إحنا الحين حجزنا حق العيد ... ٥ ايام
سيشل الريوق والعشا منهم (الله يزيد النعمة)
اهم شي الخدم اللي يايين مع اهلهم ساطرين
قبلنا بالبوفيه
لمن اروح سيشل اللي ماحبه (عشان خواتي اروح)
اجهز عدة الله لايوريكم جني منتقلة من بيتي
علي بيت يديد
أخذ الفراش اللي يتصفط ماشاءالله ماتكفينا الاسرة
وأخذ سرير الياهل السلة بالأسواق الشعبية ينباع
علي ٨ دنانير (انا عندي ياهل شهور)
ومخدتي وشراشف (من شفت دم بفراش سيشل مرة)
وانا لو أسافر صرت أخذ معاي شرشف وكفري والفوط
لا تلوموني انا ماحب استخدم شغلهم هم ولا غيرهم
حتى لو مغسول
الديفيدي مع افلام يدد عشان نسهر ومسرحيات وبارني
عشان الصبح اليهال يقعدون
العاب (جنجفه ومونوبلي ورسك واونو وجم لعبة حق اليهال حيل)
جياس الثلج واذا وصلت اعبيهم ماي واحطهم بالفريزر لان مرة
طلبت ثلج حاسبوني ربع دينار تخيلوا كل شوي نطلب نهيبة
حتي لو الحين الجو بارد انا احب البيبسي معاه ثلج
الاكل أخذ خضرة حق السلطة ودرسينج جاهز ايتاليان و سيزر
وأخذ عيش وعدس حق المعدسة وعيش الطماط واخذ نقانق
و همبرجر وكفته وخضرا مثلجة حق مرق الكفته
جبن قلاص وخبز وصمون وأخذ مكرونة وصلصة جاهزة نوعين
عشان مانكرر وذرة ودهن وماجي ومعجون طماط حق الدقوس
كلينكس عادي ورطب مثل ديتول وجل المعقم
قلاصات وصحون وقفاش بلاستيك
اذا ناوية اشوي اييب خشب مو سياخ حديد عن الثقل
وشوايتي الكربا مو الفحم هم عن الثقل
قاري بنتي الصغيرة وعربانة ولدي وسريره السله
شاحن تلفون و الايباد او اللابتوب
جنطة الهدوم حقي وحق اليهال وطبعا عدة التنظيف
لي ولليهال (شامبو وكريمات والبودر) ومكياج جنطة صغيرة
وسشوار ومشط
انا بالنسبة لي عيالي لازم مصاصة فاحط احتياط وحدة يديدة
حق كل واحد
نظارتي الطبية وعدسات يدد وقوطي عدسات ومحلول
اكسسوارات (احب كل تريننج له عدته) مثل ساعة
وخاتم وسوار الساعة وجم سكارف والتراجي
مو عشان شي لان ادري بشوف كل اللي نعرفهم بالكويت
سبحان الله لازم يدققون
اذا صيف اييب عدة السباحة حق اليهال مايوهات
وطفاحات وسلبر نايلون وفوط
واذا شتى اييب كبابيس عشان البرد عن راسهم
وممكن أحط دس حقهم
فواكه مخلط ككاوات بطاط وبفك وبسكوت
وكيك أمريكانا او سارالي او كب كيك أمريكانا
كرواسون هم أمريكانا
شاي وقهوة ونسكافيه وكوفي ميت ودارسين
وككاو حق الهوت شوكليت انا أحط وياه دارسين
الطعم لذيذ وشكر بني وعادي انا حقي البني
وأهلي العادي وحليب قواطي سائل كي دي كاو نص دسم
طعمه أحلى من الدسم
ودايما استعين بخواتي اوزع اغراضي بسياييرهم لان مايكفي
احطهم بسيارتي
