رحلتـــي الـى لنكــاوي+كوالالمبوور (بالصووور)...

[توتــه]

بسم الله الرحمن الرحيـمــ ...

بما اني اسفدت واااايد من هالمنتدى الحلو حبيت اوريكم صور سفرتي لماليزيا هالصيف
مدة الرحله 10 ايام 3 ايام جزيرة لنكاوي والباقي بالعاصمه ..
الاشخاص انا وزوجي , الطيران الامارات
الفنادق لنكاوي فندق بيلانجي بيتش ريزورت
كوالالمبور جي دبيليو ماريوت

.......

الحين نجي للصور .. الكاميرا كانون sx210 الذهبيه هذي صورتها:eh_s(15):

كانت الرحله طويله قزرتها عالافلام ..

هني بالطيارة المظيفه قالت لنا ان السفريات قايليلهم يقدمون لنا كيكة بمناسبه شهر العسل ههههه

وهني قربنا نوووصل .. والغيوووم شكلهااا يجنن والجو صاافي مشاءالله

بعد مانطرنا بمطار كوالالمبور ساعتين انطلقنااااا للنكااااااوي الجزيره الهاديييه والرومنسيه ..:eh_s(9):

وهذي لنكاوي ...

:nbptr:

بنات يتبع بليز لاحد يرد ..​

 

[Miss-Madry]

موفقهـ

خووش صووووووووووور

 

[توتــه]

بــاك نكمــــــــل ...

هني اول ماوصلنا المطاااااار مطارهم صغير وهادي يونس وهني كان الجووو فضيييع والهوا نظييف ومنعش

وهني مدخل الفندق .. كانت الساعه 7 ونص المغرب

وهذي غرفتنا .. سوبربيو مطله عالبحيرررره كانوا قايليلنا عالبحر بس طلع فل :bbbiu:

المغاسل

الميني بار

وطبعا كنا تعباااااااانين حدنا من الطيارة فتعشينا ونمنااااا ..

وهذي البااااستا ..

رايي بالفندق اهو هادي وحلوووو والمنظرر ررروعه بس عيبه الحشرررررات تخيلوا لقينا خفاش بالغرفه واحنا نايمين
ولقيت عنكبوت وسحليه بالحمام ومن زود الفخر بالغرفه حاطين بروشور فيه الحيوانات والحشرات اللي تتوقعون تلاقونها
يممممه وربي رعب الحمدلله انا ماطولنا فيه بس ليلتين لو مطولين اكثر يمكن نلقا شاذي :s141: ..

يتبع وبليز لاحد يرد ..:blueSmCLR:​

 

[عيون منوعه]

في إنتاظرج خيتووووووه

 

[يتيمة العقـد]

[=""]هذي السفرات والا بلاش .... الله يهنيكم ويسعدكم ويرزقكم من سفرة حلوة لأحلى ان شاء الله

وااااااي بنات فاحطة على ماليزيا يا بنات 5 سنين من راحت اختي وانا احاول اقنعه يقولي " يا بنت الحلال ظاهرها الرحمة وباطنها العذاب " كل محاولاتي باءت بالفشل واخر مرة عطاني ok بس قال : اوكي رضيت بس مو اللحين !!!!! "متعشمة بعطلة الربيع او الصيف والله لا يخيب ظني"[/color

 

[توتــه]

نكمـــــــل ... :eh_s(15):

وهذا اول صبااح لنا بنلكاوي ...

نزلنا نتمشى .. وكان الجوو خيااال هني رطب وماكان حر حيل مثل كوالالمبور كان ابرد شوي ...

هني بعد ماتريقنا رحنا نتمشى عالبحر ...

يتبـــع ...​

 

[توتــه]

بــاك نكمـــــــل ..:blueSmCLR:

صووور البحررررررر ياااي اشتقتله وربييييييي :eh_s(11):

وهني منظر الفندق من البحر ...

هالجزيرة اللي جدامنا شفتوا شصغرررها فيها بس فندق قالولي فخم حيل بس حسافه طافني

تعبنا من المشي وريحنا هني شوي ,.,,,

عرفتنا اللي فوق

وهذي الخريطة ..

اللي عجبني ان مافي مفاصيخ على الشاطئ بهالجزيرة واكثر اللي فيها سعودين كبل وامارتيين وشياب امريكيين يعيدون ايام شبابهم خخخ .,,,


يتبــع ..:blueSmCLR:​

 

[توتــه]

miss-madry : تسلمين ياحياتي ..

عيون منوعه : حيااج ياقلبي

يتيمة العقـد : يااارب يرزقج بالسفرره اللي مااااتوقعتيها وفوق الاحلام بعد .. وحياج يالغلا

 

[fona]

الحمدلله عالسلامه ومبروك الزواج
امبييييييي من صجج في سحلية وخفاش وعنكبوت لو انا مكانج ما اقعد ولا دقيقه يمه رايحه استجمام وراحه والا تصروع ورغب!!! انزين كل فنادقهم جذي؟؟؟

 

[توتــه]

نكمـــل ..:nbptr:

هني طلعنا الظهر متوجهين لعالم تحت الماء وكان حلوو بس مو مثل اللي بكوالا احلى بوايد ..

بعدها الى حديقة الفوااااكه روووووووعه روعه بس للأسف خلصت البطاريه وماصورت :eh_s(16):صورت جم صورة بس بالمدخل
والباقي بالموبايل .. والايفون كامرته مووو شئ ..

