رحتي السوق .. بتحاسبين وانصدمتي نفسي !!!!

[قطوووة]

ههههههههههههه متابعة

 

[تعويذه الحب]

والله انا لازم اشيك عالسعر عشان لا اتفشل عند الكاشير وعشان اشوف القطعه اذا تسوى السعر اللي عليها ولا لاء

 

[فجر الغلا]

انا لازم اشوف السعر عشان ماتوهق بس اذا صارت اردهم اذا ماعندي فلوس عادي

 

[الـــدفـــشـــة]

ههههههههههههه ذكرتوني بسالفتي

مرا داشه ستبس ولقيت تكرمون جوتي حلو وبسيييييط حده ومريح قلت آخذه للمعهد
توقعته بـ 14 او اذا كثرت كلش كلش بـ 17 لانه شكله عااادي حيل
خذيته ورحت للكاشير وكان زحمه للاسف الشديد جدا خخخ
قلت للفلبيني جم ؟ قالي بـ 50 والله يابنات اني انصدمت وحسيت وجهي باااارد مادري ليش ههههههههههههه
جان اعطيه الكي نت ونص الاعانه طارت على جوتي خايس لو بحلف لبسته يمكن 3 مرات وبس لانه راح لونه
هههههههههههههههههههههههههههههههههههههههههه

 

[tmtmt]

حياكم الله

 

[يزون كل دنياي]

أهم شي تتهنين فيهم والفلوس رايحه لو ماشريتي صدقيني بتلاقي درب غير البيجامات...
ثاني مره فتحي عيونك وشوفي ياعسل....

 

[*أم*خالد*]

خافي ربج !!

والله لو انا بدالج ارجع منهم

وجم مره اتصير وياي اضحك واقول لحظه لحظه هذا بجم وهذا بجم هذا مابيه واوصل المبلغ اللي اقدر عليه وادفع

لاتصيرين ضعيفه .. هذي فلوس تعبانين وشقيانين فيها

 

[سعودية واضحه]

هههههههههههههه حلو الموضوع

مستحيل بس اخمخم لازم اشوف الاسعار وعلى اساسه اللي معايا اشتري وانا مرتاحه حتى ماتفشل هههههههههههه

 

[++The DuchesS++]

مثل ما قالوا اغلب البنات انا اجيك على السعر اول تالي اخذ واحسب حسبه بمخي عشان ما اتوهق
وان توهقت عادي ارد الشي اذا فلوسي حده حده عادي لا فشله ولا شي
اشوف المحل يتفشل ان ماصار عندج ويخلج تردين البضاعه لوووول
هم انا ما اتفشل لوووول

 

[so_sweet]

لووووووووووول ذكرتيني بسالفه

مره داشين محل مع وحده من اهلنا واهي تشري و تشري و تشري و تنادي صاحبة المحل تركبلها قطع على بعض و الكاب و الجوتي نفس اللون امبييه يمكن قعدت معاها فوق النص ساعه واهي بس قاعده و تركبلها القطع على بعض وكان المحل كلش بيسكر واهم تأخرو بس عشانها و اخير شي لما راحت تدفع انصدمت بالسعر صدمه مو طبيعيه جان تقولها بس خلاص ما ابي واايد غالي عاد مسكييينه راعية المحل من كثر ما اهي معصبه جان تحذف الهدووووم حييييييييييل على الطاوله امبييه والله موقف لا يحسد علييه

 

[SelezYa]

أجيك عالسعر اول ما اروح الا وانا عارفه جم عندي وجم اقدر
بس
موقفج حده بايخ لوول للو منج ارد اقول حق اللي بالكاشير سسووووورييييييييييييي رييلي مادري شفيه لحظه لحظة الحين ايي احاسب
واطلع ولا كأن في شي
ويسالي ها ليش ما شريتي ...؟؟ والله ما عجبني شي !! لوول وتنتهي السالفه

 

[g6awi]

