رحلة أوكسجين في ربوع اوروبا ...^^مايو^^2010^^

[أوكسجين]

بسم الله الرحمن الرحيم

شلونكم بنات من قبل 3 شهور تقريبا قررنا انا وريلي نسافر اوروبا اول شي قلنا اسبانيا وفرنسا

بس بعدين قلبنا قلنا المانيا وسويسرا وايطاليا والنمسا

بسم الله نبدي رحلتنا

الرحله من 2-5-2010 الى 18-5-2010

الكاميرا المستخدمه
نيكون S8000




كانت رحلتنا على الخطوط الجويه الالمانيه (اللوفتهانزا )



سعر التذكره للشخصين في الدرجه السياحيه 315 دينار


رحلتنا كانت كويت- فرانكفورت- ميونخ


طرنا من الكويت ساعه 1 تقريبا وصلنا ساعه 7 لفرانكفورت بس بتوقيتهم ساعه 6

وكان الترانزيت 3 ساعات



وبعدها طرنا لمطار ميونخ ساعه 9 ووصلنا ساعه 10

واستلمنا سيارتنا ساعه 11 من شركة avis



السياره فولكس فاجن كبيره جنها باااص
ذكرتني بسيارة العصابات :krkrkr:

بس وايد وسيعه ومريحه


السياره ل17 يوم ب370 دينار وكلفنا الديزل طول فترة السفره 180 دينار تقريبا

بعد استلام السياره رحنا الى منطقة شتاتغرت



وهي فيها متحف البورش سعر الشخص 8 يورو بس نصيحه المتحف مايسوا كلش






وبعدها طلعنا وتوجهنا الى الفندق للراحه

طلعنا من شتاتغرت ساعه 4 وتوجهنا الى بادن بادن المفروض بعد ساعه نوصل بس ماوصلنا الا الساعه 7
لان احنا حاجزين بفندق هوليداي ان بادن بادن نروح على العنوان مو موجود

درنا ودرنا ندوره مالقينا اخر شي ريلي قال خل انزل الفندق اللي بالعنوان واسالهم عنه

يوم نزل جان يقولوله انت بنفس الفندق بس مغيرين اسمه
لي





الفندق نظيف والسرير مريح بس عيبهم ستافهم شخص واحد اهو اللي يسوي الشيك اوت والشيك ان ويشيل الميني بار
يعني الخدمه مو ذاك الزود

باليوم الثاني رحنا لاوروبا بارك سعر الشخص 35 يورو





وهني صورت مع الاميره




وهاذي وحده من الالعاب


اوروبا بارك حلوه بس عندي ديزني لاند وايد احلى منها

طلعنا ساعه 3 وقنا دام في وقت خن نروح ستراسبورغ بفرنسا تقريبا على بعد نص ساعه





عفيه بنات لاحد يرد لمن اخلص التقرير
ابيه يكون متواصل



​

 

[أوكسجين]

بطريجنا لسترتاسبورغ


ستراسبورغ


هذي ثاني مره اروح ستراسبوغ المدينه وايد وايد حلوه وهاديه

بعدها بيوم رحنا بادن بادن تمشينا فيها


هني واحنا بالطريج عجبنا المنظر نزلنا وصورنا


المنطقه حلوه



وفيها حديقه احلى واحلى
حديقه من احلى الحدايق الي شفتها بوسطها نهر


طبعا الصوره تتكلم عن جمال الطبيعه:ggdw:


وهذا تارت الفواكه طعمه لذييييذ يمي يميoster_av1:


قعدنا بالحديقه 4 ساعات وماملينا

نسيت اقولكم الفندق سعر الليله بحدود 35 دينار
وبعدها بيوم شدينا الرحال لي سويسرا ( انترلاكن ) الطريج من بادن بادن لي انترلاكن تقريبا 3 ساعات ونص

انترلاكن

كنا بالكويت حاجزين الفنادق الا سويسرا ماحجزنا قلنا ندور هناك

بعد مادورنا فنادق قعدنا بفندق يطل على البحيره والجبال
منظر رووووووعه
اسم الفندق seeburg
الليله ب55 دينار


البلكونه


الفيو من الغرفه


والغرفه من الداخل


وعزكم الحمام



بلييييييييييز لاحد يرد ماخلصت

 

[أوكسجين]

وبعدها يعنا ورحنا ماكدونالز
بما ان احنا نصير نباتيين بالسفره
طلبنا وجبتين فيجي برجر وسلطه وشرمب طلع حسابنا 11 الا شوي


