر الله
اذا الشغلة تسوى عادي ادفع بس اذا ماتسوى عادي اقول لحظة ليش جم سعرها ليش مو مكتوب يعني بالمختصر اسوي فلم هههههه واقول خلاص خلاص مابيها واطلع من المحل

يلا قوليلنا موقفج شصارلج؟

 

[tmtmt]

سوري علق معاي المنتدى

انا فيني طبع مو حلو ادش اخذ الي ابي من غير لا اشوف السعر والله لا رديت البيت يقولولي بجم القطعه لفلانيه والله مادري

المهم

انا رحت محل قمصان النوم والبجامات womensecret
عاد كنت حااامل .. وما عندي بجامات رحت هناك ولا في مقاسات كبيره

حان اخذ نفنوف الي يصير قصير + بجامتين + روب قصير

ريلي ينطرني بره ...

رحت عند الحساب حاطه في بالي 50 60 دينار لنه المحل غالي ..

جان تصدمني !!!! تخيلوا جـــــــم !!!!

122 دينار

ليييييش كله بجامات ولا حامل بعد ..

حدييييييييي نصدمت
بس دفعت من الفشله

جان اطلع واقول حق ريلي طلعوا 63 دينار هههههههه

مع انه فقير ما يقول شي بس خفت انزف ... لنه من فلوسه وعلى بجامات

هذي قصتي

 

[EartH AnGeL]

لووووووووول تمت مت بدعدتيييييي << نكج معرب ههه

حرام مسكين ريلج انشالله مايكتشف بعدين ولا جان يحرم عليج تشترين بجامات يديدة لي اخر السنة

المرة الياية جيكي على الاسعار

 

[منورة الكويتية]

بصراحه السعر وايد على بجامات !!
بس هم غلطتج كام مفروض تجيكين على كل قطعه وتحسبينها بمخج
يالله درس لج عشان المرات اليايه تنتبهين اكثر

 

[ام رشودي قلبوني]

السلام علي احلي بنات ايصراحة المواقف المحرجة وايد واتكرر معاي بس انا ابصراحة بنسبة لي ماروح اوقف عند الكاشير الا شايفة سعر الي باخذة وحاسبتة ومتاكدة انه بوكي فية فلوس اتكفي استحي اتفشل جدام الناس ارد شي مو حلوووووووووه

 

[ام _خلودي]

شوفى انا بالجمعيه اشترى ولا اطالع

السعر لادرجه البنات يتحلطون عالاسعار

شفتوا الشغله الفلانيه زاد سعره هالكثر وهذيج هالكثر

وانا ولا ادرى لو يرزيد دينار مو اميه فلس مادرى

بس بسوق لاااا احب اطالع الاسعار واشوف اذا هالقطعه

تستاهل هالسعر ولالا ساعات قميص عادى ومو هالكثر الخامه

ولا اكو موديل ولا شىء بالمبلغ لفلان لااا احس حرام هالسعر اقطه

على قطعه تستاهل تبين بالعين علشان جذى عمرى ماصار فينى موقف

بايخ

 

[املى كبير]

هههههههههههههه اى واللة موقف موحلووووووووو كلش ... انا الحمدالله ماصارت معاى لانى اعرف شنو اخذ على قد فلوسى الى معاى

 

[MassComm]

اذا صرت بروحي اشوف السعر واتاكد من الفلوس الي معاي تكفي ولا لأ..بس اذا طالعه مع امي او اختي الكبيرة لا اخمط واحط والدفع عليهم :d

 

[Spoildish]

اذا شي يسوا ادفع اذا ما يسوا لا ارد جم شغله شسوي يعني افلس عشان ناس ماعرفهم لووول

 

[jesse Lover]

لــــووووولـــز ..

طبـعــآ أجوف الأسعار قبل ما أشتري أي شي ..

مو اخمط وآنا ما أدري شنو قاعده أشتري و ما أدري جم الأسعار ..

وحتى لو صار لي نفس هالموقف بدفع

لووووول

 

[7neaN]

والله أنا ع قولة البنات أسأل عن سعر القطعه قبل لا اخذها
لو عندي فلوس الدنيا ببوكي ..
فإنشا الله ما أنحرج عرفتي ؟؟!
فالمفروض هالموقف خلاص يقرصج وتخلصين من هالطبع ولا تبين تعمرين فيه ؟؟!
ولا ترى ما راح يقعد ولا فلس بجيبج والأدهى من ذلك بجيب ريلج بعدين ريلج بسويلج سوالف ..
لوووول يا الله الله يوفقج انشاالله ..:dddds:​

 

[كريستال ليدي]

انا اتأكد من الاسعار منعا للاحراج عند الكاشير

بس اذا صار فيني موقف جذي ادفع و انطم و امشي هههههه ما احب الاحراج

 

[هجير الريح]

انا مره صارت معاى كنت اشترى واسعارهم معقوله بس من قالت الحساب وصل اكثر من 120 جان انصدم وقلتلها اوكى بس اييب فلوسى من السياره واييلج لان اللى معاى ماتكفى ونحشت بس والله كان نفسى حيل بلبسه منهم رحت بعدها بجم يوم بااخذها تصدقين تذكرتنى وصارت الفلبينيه تنادى على صاحبة المحل وتقولها هذى اللى راحت تييب الفلوس اييبلها اغراضها انا هنيه قلت امبيه شنو يطلعنى من المحل ردت عليها وقالت لا وانا سويت روحى كلش موفاهمه شى ودفعت للشغله اللى كنت ابيها وطلعت وانا ميته من الضحك صج موقف بايخ

 

[ضمى روحي]

انا حريصه زياااااااااده عن اللزوم مثلا اذا بوكي 500 تشوفيني اشتري ب200 اخااااف من الفشله
بس لو انحط بمثل موقفج بشوف اذا فيه ناااس وايد بصراحه بدفع وانا ساااكته واذا مافيه احد برجع كم قطعه

 

[CUTE ENGINEER]

مررة صار لي هالموقف

كنت بمحل وخذيت بلوزة تينن وقريت السعر
ونااااسة 38

ورحت بدفع ولااااااااااا

طلعت ب

83

لوووول ومن الفشلة دفعت وخذيتها

من يومها قمت انتبه

 

[[[ عيون جابر ]]]

لأ اذا المبلغ وايد أرد الاغراض واطلع لا استحي ولا شي

 

[العين الكحيله]

اكيد بدفـع