رحلة ريلاكس مو طبيعيه... في الاراضي الماليزية (صور)

[sara2000]

انا مو رايحتلها سياحه يمكن علشان جذي مو فارقه معاي والجو هالحزة من السنة وايد افضل من الصيف وصايره ما اطلع من الفندق قبل الساعه 6 لان مالي خلق اخيس من الحر فمستمتعه بوقتي ..



بحرها صاجه مو ذاك الزود .. انا استانست بتايلند اكثر من هالناحيه .. الديره مو وااااو بس حلو الواحد يشوف اديار مختلفه بيئتها وطبيعتها وشعبها عن اللي اهو متعود عليه وصدقيني الانسان اللي يحط في باله انه مسافر علشان يرتاح ويستانس راح يستمتع بكل لحظه تمر عليه وبيشوف الجوانب الحلوه من الرحلة ..

تابعيني هناك المزيد ​

إحنا كنا رايحينها سياحه وبالصييييييييف عشان جذي افرقت معانا .. الظاهر الحين الجو وايد أحلى .. الله يهنيكم حبيبتي

ومتااابعتج :ggdw:

 

[rawona]

إحنا كنا رايحينها سياحه وبالصييييييييف عشان جذي افرقت معانا .. الظاهر الحين الجو وايد أحلى .. الله يهنيكم حبيبتي

ومتااابعتج :ggdw:

مشكوره حبيبتي ..

انا الحين قاعده اضبط مجموعه من الصور علشان انزلهم وانشالله يعجبونكم ​

 

[اشراقة الحياة]

عسا الله يسهلج .....

هالله هاللله بالصور ......

ناطرينج

 

[fona]

عليكم بالعافيه روونه

الغيم اللي بالصور يشووق

وان شاء الله بيتج بالجنه احلى من جذي

 

[malekatsabaa]

ونااااااسه عليكم بالعافيه

انا مارحت لنقاوي..بس راح اتعرف عليها منج


:ggdw::ggdw:

 

[اوركيدا]

هلا مي شلونج؟؟ من زمان عنج؟؟ شلون اليهال؟؟

بالنسبه لفور سيزون توني انتبه اني كاتبه السعر غلط الفيلا الليله مالتها من 350 الى 400 دينار كويتي سوري ماي باد بس هم على قولتج السعر فري نايس ويسوى جدام هالمنظر الروعه ..

خلج متابعه لا تروحين :tomato2:​

راونا بعد عمري .. انا اقصد انه مي اختي راحت ماليزيا مااقصد انا مي هههههههههه
بعد عمري .. متابعين معاج ! .._03ba:

 

[اوركيدا]

ماشاءلله الاكويريم اينن مادري ليش هالصوره ذكرتني بالخبز الايراني المحروق!

صج خيال هههههههههههه ..

التقرير كله روعه ودايما اقرى تقارير لكل الدول .. تقريرج من احلى او ارتب او اوضخ التقارير اللي قريتها ..
او صج حمستينا نروح ماليزيا .. جذي بو اسبوع 10 ايام .. في نص السنه ..
متابعين معاج راااااااونا

 

[كنترول]

ااالله شحلات التقرير
وليش ما رحتى رحلة نهر المانجروف بلنكاوي ؟؟
حسافه احلى شي
كملى كملى
ذكرتينا بما مضى

 

[منورة الكويتية]

وبما انا وصلنا لانقكاوي حزة المغربيه ... فلغروب الشمس نصيب من التصوير واذكر الشعور كان رائع .. كل شي هادي هدوء جميل والمنظر روعه وصخه بره شعور لا ينسى صراحه حد الريلاكس .. والصور التاليه اهداء خاص لمنوره الكويتيه لول ..











تابعوني


​

ووووواي عوار قلب صج منظر روعه على حزين على هدوء وسكينه عجييبه

انا حسيت لنكاوي سمتها الرئيسيه الهدوء والاسترخاء الريلاكسيشن هههههههه لوعت جبدج فيه


وترى كوخكم جنه كوخنا بالظبط نفس الفيو بس تدرين ماكو برايفسي يعني مانقدر نبطل الدرايش لان الكل يقدر يشوووفج وحلاة الكوخ مبطله درايشه وستايره عشان تشوفين البحر


انا قلتلج عن لنكاوي لاقون انه شوي يضيق الخلق لانه بعيد عن سنتر الجزييرة والاماكن الحيووية


اما الفور سيزن ايعقققققققققققققققققققققققققققققققققققققققققققد

عليكم بالف عاااافية

ومتابعتج للاخر يافنانة

 

[جنات الورد]

واااااااااااااااااااااي امووووووووووووووت على هالديره رحت لها 3 مرات وماعندي مانع اروح لــــها عشره وعشـــرين والــــف مره وااااااااااااااي اعشقها والله

وعلى فكره انا من عشااااق شـــرق اسيااا اموت فيهم وخاصه تايلـــند

 

[rawona]

عسا الله يسهلج .....

