رحلة بندول من أوزنجول إلى اسطنبول 2009 بالصور والفيديو

[هاديهـ&مطيعهـ]

السلام عليكم ورحمة الله وبركاته ,,,

ببدي بالموضوع على طول ,,,

قررنا وبعد تفكير طويل وبحث مستمر إن نقضي هالصيف بتركيا وكانت الرحلة على مايلي
الرحلة كانت بتاريخ 5\7\2009 الساعه 2 الفجر
أول ليله باسطنبول
تاريخ 6\7\2009 نطير لترابزون بشمال تركيا ومنها خذينا باص إلى منطقة أوزنجول قعدنا فيها 7 أيام ورجعنا ترابزون وقعدنا فيها 3 أيام وبتاريخ 15\7 رحنا بورصه قعدنا فيها 4 أيام وبعدها الجولة الاخيره كانت اسطنبول وقعدنا فيها 6 أيام

الرحلة كانت على الخطوط الجوية التركية

طيران جيد مايخوف كلش عيبه ان مافيه تسليه مافي تلفزيون الرحله مدتها 3 ساعات ونص تقريبا

وصلنا الصبح وكان المطار حده زحمه وعدت على خير رحنا الفندق كان في منطقة السلطان أحمد حدها عجيبه بس الفندق غرفته حيييل صغيره
وهذي الصور من موقع الفندق

وهذي الغرفه

ريحنا بالفندق ولما قعدنا كانت الصدمة ان متخربطين بجنطة زوجي ماخذين جنطه مو جنطتنا ورحنا المطار مره ثانية وعفيسه ولوما الله ثم مكاتب السياحه بقسم الاستعلامات ماعرفنا نتصرف والحمدلله لقينا الجنطه

نزلنا تغدينا وتمشينا بالمنطقه ،،،

 

[هاديهـ&مطيعهـ]

الجو كان مطر وبراد مو طبيعي وكلينا شاورما عجيبه وتمشينا ،،،

[/url][/IMG]

جامع فيروز باشا بالطريق الى جامع السلطان أحمد

جامع السلطان أحمد

الجامع من الداخل

قية الجامع

طلعنا من الجامع رحنا آيا صوفيا

مدخل أيا صوفيا بالحديقة ( مثل التوابيت )

صوره من الحديقه

أيا صوفيا من الداخل

بس ماكثرت من الصور داخل الجامع والمتحف هذي كانت نبذه بسيطه عنهم

 

[هاديهـ&مطيعهـ]

طلعنا من آيا صويا تمشينا بمنطقة السلطان أحمد حيل عجبتني هالمنطقة بغينا السوق المسقوف بس كانت الساعه 7 وقالوا لنا انه بيصكر تمشينا لقينا نفسنا داخل هالحديقة حيل عجبتني

في لها فيديو بس بحطه في نهاية الموضوع


انتظروني غدا مع رحلة إلى أوزنجول

كبرت الصور لعيونكم ومنتظره ردودكم علشان أتشجع

 

[سنفورة]

واااااااااااااااااو عجيبة الصور رحت تركيا مع اهلي 2005 بس اكيد الحين احلى


كملي ناطرينج ولا تطوفج صوري باليونان ههههههههههههههه اسوي دعاية

 

[كارلوفي فاري]

بسم الله ماشاء الله روووووووووووووووووووووووووووووووووووووووعة عليج والله بالف عافية وتقريرك حيل شيق بس حريتيني انه مو كامل بس عفية عليج والله -وما ننحرم من هالابداعات يابندول فعلا صورج تقعد الراس
مع حبي واخلاصي

 

[هاديهـ&مطيعهـ]

بسم الله ماشاء الله روووووووووووووووووووووووووووووووووووووووعة عليج والله بالف عافية وتقريرك حيل شيق بس حريتيني انه مو كامل بس عفية عليج والله -وما ننحرم من هالابداعات يابندول فعلا صورج تقعد الراس
مع حبي واخلاصي

يابعد عمري مشكورة على الرد اللي يشجع ويحمس إني أكمل التقرير تابعيني وتشوفين الابداعات صج نشكورة على المرور نورتي

 

[هاديهـ&مطيعهـ]

واااااااااااااااااو عجيبة الصور رحت تركيا مع اهلي 2005 بس اكيد الحين احلى


كملي ناطرينج ولا تطوفج صوري باليونان ههههههههههههههه اسوي دعاية

نورتي يالغاليه ،،، تابعيني واتابعج ,,, حلوه هههههههه مشكوره على مرورج

 

[هاديهـ&مطيعهـ]

في اليوم الثاني خذينا تاكسي ورحنا المطار الساعه 4 الفجر لأن طيارتنا الساعه 7 الصبح وصلنا مطار أتاتورك وفي بالمطار قسمين طيران دولي وطيران داخلي طبعا رحنا لقسم الطيران الداخلي ورحلتنا كانت على الخطوط التركيه

