رحت حق بدر النصراالله

[نونو نونوه]

السلام عليكم ورحمة الله وبركاته

بنات ماراح اطول راح ادش صلب الموضوع انا من تزوجت وحملت وولدت واقول كل يوم بسوي رجيم وكل ساعه داشه المنتدى وكاتبه موضوع يوميات وانا اللي كلش الحين ببدي رجيم وانا وانا واخر شي يومين بالكثير واكشت بيومياتي واخربط بالرجيم واتفشل ادخل وبس كل يوم اقول رجيم تعبت المهم عاد عمة ريلي مشالله كانت متينه وضعفت سالت ريلي وين راحت اي دكتور قالي بدر النصرالله وهالحجي من 6 شهور تقريبا

المهم قررت من اسبوع اروحله <<<<<<<<<<<<<<<<تو الناس لوووووووووول

المهم خذيت الموعد والعنوان ورحت ويحليله مشالله خوش دكتور والعياده تفتح النفس وتشجع بعد ههههههه قاس وزني بعدين راح احطلكم بالتفصيل الوزن وعطاني رجيم وقالي ان رمضان صعب الواحد يسوي رجيم بس انا بعطيج من الكل البيت بس انا اتحكم بالكميه وقالي بعد نسيت ان وصلت انا للسمنه يعني وبعدين قالي روحي الغرفه الثانيه حق السسترات خذو وزني وسالوني جم سؤال اذاافي مرض بالعايله او لاوشنو احب و ما احب من الاكل وكل شي و موعدي الثاني كان اليوم وماصدقت وناسه وناسه بنات ضعفت 4 كيلوات ب6 ايام لان اول يوم طوفته لووووول ومن غير رياضه وناسه والحمدالله عطاني باجي اليوم اوووف وعطاني رجيم يديد من باجر اطبقه والحين بكتبلكم بالتفصيل وزني والرجيمين الاثنين تابعوني

 

[نونو نونوه]

وزني قبل الحمل :eh_s(22): 70
وزني الحالي قبل لا ابلش رجيم ::O_SHH_: 95
وزني بعد اسبوع من الرجيم : 90

الرجيم الاول ولمدة اسبوع نزلت عليه 4 كيلو من غير رياضاه :

الاذان : 3 تمرات +شوربه او لبن خالي الدسم
صلاة
6قفشات من اكل البيت +سلطه+مقالي 1

سناك

قطعة حلو صغيره

حبة فاكه

ثلاث تمرات

السحور :
1) توسته+جبنه+خيار وخس+حليب
2)شوربه+سلطه+روب
3)خمس قفشات عيش +روب وطبعا نختار من هالثلاث



وحمدالله خلصت هالرجيم وعطاني رجيم يديد مايندرى جم انزل عليه هالاسبوع شوي اصعب


الاذان :3حبات تمر+كوب شوربه او لبن خالي الدسم

صلاة
يوم وترك مشوي + سلطه والمشوي قال عادي حتى اذا ماقدرتي تشوين ديايه او لحمه اخذي من المرق اذا مسوي او الشوربه اذا فيها يدام

ويوم وترك 6 قفاش من اكل البيت+سلطه لاحظو مافي مقالي هالمره

والسناك

ثلاث تمرات
روب

السحور :

1)حبتين فاكه+روب
2)شوربه+سلطه

وطبعا نختار واحد ولاحظتو السحور هم مافي خبز نفس اول رجيم واليوم طبعا الدكتور عطاني فري فمن باجر راح ابدي واي سؤال انا حاظره

 

[اخت خالتهم]

ما شاءالله تبااااااااااارك الرحمن

الله يووووفقج ياااااااااارب

 

[wa9l]

6قفشات من اكل البيت +سلطه+مقالي - شنو نوع اكل البيت عادي يعني اطباق فيها كريمه تدرين هذا اكل رمضان و6 قفاش عيش ميخالف تحددين اكثر وشنو نوع الشوربه وعادي اشرب شاي وقهوه مع شكر الرجيم اذيتج بالاسئلة بس لاني بطبق الرجيم يمكن اضعف قبل العيد

 

[نونو نونوه]

مشكورين حبايبي على المرور

وبالنسبه حق الست قفشات اي عادي انا اكل من اكل اليت احطليلا قفشه بطاط وكريمه وعيش وتشريبه عادي وشوربه بعد عادي كريمه بس شاي قهوه لا ماكنت اشرب كلش وما سالته والله بس حاطلي فواكه او تمر والله يوفقج

 

[BiiShOoO]

ماشاء الله تبارك الرحمن

انا بعد اراجع عنده وز معطيني نفس ريجيمج

 

[نونو نونوه]

صج بيشو وتوج تطبقينه او صارلج فتره وجم نزلتي واي زين لقيت وحده معاي وانتي جم وزنج ؟؟؟ اذا مافي مانع

 

[BiiShOoO]