هالله هاللله بالصور ......

ناطرينج

هلا اشراقه .. شلونج؟؟ سوري على التأخير امس صارلنا فصل مزهبه الصور وكل شي جان تنقطع الكهربا!!!! على الريتز وماريوت يمكن بسبه المطر وماردت الا اليوم الصبح .. الحين انشالله انزل اخر صور بلنقكاوي..​

عليكم بالعافيه روونه

الغيم اللي بالصور يشووق

وان شاء الله بيتج بالجنه احلى من جذي

اميـــــــــــــــــــــن ... اجمعين يارب وكل المسلمين ​

ونااااااسه عليكم بالعافيه

انا مارحت لنقاوي..بس راح اتعرف عليها منج


:ggdw::ggdw:

انشالله تروحين لها ملكة وتروحين لكل ديره بخاطرج واللي احلى منها بعد ..​

راونا بعد عمري .. انا اقصد انه مي اختي راحت ماليزيا مااقصد انا مي هههههههههه
بعد عمري .. متابعين معاج ! .._03ba:

هلا اوركيدا .. عقدتوني لووول ... انشالله تروحين لدول احلى منها بعد .. سلمي على مي ​

ااالله شحلات التقرير
وليش ما رحتى رحلة نهر المانجروف بلنكاوي ؟؟
حسافه احلى شي
كملى كملى
ذكرتينا بما مضى

مشكلتي مو رايحه سياحه وماعندي وقت يوم واحد فقظ بلنقكاوي ويدوب كفى هالمشاويير .. اليايات اكثر انشالله ​

انا كذا مره رحتلها ماليزيا بس مايهم ماعجبني

وكلش ما يتقارن بالمالديف

انا شفت صور للمالديف روعه.. خاطري اروحلها وانشالله رحلتي اليايه لشرق اسيا راح تشمل باذن الله المالديف ..​

واااااااااااااااااااااي امووووووووووووووت على هالديره رحت لها 3 مرات وماعندي مانع اروح لــــها عشره وعشـــرين والــــف مره وااااااااااااااي اعشقها والله

وعلى فكره انا من عشااااق شـــرق اسيااا اموت فيهم وخاصه تايلـــند

انا بعد حبيت تايلند خاصه بوكيت وايد استمتعت فيها .. وانشالله يكتب لج روحات لكل الديار اللي تحبينها .. تابعيني ​

 

[rawona]

ووووواي عوار قلب صج منظر روعه على حزين على هدوء وسكينه عجييبه

انا حسيت لنكاوي سمتها الرئيسيه الهدوء والاسترخاء الريلاكسيشن هههههههه لوعت جبدج فيه


وترى كوخكم جنه كوخنا بالظبط نفس الفيو بس تدرين ماكو برايفسي يعني مانقدر نبطل الدرايش لان الكل يقدر يشوووفج وحلاة الكوخ مبطله درايشه وستايره عشان تشوفين البحر


انا قلتلج عن لنكاوي لاقون انه شوي يضيق الخلق لانه بعيد عن سنتر الجزييرة والاماكن الحيووية


اما الفور سيزن ايعقققققققققققققققققققققققققققققققققققققققققققد

عليكم بالف عاااافية

ومتابعتج للاخر يافنانة

من ناحية مافي برايفيسي فمافي.. انا قطيت حجابي وقعدت بالبلكونه يعني صج والا اشوف ناس مجبلين علي بالممر من بعيد "انحش" .. وعلى العموم كلها يوم اللي قعدته اهناك فمافرق معاي ..


بس صج هدوووووووووء ​

 

[rawona]

ماشاءلله الاكويريم اينن مادري ليش هالصوره ذكرتني بالخبز الايراني المحروق!

صج خيال هههههههههههه ..

التقرير كله روعه ودايما اقرى تقارير لكل الدول .. تقريرج من احلى او ارتب او اوضخ التقارير اللي قريتها ..
او صج حمستينا نروح ماليزيا .. جذي بو اسبوع 10 ايام .. في نص السنه ..
متابعين معاج راااااااونا

لووووووووووووول


شكلج يوعانه مالقيتي الا الخبز الايراني ؟؟ هيهيهيهي بس اتصدقين عاد صج يشبهه :eh_s(6):​

 

[rawona]

عقب ماخلصنا من ساحة النسر .. كان من المفروض نروح حديقة التماسيح بس انا كنسلتها لان مالي خلقهم وكان الجو مغيم وحبيت الحق على التلفريك قبل لا يطق مطر ..

