رحلتنا الرائعه الى استراليا(سدني-مالبورن-جولد كوست)---بالصور

[سمسميه]

مشكورين بنات اسعدني متابعتكم

اموني
مشكوره يا قلبي وابيشري جولدكوست يايه بالطريج

استغفرالله
ليش؟ غريبه!!!

شيهانه
اي حدهم جنهم اوراق لعبه!

ناريناه
الله يعافيج

زيونه
اي والله كلش مو خوش سالفه!!
واكيد الواحد يتعلم ضروووووووووووووري الواحد يريح جم يوم بالترانزيت

 

[سمسميه]

الرحله الى جولدكوست
توجهنا للمطار الظهر على طيران داخلي"جت ستار" وزنا جناطنا ولا يطلع عندنا وزن!!!
لووووووووووول من اولها وزن
ب الجت ستار حدهم نحيسين ما طوفوا لنا ولا كيلو واضطرينا ندفع :eh_s(1):
المهم خل اقول لكم عن مطاراتهم تونس بس صغيره مو مثل مطار دبي او ماليزيا كبيره وفيها سوق
لا يعني المحلات الي فيها شويه واغلبها محلات تبيع سوفنير
وتوهم مستانسين ب كريسبي كريم صار له شهرين فاتح عندهم ويانين عليه طوابير

المهم صعدنا الطياره وكانت مدة الرحله حول الساعتين تقريبا واليكم هاللقطات من نافذة الطياره



وهذي صوره ثانيه



اول ما وصلنا لاحظنا ان الجو مو بارد دافي شويه!
وعلى طول خذينا تاكسي لي الاوتيل
على فكره نظام التكاسي هناك عندهم حلو --وين ما كنتوا اتدقون على رقم موحد وتعطونهم عنوانكم دقيقتين ولا التكسي عندكم

المهم وصلنا الاوتيل(شقق فندقيه) "Q1 resort"الصراحه حده يهبل ويشرح القلب ,ويعتبر اعلى مبنى في استراليا شوفوا هاللقطات من الاوتيل

هذا ركن من اللوبي



وهني الشقه من داخل

هذا المطبخ



وهذي الماستر روم



لاحظوا السهم الاحمر!!
هذي دريشه زجاج دايركت على التواليت!!
يعني فضيحه الي يقعد بغرفة النوم يشوف كل شي من التواليت!!:eh_s(1):
بس اشوه اكو ستاره:dddds:

وهذي زاويه من التواليت



يتبع---

 

[سمسميه]

الاوتيل مكانه وايد حلو وكل شي يمنا ينراح له مشي وايد عجبني الاوتيل
شوفوا الفيو الي تطل عليه غرفتنا



وهني من زاويه ثانيه



ملاحظاتي على جولد كوست لاحظت ان وايد فيها عرب وخليجيين يعني بالضبط جني قاعده باوتيل بمصر!!:dddds:
ولويه يعني ياهال وخدم!!
يعني اكو شارع يمنا كل مطاعم وسوق صغير بمنطقة "surfarce peridise" بالليل يصير جنه الهايدبارك كله خليجيين وعبي واكو ناس يطبخون عشاهم واييبونه!!:dddds:
والله العظيم --لا ويعطون منه المهرج الي يبيع البالونات طايح بريبيع كل يوم عشا غير!!
مو مثل سدني ومالبورن طبعا هالشي لان جولد كوست اهيا الي فيها الالعاب والملاهي والفن كله فيها مثل ماراح تشوفون بالصور
يتبع---

 

[سمسميه]

طبعا من اول يوم احنا يايين متشوقين حق ال movie world اول رحله لنا كانت هناك اخليكم مع الصور

هذي صور التذاكر حجزناهم عن طريق الاوتيل واستلمناهم من شباك الموفي وورلد



وهذي صورة البوابيه



من اول ما دشينا الصراحه انبهرنا من حلاة المكان
العاب اتينن ترتيب عجيب وفناتق وشخصيات يعني شغل عدل