توني هذا ثاني اسبوع و مانزلت الا كيلو ونص لاني شوي خربطت بس هالاسبوع ان شاء الله ملتزمة وزني الحين 104

 

[ام كوشه منكووشه]

رد : رد: رحت حق بدر النصراالله

الله يوفقج حبيبتي وتوصلين للوزن اللي في بالج انشالله
بس حبيبتي ترا هالدكتور موتخصص تغذيه اهوا تخصصه طب عايله وهالشي موايد ناس تطبقه بالكويت انها تحط لها دكتور يتابعهم لا امرضو فقام فتح عياده تغذيه.. ممكن يكون قرا عن التغذيه وعرف له جم برنامج لكن هالشي مو مجاله وماشالله ترا في وايد اخصائين تغذيه بالكويت ومعرفين.. مجرد راي واتمنى ما تزعلين منى

 

[al-7lwaaa]

رد : رد: رحت حق بدر النصراالله

الله يوفقج حبيبتي وانشالله توصلين حق الوزن الي تبينه يارب

 

[نونو نونوه]

السلام عليكم بنوتات شلونكم
امس تفطرت 3تمرات +شوربة يريش وبعد الاذان كليت ديايه مشويه +سلطه
والسحور تفاحه+خوخه+روب خالي الدسم

الحلوه مشكوره يقلبي اجمعين

بيشو حبيبتي انشالله نوصل للوزن اللي نبيه وترى انا لما رحتله ووزن وزني جان يقولي ماخربطتي صح قتله اي جان يقول وايد زين واستمري جذي فانتي حبيبتي لاتخربطين واللي بخاطرج فيه اكلي باليوم المفتوح وااصلا زين كيلو ونص الحمدالله بس اذا ودج اكثر التزمي بالضبط والله يوفقنا انا موعدي يوم الثلالثه معاه حتى بساله عن العيد شلون


ام كوشه حبيبتي والله انصدمت مشالله عليه شاطر عاد بس برايي والله احنا اللي ماعندنا خبره من كثر الرجيم قمنا نعرف كل شي من رياضه من الاكل من الاعشاب فيمكن اهوه مو متخصص بس عنده خبره والله اعلم بس انا عندي احسن من وايد دكاترة تغذيه ويعطون البنات بيبسي دايت وحبوب ووجبات دسمه على بو ان ماكو حرمان وبالعكس حبيبتي ما ازعل منج شكرا على التوضيح

 

[نونو نونوه]

السلام عليكم بنات تكفون ابي تشجيع

امس يومياتي الفطور قفشه عيش +قفشه يريش+قفشة تشريب+قفشة معكرونيه +كبة باللبن وبس لان اليوم يوم ال6قفشات
السحور : روب +تفاحه +خوخه

وشربت ماي وايد



واليوم انشالله : ديايه مشويه +سلطه
السحور :شوربه +سلطه عاد شوربة شنو مادري شنو مسوين ابلغكم بالليل

 

[Miss 3asal]

اختي وين مكانه ؟

 

[BiiShOoO]

فطوري امس

دياية مشوية و سلطة

و سحوري شوربة و سلطة


اليوط فطوري 6 قفاش عيش و دياي

و سحوري 2 تفاح و روب

 

[نونو نونوه]

مس عسل حبيبتي مكان في بنيد القار تقلين مطعم كباب الحجه على يمينج وتمشين سيده سيده سيده تلقين عياده مكتوب عليها 09 يمها مطعم قريد ستيك بالدور الثاني


هلا وغلى بيشو شلونج شلون النفسيه انشالله تمام تعالي متى موعدج الياي

 

[BiiShOoO]

هللا فيج نونو تماام الحمدالله انتي شلونج؟؟

و النفسية يعني معني ملتزمة بس احس نفسي منتفخة مادري ليش

موعدي الاثنين ان شاء الله و يصادف بعد عيد ميلادي ههههههههههههههههههههههه

 

[L a w y e R]

رد : رد: رحت حق بدر النصراالله

الله يتمم عليج انشالله

.

انا امي وايد قاعده تحن عشان اروح له

حدي متردده مادري ليش :/

 

[نونو نونوه]

لوير مشكوره حبيبتي اجمعين

بيشو واي حتى انا صايره عصبيه وانا موعدي يوم الثلاثه وراج بيوم


وكل عام وانتي بالف خير وعقبال 1000000000000000000 سنه يارب



:ggdw::ggdw::ggdw::ggdw::ggdw::ggdw::ggdw::ggdw::ggdw::ggdw:

 

[نونو نونوه]

لوير والله سمعي كلام امج وروحي لان انا شفت بعيني النتايج من عمة ريلي والحين صارلي ايبوع ونص وكل من لاحظ ان جسمي انلم وانا ما اخربط كلش التزم بالرجيم بالحرف

 

[kuwaitya-frawla]

موفقه يارب و عقبال ما تقطين 30 كيلوووو يارب



وان شاء الله نضعف كلنا بصحه وعافيه يارب