وشرايكم بالاحترافيه :eh_s(20):

بعدها الى نهر المانقرووووف وكانت الكاميرا طافيه بطلتها صورت هالصورة وطفت :eh_s(9):

بس كاااااان خيااااااااال واحلى مكااان زرته بلنكااااااااوي

وهني لما ردينا والا حاطين لنا سلة فواكه مثل اللي بالحديقه لوول

...يتبع ...​

 

[عذراء الدلع]

الف مبروك وبالتوفيق :aha:
صورج وايد حلوه والفندق هم حلو بس ش سوتي مع الحشرات و ما قلتي شسمه وبكم ختوه
لنكاوي يقولون أحلوت عن قبل يوم أروح لها ماكن فيها لاشلالات ولاشيء وننطر باقي التقرير لعلج تغيرين نظرتي فيها :wqedqw:

 

[توتــه]

نكمــل..

بعض من صورنا اليوم الاخير ..

بلكونتنا الحلووووووة ..

قبل مانودع لنكاوي رحنا بزيارة سريعه لنصب النسر لانق سكوير .. وهذي الصور ,,

طول الطريج خضااار وشجر واشياء تشووق

وهذا نسر لنكاوي اللي اسمها ماخذينه منه lang معناها النسر kawi معناها احمر او بني محروق
يعني النسر الاحمر وسبب هالاسم لان هالنوع من النسور تكثر فيها ,, وسلامتكم :weight_lift:

وهني بالمطااااار بنودع لنكاااااااااااوي :lkmnkl::lkmnkl:

جيكو عالمنظرررر ^^

مع السلااااامه يالنكاوي

وتابعووووني مع المحطه الثانيه كوالالمبووووور ...​

 

[توتــه]

هلا اختي عذراء حياج الله ياقلبي

الفندق اسمه بيلانجي بيتش ليلته اتوقع 86 دينار واللي عالبحر اغلى
الحشرااات طال عمرررج العنكبوت طقيته بالنعال كرمكم الله والسحليه انحاشت هههه
اما الخفاااااش اللي سوالنا سالفه كنا نايمين بالليل وقعدت فجأه والا اشوفه يحووووووم فوق روسنا
اتصلنا عليهم وجانا واحد معاه شبكه بس ماصاده لان انحاااااش مالقيناه وقالنا انه موخطر ولايسوي شئ
مو كانوا قايليلنا انه مصاص الدمااء خخخ ومسوين منه وحش

 

[nono93]

وااااااااااو
رووووووووووووووووووووووووعه
ماشاللهل

يلا كملي حبي ننطرج

 

[توتــه]

فونا ياحبيبتي تسلمين .. انا متزوجه صارلي سنتين الا شوي بس هم اسألونا شهر عسل قلنا ايه ماعندنا مانع هههه ...
بصراحه قالولي ان كل فنادق لنكاوي فيها حشرات لانها نظام اكواخ والمنطقه استوائيه بس حشراتهم ماتأذي وهذا 5 نجوم وجذي 3 و4 شلون

الحنووونه ثاانكيوو ياقلبي وحياج ربي ..

 

[توتــه]

نكمـــل ..

وصلنا كوالالمبور ..

فندقنا جي دبليو ماريوت الفندق كلمة روووعه شويه علي هااادي وراقي ومرررررييح وموقعه حلو بشارع العرب
والاحلى كله كويتيين هههههه .. :wqedqw: ..ريحنا شوي بعدين رحنا تمشينا بالبافليون هالمجمع مجابل فندقنا على قولة التاكسي هالمجمع يملكة كويتي غني هههههههه ... اهو غني وبس لا اله الاالله ..

وهذي صور الفندق,,

وهالباقه عطونياها او ماوصلنا بمناسبه شهر العسل

الميني بار

والحمام

وهني تلفزيونهم فيه اغلب القنوات الخليجيه حتى الكويت هههه ماعمري حطيت عليها هني بس هناك صرت اشوفها مادري ليش خخخ

وهذا الفيو ..

يتبع ... :eh_s(7):​

 

[Smarties]

لووووووول نفس الفندق اللي قعدنا فيه بلنكاوي
احنا قعدنا 3 ليالي ما قدرت انام من الخووووف لان بأول ليلة
شفت عالفراش وانتي بكرامه وصخ ... من حيوان بس مادري شنو الحيوان
ولا ادري من وين هالوصخ ينقط علينا
وانا و اختي نايمين بالفراش و مغطين كل جسمنا و مو مخلين إلا فتحه صغيرة نتنفس فيها لووووول

بس صج خوش فندق

 

[توتــه]

نكمـــل

هذا البافليون

وهني من داخل

وهذا مطعم سبايس اوف انديا لذييييييييييذ اكلهم اي وحدة تروح ماليزيا لازم تاااكل فيه ..

وهني المحلات اللي بررا

هالمجمع كله ماركات


وهالمجمع تحت فندقنا اسمه ستار هيل هم غالي وكله ماركاات

وهذا فندقنا الحلو :fun22:

لويس فويتون

وهالكافيه بستار هيل تحت فندقنا

هني طلبت قهوة فرنسيه بس قالتلي فيها كحول قلت عيل شنو مافي كحول قالت بس كبتشينو قلت يله اهم شئ كوفي ,.,,


يتبع مع صور من شااارع العرب ..​

 

[كسرة عود]

رد : رحلتـــي الـى لنكــاوي+كوالالمبوور (بالصووور)...

روووووووووووعة التصوير

ماشالله الله يهنيييييييج

 

[الدلـــع كله]

ماشاءالله الله يهنيج حبيبتي