هذي صوره للممر الرئيسي الي تصير فيه العروض



طبعا في صور اكثر بناتي صوروا مع تويتي وشريك و كات وومن وباتمان وباغز بني و و و
الصراحه الالعاب اتينن وفيها فناتق ما طلعنا منها الا الساعه 5 وهو موعد اقفال ابوابها وكان يوم حده عجيب

يتبع--

 

[هوى الدار]

ماشالله

تهبل الصور وعليكم بالعافيه وناطرين الباجي

 

[زيـنـه]

ذكرتينا باستراليا .. يا حلوها .. و غولد كوست معروفه بكثرة العرب و الخليجيين .. كملي سمسم

 

[LawYeR NaNo]

الله ونـــــاســـــه

عليكم بالعافيه

 

[سمسميه]

قسمنا جدولنا بالجولد كوست الي قعدنا فيها اسبوع او 8 ايام تقريبا ان يكون يوم لعب ووناسه ويوم سوق في احد مجمعاتهم
الصور الي بحطها لكم الحين من النت لاني بصراحه ما صورت بالسوق
المجمعات الي رحنا لها
australia fair

هذا كبير ويعتبر من اقدم المجمعات عندهم حلو اغلب المحلات موجوده فيه


Robina Town Centre

هذا بعد حلو بس حاليا فيه تصليحات مسددينه شويه

Pacific Fair

هذا احلى واحد استانسنا عليه حتى استايله حلو المحلات برا وداخل

runway village
هذا صغير بس هم حلو
ان شاءالله يكون السبيلنغ صحيح

يعني سوقهم ما شي حاله مو واو من اشهر المحلات الي شفناها متكرره باكثر من مول
target

big w

k mart

mayer
هذا حلو وفه ماركات بعد

كنا نطلع من الاوتيل لي الساعه 5 بعدين نرجع نريح ونتغدى وبالليل نرجع نطلع مره ثانيه مشي حق المنطقه الي حوالينا فيها محلات ومطاعم نقعد فيها لي ال 10 ونرجع انام على طول من التعب:eh_s(1):
وطبعا الصلوات كنا نصلي جمع تقصير الظهر والعصر بعدين المغرب والعشاء اكو اماكن فيها مصلى للمسلمين وساعات ندور لنا ركن هادي نصلي فيه
وبالنسبه للاكل الصراحه مو لذيذ واحنا بعد كنا نتجنب الايدام علشان سالفة الحلال وعلى اخر الايام طحنا على مطعم ستغافوري يبيع عيش ونودلز طحنا فيه_03BA:

والحين بحط لكم باجي الرحلات الي رحناهم بالترتيب

يتبع---

 

[سمسميه]

ياحلوكم مشكورين على المتابعه

بس تعبت الحين اكمل لكم قريبا ان شاءالله
بقوم ازهب الغدا

انتظروني

 

[keeka]

شغل عدل شوقتيني على استراليا انزين دربها بعيد وايد ويملل ؟؟ ولا شلون خصوصا وياج يهال

 

[أمواج البحر]

ما شاء الله تبارك الرحمن

عليكم بالف عافيه

تشوق الصور ... وضحكتني سالفة الغرفه على الحمام حد الفضيحه هههههههههههههه

عاد تصدقين فكرت فيها هالسنه بس هونت سبة الطريج!!

متاااااابعييين

 

[سمسميه]

شكرا للتثبيت

كيكه
والله الطريج حبيل طويل الافضل تريحون يومين بالترانزيت واحنا سفرتنا صارت ليل نومت الياهال بس اكيد لابد من اللويه

امواج
اشوه ان اكو ستاره يا معوده

 

[سمسميه]

شغلات حلوه نسيت لا احط لكم اياها برحلة الموفي وورلد

شوفوا حتى الكلينكس الي يتوزع بالمطاعم الي هناك على شعار الموفي وورلد



وهني عندهم فنتق مو طبيعي
تصورون وانتوا لابسين هالقطعه الخضرا بعدين يركبون الراس على جسم ثاني ويسوون فيديو كليب
روووووووووووووووووووووووووعه يموت من الضحك!!



