رحت سويت وطلع ؟؟؟

[ام دلال ومنال]

شلونكم خواتي

رحت دكااتره اشكال والوان واليوم رحت اراجع عند دكتورة مستوصفنا ولمن سويت سونار قالت فيج تكيس مبايض من الدرجه الثانيه

تكيس مبايض ثنائي يعني شنو بنااات احترت اول مره تقولي دايما ارووح دكاترة الخاص وادفع مبلغ وقدره عشان السونارات وكلهم يقول مافي شي والدكتوره اليوم تقول الرحم سليم بس في تكيس مبايض ثنائي


تكفووون بنات انصحوووني منو سار معاها جذي​

 

[ملكه الحطب]

ماعندي فكره

للرررررررررررفع

 

[q8_mother3]

والله ماعرف شي بهالموضوع بس اللي اعرفه ان اشكثر حريم احملوا وفيهم تكيس عالجوا انصحج روحي للعرف واختصري وقتج والله يعوضج

 

[دلوعة صلوح]

والله ماعرف بس الله يرزقج ان شاءالله.

 

[kitty eyes]

ما عندي خبر

 

[ام دلال ومنال]

مشكوورين لاخلا ولاعدم ماقصرتوا

 

[ام دلال ومنال]

بنات ياليت اللي تعرف تقولواللي ماتعرف ترفع الموضوع ويعطيها العافيه

 

[الزيـــــ^^ـــــن]

رفع

 

[عيش و مرق]

ماعليج الحريم وايد يخورونه انا قالت لى دكتوره فيج قرحه خرعتنى حسبي الله عليها وبغت تكوينى يوم رحت حق دكتورى وانا قايله مابى ريال
يحدونى اروح حقه جان يقول مافيج الا العافيه لاقرحه ولابرحه مافيج شي بس تعقدت من الحريم مومعقوله كلهم مايفهمون وااااايد جربتهم مو اول مره

 

[قاهره عذالي]

تكيس المبايض عيبه الوحيد
انه يضعف التبويض ويخربط الدوره ويخليها تطول ماتجي وتاخر ع الفاضي وتكون فيه خربطه بهرمونين lh,fsh

 

[تهاني راشد]

سوي تحليل هرمونات المبيض lh و fsh ثاني يوم من الدورة
وراح يبين أضبط بالتحاليل . . وان شاء الله ما تشوفين شر ـ أغلب الحريم عندهم تكييس مبايض ،،،

 

[~ذووق~]

اممممممم ما حبيت اطلع من غير ما ارد,,
والتكيس قلبووو بس داومي على العلاج ويروووح ان شااء الله ..
وعلى طاري الحريم فعلا ما عندهن سالفه ..
خالتي تقريبا لها فوق السنتين وهي تعالج ,, وكل شي سوته وكل ما راحت لدكتورة قالتلها التهابات و و و و .. الخ ,,
ومحد قالها سوي اشعة الصبغه ,, الين وحده من البنات الي يجزاها خير قالتلها سوي ..
وفعلا سوتها عندنا بالسعوديه ,, واللحين ما شاء الله حامل توها لها ثلاث اسااابيع ..

والله يا بنات انها ما خلت مستشفى ما راحت له حتى بمصر راحت هي وزوجها وما قالوا لها عن اشعة الصبغه شي ..
وجت عندنا بمستشفى عااادي مو ذاك الزوووود واللحين الحمد لله حااامل ...


يارب ارزقني وارزق كل محرومه يااااارب ,,

 

[أحبك يالبنفسج]

الله يرزق كل محروووم يارب

 

[أم علي الرفاعي]

يمدحون مستشفى العرف اللي بالجهرا


عموما التكيس يتعالج
وفي حريم يحملون عليه

 

[شهدالامارات]

تكيس يعني شي كيس دهني او كيس فيه دم متجمع مجلط هذا اللي اعرفه


في كيس يفرز سائل اصفر او اخصر يكون سببها الفطرياااات
او يتعالج بالادويه او يسون غسيل رحم او عمليه

والله يسهل امورج عزيزتي يارب

 

[jaaanooo]

شوفي حبوبتي .. انا بصراحة راجعت دكتوورة وصارت لي سالفة معاتااه كانت خااااص ... وسمعي شنو قالتلي .. حبوبتي فيج تكيس بالمبايض وفيج اشويه دم بالرحم وفيج تضخم بالرحم .. وكل هذا عادي مافيه شئ .. تخيلي عاادي هاااا

ثاني يوم رحت عند دكتوره ثانية بمستشفي ثاني وطلعة مافيني الا العافية وحملت بنفس الشهر .. حسبي الله عليها

وعلى سالفة التكيس على حسب حالتج حبوبه تتعالجين بس نصيحتي روحي المستوصف اذا تبين بس دكتوره ثانية عشان تتاكدين اذا ما تبين خاص

وان شاء الله ما عليج الا العافية

 

[ام دلال ومنال]

مشكووورين ماقصرتوا خواتي