رحتي او بتروحين امريكا دشي ....

[Marymary]

قوة بنات شلونكم شخباركم
انا وريلي بنروح فلوريدا ونيويورك بلعطله الصيفية على بون تقدرون تقولون نفس شهر العسل لان انا تزوجت وحملت على طول ويوم سافرت رحت ماليزيا وما حبيتها وتنسيت اهناك عشان جذي كرهتها .........
المشكلة شفت تقاريرارونا واوكيديا يعطيهم الف الف عافيه وتسلم ايدهم وتحمست اكثررر بس ريلي يقول بدون بنتتي انروح وحزتها بيكون عمرها 9 اشهر يقولي راح نتأذى طريج 13 ساعه او اكثر وبعدين بالالعاب ماراح نلعب مع بعض بديزني يعني انتي تلعبين لعبه و انا اكون ماسكها وبعدين العكس عاجبج جذي ؟
هممم انتو شرايكم وجهة نظره صح بس كلما افكر اني بهد بنتي والله اقعد ابجيي مرات اقول مو الا اسافر " ودي اسافر مو مسافرة وياه سفرة سنعه وعلى قولته بنروح الكرووز وبنروح ونروح الجزر يعني كلش ما يبيله يهال بس تخيلو 25 يوم وايد وماشوف بنتي "
الحل الوحيد ان انسافر مع احد بس محد متشجع ان يسافر ويانا كلمناهم ومو متشجعين وامي بنفسها تقولي خلي البنيه عندنا وروحي حتى ابوي يقولي نفس هالحجي
اخختي بتروح فرنسا وبريطانيا وحاجزيلي همن يعني حاجزة المكانين اذا رحت مع اختي راح اروح مع بنتي بس اهمه ماشاءالله وايد جرووب وايد واذا رحت امريكا بنروح مع ريلي بروحنا
انتو شتقترحون علي لان الصراحة امريكا احسها دولة ما تتطوف "وسنه الياي ارمضان بوسط العطله فماراح نقدر نسافر

 

[طموح مفقود]

مرحبا
تبين نصيحة اخت انا اقول امريكا صج ما تنتطوف
وخلي بنتج عند امج وبعدين هي صغيرة حيل 9 شهور شنو تبي غير الاكل والنوم وماراح تفقدك نفس الكبار
توكلي على الله وخليها عند امج وابوج وراح يحرصون عليها اكثر منج​

 

[Marymary]

بعد عمري مشكورة وايد
خلاص انا قررت اخليها اهني واروح شهر العسل لووول شهر العسل بعد اول بيبي

 

[SALYY]

وانا بعد اقولج سافري بروحج احسن لج ولبنتج لان بنتج اسم الله عليها للحين صغيره وأخاف يتغير الجو عليها وتتعب وبعدين الله يعينج على المعابل وضيقت الخلق....
خليها عند امج احسن لج وراح اداريها اكثر منج والله بس نصيحه اذا رحتي لا
دقين على بنتج عشان ماتسمع صوتج وتشتهيج...وموفقه حبيبتي:a​

ha:

 

[miss_art]

حبيبتي انا العام بالصيييييف بنتي كانت نفس عمر بنتج بالضبببببببط تقريبا 9 اشهر وايد تاذيت معاها بالطيااااااااااااااااااااااااااااااارة كانت تحن.. والشي الثاني كنت اتاذى من تبديل حفاظتها وحليبها لازم اوقف كل شوي واشربها... واكلها كان اكبر عذاب بالنسبة لي ماكانت تبي تاكل ولا شي هناك.نصيحه بتروحين دزني بفلوريدا وبتستانسين واكثر العام دزني مايخلون بنتج تدخل .. احنا كنا نسوي مع بنت خالتي familey swap يعني لازم معاج عايلة ثانية.. وايد تاذيت نصيحتي روحي بروحج واستانسي مع ريلج وسلميلي على نيور يورك manhatten city تايم سكويييير ....حدها اتيييين ولاتنسين تروحين محل macyes اللي بنيو يوورك اكبر ميسي بامريكا كلها 8 طوابق عجييييب وروحي century 21هذا يبيع ماركات رخيصصصصصصصة كثر ماتقدرين اشتري منهم لان لما طلعنا من نيور يورك شككككككثر دورناه بالولايات الثانية مالقيناه.يبيع شيلات ماركة ايس بيرج وغيره على 15 دينااااااااااااااااار. وعليج بالف عافية مقدمااااااااااااااا

 

[miss_art]

اي ونسيت اقولج على مارديت من امريكا الا بنتي صايرة شضعفهاااااااااااااااااااااااااااااااااااااااااا من قلة الاكل.. اكلهم بامريكا كلش مو صحي اكثر شي junk food

 

[بقايا همس]

اب اب اب

 

[دنيا جديده]

ماقصروا البناات

قلت لج ماري ماري لاتاخذين بنتج راح تتعب هناك

ماقليتيلي وين بتسكنون في فلوريدا وشنو مواقع الفلل اللي شفتيها؟

 

[منورة الكويتية]

انا اقول خليها عند امج وماراح يصير لها الا العافيه ان شاءالله
وروحو عسلو لووول

 

[أمانيQ8]

شوفي ..كل سفراتي كلللللللللللللها معاي اعيالي لا انا ولا زوجي نتحمل افراقهم ولعلمج سافرت وجربت اعيالي واهم اصغار واكبار بالسفر يمكن نتعب بس تعب خفيف اللي لابد منه عرفتي ونتعاون انا وزوجي والعربانه والحماله مايقصرون

شهر7الياي ان الله عطانا عمر بروح امريكا وولدي الجعده بيكون عمره 9شهور الله يحفظه ما افكر اخليه كللللللش باخذه معاي وعلى الله

بس انا يمكن اختلف معاج بشي انا عندي بناتي الكبيره الله يحفظها14والثانيه11والثالثه8يساعدوني عليه مع وزوجي بس انتي اذا ماعندج احد يعاونج مشكله صج ماراح تقدرين تلعبين اهناك وين اتودينها؟؟؟الا اذا انتي وزوجج تتزاومون؟؟مره اهو يلعب ومره انتي

بس صدقيني لو قلبي اقوى من جذي وامي الله يخليها لو لها خلق اخلي ولدي عندها اخليه لانه بهالعمر مايفهم وايد حق الالعاب والرحلات بس لايقولون لج مايفقد الياهل بهالعمر لاااااااااااااااا يفقد ونص


فكري وشوفي اذا مو بجايه مثلي وتتحملين خليها عند امج لان امريكا يبيلها يهال شايلين عمرهم ويتذكرون وين راحوا واشافوا مو يروحون ويرجعون مايدرون عن الدنيا لووووووول


حماتي راحت استراليا العام وخلت بنتها الصغيره عند امها تقول اطلعت عينها من الوله ما استانست بس تمشي وتبجي اهناك
اسفه قرقت وايد