فام السايق وودانا لحديقة الطيور والحياة البريه..

انا مصوره صور وايد بس باختارلكم الافضل ..

مدخل الحديقة ..








وهالطير كان باستقبالنا عند الباب ..






وهذا قاعد يستمتع بالاكل اللي قاعد نعطيه اياه ..





هالحيوان غريب نصه فار ونصه غزال اسمه mouse-deer




وهذا جبل من السلاحف ..




يتبع..
​

 

[rawona]

بط... بط... بط... بط...







يشوقوووووووووون..



الطاووس الابيض والاخضر ..






وهالطاووس النحيس كان نافش ريشه وشكله روعه ويوم ييت اصوره جان ينزل ريشه !!





cute bunnies




بنات منو تذكر واحنا اصغار كان في فيلم رعب ارانب بيض وعيونها حمر تهاجم الناس؟؟؟ لووووول




هذي "صخرة السعاده" وبصراحه في 3 صخرات كل وحده ترمز لشي بس انا ماصورت الا هذي..




وهذي اللوحه شارحه كل حرف او كلمه ومعناها ..




يتبع....




​

 

[rawona]

طبعا تمشينا بالحديقه ووكلنا الحيوانات والشواذي وعقب ماخلصنا طلعنا .. ورحنا مع السايق للشلالات..


خلانا عند المدخل .. دخلنا واهو نطرنا بره.





وهذي صور للشلالات مااقول الا سبحان الخالق..












هذيل شلة صبيان كانوا صاعدين فوق بالشلالات يغنون ويسبحون واهني مسوين جبل بشري بس للاسف ما صمد وياهم دقيقتين ..







العوايل متمركزة تحت ماتصعد مع اليهال فوق لقمة الشلال لان الطريج صعب عليهم شوي ..


هذا طريج النزله ..




شايفين "السياج الخشبي" على اطراف الدرج؟؟ انا كنت متسنده عليه علشان ما ازلق او انزل بسرعه واطيح وكان في "دودة قز" لطيفه قاعده تتمشى على حافة السياج الخشبي من فوق وحطيت ايدي بالغلط عليها لاني ماشفتها!!!!

والا احس بشي غريب وخرت ايدي بسرعه والا الاخت لازقه بيدي ومطلعه شوكها كله على اصابعيني وقعدت ابجي جني ياهل وطول الطريج وانا احاول اطلع الشوك من ايدي وللحين اعاني من اثار عدوانها علي مافكني الا مرهم بو اسد!!


يتبع..

​

 

[rawona]

اخر محطة بيومنا الطويل في لانقكاوي كانت التلفريك ...

وصج مثل ماقالوا ختامها مسك .. اخليكم مع الصور ..








المناظر من فوق..








المناظر فوق صج تحبس الانفاس ... روعه شويه عليها والاحساس اللي تحسين فيه وانتي تشوفين ابداع الخالق يعجز كل لسان عن وصفه..


منظر ثاني..




هذا المكان بالطرف اللي بمنا بالجبل ..




هاللوحه تبين شكثر ارتفاعنا عن سطح البحر ولاحظوا الغيم اشلون نازل..





وهذا من الصوب الثاني..





بصراحه وايد استمتعت بهالمكان .. وخذينا راحتنا بالتصوير وهم سوينا انا وريلي foot massage وكان الجو حلو شوية براااااااااد روعه ..

وبجذي خلص يومنا بلنقكاوي واللي تمنيت لو عندي يوم زياده علشان اروح الرحلات البحريه اللي فيها .. بس مثل ما يقولون اليايات اكثر انشالله ..

الحين بنرد الفندق لان باجر ورانا طياره الصبح تاخذنا لكوالالمبور .. استعدوا


​

 

[rawona]

بنات .. هالصور للمناظر الخارجيه لفندق langkawi lagoon hotel خذيناها بيوم سفرتنا لكوالالمبور ..



















انتهى الجزء الاول من رحلتي لماليزيا .. نطروني بالجزء الثاني بكوالالمبور بس راح انزله انشالله عقب ما اوصل الكويت لاني اليوم مسافره وراجعه الديره انشالله .. الله يهداهم الكويتيه مالقوا يطيرونا الا الساعه 3 الفجر!!! راح يكون يوم متعب وانشالله الله يسهل ..


اشوفكم على خير انشالله في كوالالمبور ..





​

 

[اشراقة الحياة]

:aha::aha::aha::aha:


تقرير عجيــــــــــــــــب واي مشاللله فظيعه المناظر

وي شفيني انا ما رضيت اروح لها .....

كملي تحتاجين وســـــــــــــــام على هالتقرير......:rerrerek::rerrerek::rerrerek::rerrerek:

 

[brettey]

روووووووووووعه
وناطرين تقريرج عن كوالالمبور