طبعا اسعارهم نااار

ونسيت اقولكم ديروا بالكم بنات تره صلصات السلطه وصلصات الشرمب يحطون فيهم خمر وهذا مو كلامي كلامهم اهم لمن نسالهم يقولون اي فيها خمر طبعا مادرينا الا بنهاية سفرتنا فحبيت ابري ذمتي واقولكم

وبعدها بيوم رحنا مصنع nestle و cailler
يبعد عن انترلاكن ساعتين بالسياره
بس طريجه شوي متعب لانه كله جبال

بالطريج لي نستله


حياكم في مصنع نستله


سعر الشخص 10فرنك

دشينا وقالولنا مته بدت صناعة الكاكاو وشلون تطورت لي صارت على شكل نكهات
طبعا ندخل قروبات على حسب اللغه

واخر شي يورونكم شلون يصنعون الكاكاو

هاذي المرحله الاولى


الثانيه


الثالثه


الرابعه



واخر شي التيست


وهني بنيه قاعده تذوق الكاكاو



طبعا الكاكاو لذييييذ
بس ديروا بالكم اذا بتروحوله لان بعض الانواع فيها واين

وبعدها رحنا لمصنع الجبن ومنطقة ايفيان الفرنسيه بس ماصورت لان خلص شحن بطاريتي :0bee2e8d89:
ماخلصت لحد يرد

 

[أوكسجين]

بعدها بيوم رحنا لمنطقة لوزيرن

بطريجنا للوزيرن


وهذا جسر قديم مشهووور عندهم


اجرنا سفينه لمدة ساعتين بالدرجه الاولى 34 فرنك للشخص والعاديه ب فرنك26


منظر من السفينه


وهذا ولدي


وهني قاعدين نمشي شفنا معاريس ياحلو عرسهم بسيط وهادي
وطلعت العروس مغربيه



واخر شي ردينا الفندق وسويت بنك باستا حياكم تفضلوا



وبعدها بيوم رحت مزرعه حرام اللي تروح سويسرا ماتروحلها
اهيا قريه مسورينها وصايره نفس مزرعه

اسمها مزرعة Ballenberg


سعر الشخص 20 فرنك
تشوفين بيوتهم القديمه وصناعاتهم شلون يصنعون الادويه والكبابيس والملابس حته الطحين
قعدنا فيها اكثر من 6 ساعات ياله خلصناها





وهذا الريال قاعد يطحن الطحين




وهذا ولدي الثاني قولوا ماشالله :tomato2:




لاتردون بليز ماخلصت

 

[أوكسجين]

خلصت رحلتنا في سويسرا وشدينا الرحال لي فينيسيا في ايطاليا

الطريج من انترلاكن لفينيسيا 6 ساعات

وبعدها وقفنا سيارتنا بالمواقف وخذينا عباره الشخص ب 12 يورو

ورحنا للفندق نحط اغراضنا

الفندق كان royal san marco

الليله ب 76 دينار

الفندق من اسوء الفنادق الي رحتلها ما انصح احد يقعد فيه لا نظافه ولا خدمه على ااساس الفندق 4 نجوم انا اقول نجمه وايد عليه



ساحة سان ماركو


البندقيه




اجرنا القارب لمدة نص ساعه ب 80 يورو


بعدها تمشينا بالبندقيه

الشعب الايطالي من اسوء الشعوب بالتعامل شعب شايف نفسه
يعني انا ماحبيت فينيسيا من شعبها

الموهيم

بعدها بيوم رحنا بناجر تاكسي حق جزيرة مورانو بنروح مصنع الزجاج والا اييلينا واحد ويعطينا تذاكر لجزيرة مورانو
بالتاكسي مجانا



وهذي البندقيه من بعيد



وصلنا مورانو ورحنا لمصنع الزجاج



وماقدرت اصور معرضهم لان ممنوع التصوير اشكال الزجاج وايد حلوه بس اسعارهم نااااار

وبعدها رحنا لجزيرة بورانو الي يميز الجزيره الحياكه والبيوت الملونه






وبعدها ردينا فينيسيا

وشفت هالطرار



شزينهم الي شارلي شابلن والي بو الهول اشكالهم تونس

وهذا الياباني قال حق حبيبته ماتزوج الا بفينيسيا :dddds::dddds:


ماخلصت :eh_s(4):

 

[أوكسجين]

بجذي انتهت رحلتي للبندقيه

وشدينا الرحال للنمسا

بالطريق الى النمسا





رحنا متحف السوارفسكي حيل عادي
الشخص ب 9 يورو



مدخل المتحف



هاذي اكبر سورافسكيه بالعالم وداخله كتاب غينيس


وهني داخل المتحف


بعدها رحنا لزلمسي فندق نيوبوست

الليله ب35 دينار

ريحنا وبعدها بيوم رحنا شلالات الكريمل





الشخص بيورويين


وبعدها رحنا للقمه الثلجيه بكابرون بس بالطريج شفنا حيوان شكله غريب منو تعرفه _03BA:




سعر الشخص للقمه الثلجيه 21 يورو

وهذا اول تلفريك للقمه


وهذا الثاني


وفي ثالث بس ماصورته
وهاذي القمه



لاحد يرد اخر صور بنزلها

 

[أوكسجين]

وبعدها بيوم رحنا الزحلاقيه الصيفيه الشخص 11.80 يورو


وهني بطريجنا لسالزبورغ


سالزبورغ




سوق سالزبورغ


واليوم قضيناه بالسوق ورحنا الاوت ليت بس مو شي اتوقع الي يم فيينا احلى بس ماقدرنا نروحله

وبعدها بيومين

رحنا الكهف الثلجي وهو اكبر كهف موجود بالعالم طوله 42 كيلو متر والمسموح له بالدخول حدود 1 كيلو
الشخص ب 19 يورو

اول شي صعدنا مشي لمدة 20 دقيقه بعدين ركبنا تلفريك ومره ثانيه نصعد لمدة عشرين دقيقه
صج طااااااح حيلنا











وهني بعد ماوصلنا الكهف



طبعا من نوصل يقولج الكهف فيه 1400 دريه
700 تصعدينهم و700 تنزلينهم
فالي يبي يروحله لازم يكون عنده لياقه عاليه لانه وايد متعب

هني داخل الكهف والصوره مو مواضحه لان ممنوع التصوير



ووهالصوره واحنا قاعدين ننزل
تشوفون الدنيا خضره من تحت



وكنسلنا ليله من زلمسي ورحنا ميونخ حق السووووق
وماصورت لاني كنت لاهيه بالشوبينغ

انشالله تقريري عجبكم :bye22::bye22::bye22:

 

[أوكسجين]

وهذا النوفوجيتر الي خذيناه معانه



Garmin -nuvi -715

 

[نسايم دبى]

بصرااااااااااااااااااااااااااااااااااااااحه
جننتنى الصور
روووووووووووووووووووعه
وما قدرت انام لما اكمل معاج التقرير

اول شئ الصور مغيرخ فيها شئ بالفوتوشوب والا هى جذيه تصويرها روعه
وبكم سعرها ومن وين شريتيها

 

[أميره بلا قصور]

تقرير جا بوقته

ماشاءالله

روووعه رووووعه

الله يعطيج العافيه و يهنيج حبيبتي وتعيدين هالسفره مع اعيااالج كل سنه
بس مادري ليش صور فينيسيا وزلمسي مو طالعه عندي

 

[Love \ Hate]

واااااو روعه !! عليج بالعافيه فديتج التصوير رائع

 

[هاديهـ&مطيعهـ]

ماشاء الله تبارك الرحمن روووووعه الصور مووووصج عليكم بألف ألف عافيه جم كلفتكم الرحلة كاملة

 

[نسايم دبى]

قاعده انطر الرد لان صديقتى فى امريكا وابيها تشترى لى الكاميرا اذا كان سعرها بالكويت غالى
انا امس سالتها لما شفت تقريرج قالت سعرها عندهم بامريكا 90 دينار

 

[jory1-2]

لالالالالالالالالالالالالالالالالالالالالالالالالالالالا




صور النمسا مو طالعتلي شوفولي حللللل



ويسلمو ع التقرير الروعه

 

[0ام الحلا0]

واووووووووووووووووووووووووووووو صورة زلمسى

 

[أم@الحلوين]

عليييييكم بألف عافيه

ماشاءالله التقرير روووعه وزلمسي خيااااااااااااااااااااااال ذكرتيني بالذي مضى

بغيت أسألج عن الطيران اللوفتهانزا مريح؟؟ نفس الاماراتيه ؟

 

[Ftooosha]

ماشاءالله خوش سفرة

وتقريرج عجيب عليج بألف عافية

الله يوعدني بسفرة نفسها ان شاء الله

 

[غديران]

روووووووووعة

عليج بالعافية

 

[كويتية أصيله]

مااااااااااااااشاااااااء الله عليكم بالعافيه خوش رحله والصور وااايد أحلى

 

[3rosa]

ما شاء الله تبارك الرحمن ... يعطيج الف عافية يا قلبي ...

عليج بالف عافية ... ان شا ء الله كل سنة تسافرون وتعيدون السفره مع عيالكم


روووووووعه اشويه عليها ... تسلم الانامل الماسية