انا صار فيني موقف يشابه هالشي

رحنا محل تجميل انا موديه صديقاتي واحن ابي هالبوودر وابي هالبوودر

المهم
حاسبوو ويه دوري احاسب

اشوه انهم كانو يبوون محل يمنا اشووووووووووه

ييت ادع ولا ناسيه الكي نت

والبوك فيه 7 دنانير
امبيييييييييه

اشوه ان صديقاتي راحو المحل اللي يمنا

ولا اقوول حق اللي تبيع
بروح اييب الكي نت من السياره

خليه عندج هني
وطلعت وقلت حق رفيجاتي حطيته بجنطتي هههه تحسين صج ان وحده مجذبه

من سالج وينه ؟ ههههه

 

[Preity]

هههههههههههههههههه
الصراحه والله استحي احس لازم ادفع خخخخخخخخخخخخ
يسلموو

 

[أفوق الوصف]

لووووووووووووووووووووووووووووول

وااي صج صج قمة في الفشله ..

انا الحمدلله اجيك عالسعر ..

بس صارلي موقف صج صج تفشلت خخخ

مره كنت انا ورفيجتي بماك نبي نطلب واشوه انها طلبت وخذت اكلها وراحت تنطرني عالطاولة وانا كنت بطلب بس بطلع بوكي بالاول دورته بالجنطه وادور مالقيته والمصيبه وراي طاابور وشباب اثنين وراي يضحكون يقولون لي توهقت مسكينه .. امبي حده فشله جان اوخر عن الطابور واروح للطاولة واطلع كل اغراضي اللي بالجنطه واشوه لقيته ونطرت الشباب الاثنين يخلصون وراحوا ورديت صفيت دور من جديد خخخ

ومن يومها صرت قبل لا اطلع اخلي البوك على صوب بالجنطه عشان مايتكرر نفس الموقف ..

ويسلموو عالموضووع حده ناايس ..

.
.

 

[white**angel]

لووول موقفج لاتحسديين عليه
انا صار فيني جذي بس عادي قتلها انا مو يايبه الا هالسعر مسكينه من نفسها قالتلي شيلي هذا وهذا وصار السعر مضبوووط
بس لي طلعت مع ماماتي لاااا اخممط على كيفي حبيبتي ما تقول شي وكله على حساابهاا

 

[lyale]

مثل ما قالوا اغلب البنات انا اجيك على السعر اول تالي اخذ واحسب حسبه بمخي عشان ما اتوهق
وان توهقت عادي ارد الشي اذا فلوسي حده حده عادي لا فشله ولا شي
اشوف المحل يتفشل ان ماصار عندج ويخلج تردين البضاعه لوووول
هم انا ما اتفشل لوووول

هههههههه انا نفس مشاعرج ليش استحي
عاد انا وايد تصير معاي وما ادفع وهد كل شي وامشي وادعم الباب
ليش افتشل محد بيعطيني من جيبه هههه

 

[tmtmt]

لووول موقفج لاتحسديين عليه
انا صار فيني جذي بس عادي قتلها انا مو يايبه الا هالسعر مسكينه من نفسها قالتلي شيلي هذا وهذا وصار السعر مضبوووط
بس لي طلعت مع ماماتي لاااا اخممط على كيفي حبيبتي ما تقول شي وكله على حساابهاا

لوووووووول .. الله يخليلج الوالده يارب

 

[miss abrar]

انا لازم اشوف الأسعار قبل لأخمط علشان اعرف جم راح يطلع حسابي وما اتوهق وانحرج

 

[pinki.style]

انا لازم اطالع السعر أول شي ... لأن في ساعات شغلات ماتسوى سعرها وانتي مو ملزومه تاخذينها ...
واذا في شغله اعجبتني اخذها حتى لو سعرها غالي ... أهم شي مااخلي شي بخاطري...
ومره صار معاي موقف جذي ... دشيت محل (غاب) كان مسوي تنزيلات وخذيت جم شغله حق بنتي كان عليهم سعر التنزيلات ولما رحت الكاشير بحاسب والا تقول لي لا مدام يمكن احنا غلطانين هذا مو سعرهم ... طبعا قلت لها اوكي حاسبي مو مشكله .... يعني طلع اكثر من المبلغ اللي انا متوقعته

 

[قهوة برية]

لا والله انا ان شفت المبلغ مبالغ فيه ..!

وان كنت فعلا مو محتاجتهم والله أردهم ,!

ومالي شغل بالفشيلة .!

بس اجمالا انا دايما اشوف الأسعار او اسأل عنها قبل لأاخذها ؟!