وصلنا مطار ترابزون وكانت الرحلة مدتها ساعه ونص وخذينا جناطنا ورحنا لمحطة الباصات عبر التاكسي رسوم الباص للشخص 10 ليره = 1.900 فلس كويتي وهذي الصور لنا قربنا من أورزجول والجو مطر مره قوي وشوي يخف

هذي الصورة من دريشة الباص لاحظوا المطر على الدريشة

وهذا النهر

هذا النهر من جهة أخرى

 

[هاديهـ&مطيعهـ]

وصلنا أوزنجول الحمدلله والباص وصلنا لي باب الفندق مامداني أصوره وهذي الصوره منقوله

كل الفنادق بهالمنطقة جذي حتى داخل الغرف كأنها أكواخ ونمنا وارتحنا بعد تعب السفر وقعدنا الساعه 5 العصر الشمس عندهم تغيب الساعه 8

صور من داخل القريه

تمشينا صوب المسجد وقالنا الشيخ تعالوا شوفوا المسجد ودخلني صوب النساء ولقيت حلقة تحفيظ القرآن أول شي ما تقبلوني بس مع السوالف بالاشارات استانست عليهم واستانسوا علي وصورت وياهم ماشاء الله الأغلبيه حافظين القرآن كامل

وهذي الصوره داخل مصلى النساء صورتها بيوم ثاني

وبدت تغيب الشمس وتمشينا ولقينا هالمطعم فوق الجبل طلعت صاحبة المطعم اهي نفسها صاحب الفندق اللي ساكنين فيه ومخليه مرت ولدها الكبير تخدم بالفندق ومرت ولدها الثاني تخدم بالمطعم (( خوش خاله ))

نطروني ومقطع فيديو للمطعم

ناطره تشجيعكم والله تعبت وانا انزل الصور

 

[جنى q8]

كملي حبيبتي


خوووووش تقرير

تهبل اوزنجول تبارك الله


عليكم بالعافيه

الله يهنيكم

بس هذا متى هالصيف اختي ؟؟؟؟

 

[هاديهـ&مطيعهـ]

كملي حبيبتي


خوووووش تقرير

تهبل اوزنجول تبارك الله


عليكم بالعافيه

الله يهنيكم

بس هذا متى هالصيف اختي ؟؟؟؟

الله يعافيج حبيبتي هذا التقرير طازه توني راده ماصار لي أسبوع

 

[بتبوتااا]

واااااااااااااااو وناااسه حوبي كملي كملي خوش رحله مشوووقه متابعه معاج ياقلبي @@

وهالخاله شغل عدل والله لوووول

 

[هاديهـ&مطيعهـ]

واااااااااااااااو وناااسه حوبي كملي كملي خوش رحله مشوووقه متابعه معاج ياقلبي @@

وهالخاله شغل عدل والله لوووول

اي والله شفتي شلوووون ؟؟ انشالله بكمل نطريني

 

[ميني كويتيه]

ونااااااااااااااااااااااسة

اللة يهنيكم

 

[الغاليه نونو]

ياحلات النوم بصروال طويل بكشاكش وفانيله حفر تحسين براحه الضمير المستتر

يازين قمصان القطن القصار و البجايم شورتات فاشن مل بدينار ونص وبديات علاليق شغل عدل

الله يعينكم انتوا رياييلكم شباب يبون اللبس الحلمنتيسي هههههههههههههههه الحمدلله هالشايب لو البس له القمصان المرطرطه المرصرصه

امهات دينار ونص يزوغ قلبه ترسي الكبت يمه من الرخيص وكل ليله كشخي بشي يديد ولي صار اخر الشهر يمعيهم وحطيهم بجنطه وطرشيها اللجان الخيريه تكونين كسبتي الاجر من الصوبين الاول بريلج والثاني في الفقاره المساكين

 

[هاديهـ&مطيعهـ]

ونااااااااااااااااااااااسة

اللة يهنيكم

الله يسلمج يارب نورتي

 

[هاديهـ&مطيعهـ]

ياحلات النوم بصروال طويل بكشاكش وفانيله حفر تحسين براحه الضمير المستتر

يازين قمصان القطن القصار و البجايم شورتات فاشن مل بدينار ونص وبديات علاليق شغل عدل

الله يعينكم انتوا رياييلكم شباب يبون اللبس الحلمنتيسي هههههههههههههههه الحمدلله هالشايب لو البس له القمصان المرطرطه المرصرصه

امهات دينار ونص يزوغ قلبه ترسي الكبت يمه من الرخيص وكل ليله كشخي بشي يديد ولي صار اخر الشهر يمعيهم وحطيهم بجنطه وطرشيها اللجان الخيريه تكونين كسبتي الاجر من الصوبين الاول بريلج والثاني في الفقاره المساكين

حدج داشه عرض ... خرفتي هههههههه

 

[اصايل]

خوش تقرير عجييييب كملي حبيبتي متابعينج

 

[هاديهـ&مطيعهـ]

خوش تقرير عجييييب كملي حبيبتي متابعينج

نورتي يالغاليه .. نطروني

 

[بتبوتااا]

لوووووووووووووووووووووووووووول الغاليه نونوو مضيعه يمكن ..

كملي حوبي بندول متابعه @@