يتبع---

 

[dalprincess]

وااي تهبل استراليا خوش تقرير متاااابعينج

 

[سمسميه]

الرحله الى sea world

طبعا نفس الطريقه حجزنا بالاوتيل ورحنا استلمنا التذاكر من الباب للسي وورلد
اول ما دخلنا صعدنا هالتلفريك علشان نشوف معالم المكان



وبعدين نزلنا وقمنا نتمشى على ريولنا ونشوف المكان
طبعا المكان كله عن الاحياء المائيه مثل الدلفين ونجم البحر واللخمه والقرش و و و
شوفوا الدلفين والماي اشلون صافي



وهني صوره اقرب



وبعدين رحنا لمدينة الالعاب الي داخل السي وورلد وكان الثيم مالها syseme street



استانسنا فيها وشرينا خرابيط وتيشيرتات على شخصيات السيسيمي ستريت
وما طلعنا منها الا وهي تسكر ابوابها الساعه 5

يتبع---

 

[سمسميه]

الرحله الى infinity

هذي لعبه اتينن حدها فن ووناسه رحنا لها بالليل لان مكانها يمنا رحنا لها مشي

طريقتها يعطونكم قفازات وجوارب بيض تلبسونهم وتدشون مكان ظلام بس فيه اضاءه ليزر ما تشوفون الا الليزر وانعكاس الليتات على القفازات والجوارب

والارضيه مره تصير جام!
ومره تصير مثل النقازيه!
ومره الجدران مرايا! ومره اشياء منتفخه تفقص!
واشياء مدندله من السقف مثل المطاط!!

يعني حدها تونس وفن اشياء غربه واخر شي يصورونكم صوره تذكاريه لان ممنوع التصوير بالكاميرات الشخصيه داخل نفس هالصوره

يتبع---

 

[سمسميه]

الرحله الى دريم وورلد dream world

ايضا هذي ما اشهر الملاهي الي عندهم بس انا اعطيها تقييم 8 من 10 الي شفناهم قبل احلى منها لكن هم استانسنا فيها وشفنا فيها اشياء غريبه وحلوه

هني رحنا شفنا جزية النمور وصورنا هالنمر الابيض سبحان الله



وبعدين شفنا بيت الbig brother
الي صوروا فيه النسخه الاستراليه

وبعدين رحنا عالم ال nickilodion
وهذا عاد كيفوا فيه الياهال كله العاب وملاهي ونطاطيات وهالسوالف
وصوروا فيه مع شخصية السفنجه وربعها



وشرينا بعد تيشيرتات وكبابيس ومداليات على شخصياتهم

هذا الطاووس كان قاعد يتمشى معانا طالعوا اشحلاته سبحان الله



ومثل كل مره طلعنا منها على الساعه 5
يتبع---

 

[سمسميه]

الرحله الى كافيه minus 5 المثلج

هذا الكافيه درجة الحراره فيه -5 برررررررررررررررررررررررررد

قبل ما اتدشون يعطونكم جاكيتات وقفازات وجواتي لان داخل وايد برد ويعطونكم جهاز بيجر يرن لما تكملون نص ساعه داخل علشان تطلعون

يقدمون لكم داخل منيو تختارون شنو تشربون طبعا الاختيارات الغير كحوليه شويه فاخترنا عصير الاناناس والبرتقال
ولازم نشربه بسرعه قبل ما يتحول ثلج!!!!!!:dddds:

من داخل كلشي مصنوع من الثلج الطاولات والكراسي والقلاصات كل شي مثلج!

وقبل لا تطلعون يصورون صوره تذكاريه نفس هذي لان الكاميرات الشخصيه ممنوعه داخل

يتبع---

 

[fona]

وااااو عجيبه استراليا

وايد حبيت جولد كوست من تقريرج

 

[سمسميه]

برينسيس و فونا
اسعدني مروركم شكرا