رحلتنا الرائعه الى استراليا(سدني-مالبورن-جولد كوست)---بالصور

[سمسميه]

الي لاحظته على اهل البلد انهم وايد مضيافين ويرحبون بالسواح وبنفس الوقت حيل حيل نظاميين ومرتبين
البلد وايد وايد نظيفه وما شفت ولا قطو بالشارع
بس الي تشوفونه ومنتشر بكل مكان خصوصا المناطق القريبه من الشاطىء هذا الطير



عاد ايي مندفع يجبل على الويه!! يخوف
واكو طير ثاني بعد اكبر منه اسمه ibis عاد هذا صج يخوف وما يغشمر عادي يطب على الطاوله ويبوق الاكل!
مسكينه حماتي طب عندها وخطف بيتزتها! لووووووووووووول:dddds:

في عندهم رحله برمائيه شكلها حلوه بس الصراحه ما مدانا نروح لها وهي عبارره عن باص يمششي على اليابسه ويدش بالماي !!

صورت لكم اياه لما شفته بالشارع




يتبع---

 

[سمسميه]

الرحله الى tropical fruit world عالم الفواكه

هذي شويه بعيده وتاخذ ساعة زمن بالتاكسي وهي عباره عن مزرعه كبيره فيها جميع انواع الاشجار والثمار شي يشووووق

وعند كل شجره كاتبين يما منشاها ومعلومات عنها

اول ما دشينا تمشينا بين النباتات وبحط لكم بعض اللقطات من ركن الصبار



وهذي لقطه ثانيه



وهذي شكلها عجبني سبحان الله



بعدين رحنا كوخ صغير يسوون فيه الفروت شو حده عجيب

طاوله عليها بعض انواع الفواكه الي تنزرع بالمزرعه مقصصه بطريقه حلوه واكو واحد يشرح عن فوايد كل نوع فيهم وطريقة اكله
واخر شي يخلونا نتذوق مالذ وطاب_03BA:
وطبعا الفاكهه فريش وحدها لذيذه
شوفوا الفراوله



وبعد عندهم بيع لمنتجاتهم مثل المربى و بعض الصلصات وبعض الكريمات وكلها مصنوعه من الفواكه الطبيعيه

بعدين خذونا بجوله في تراكتر كبير يورونا معالم المزرعه ونزولنا قطعنا شويه تمار جنها كرز بس ما مداني اقطع !!

بعدين ودونا لمركب خذانا بجوله في البحيره وعطونا خبز نوكل البط

واليكم هاللقطات





بعدين نزلونا عند حظيره فيها بقر وحصن ويبعون اكل لهم وكلوهم الياهال واستانسوا



واخر شي ودونا لقطار صغير يضحك جنه حق اطفال الروضه وخذينا فيه جوله

واخر شي ردونا لنقطة البدايه ومشينا منها بحدود الساعه 3 تقريبا


تم بحمدالله انتهاء التقرير:tek:

 

[سمسميه]

اتمنى ان يكون التقرير عجبكم واي سؤال انا حاضره:tek::tek:

 

[عيمية^والقلب^كندري]

ماشالله اينن عليج بالعافية واحنا فكرنا نروح بس انا حييل اخاف من الطيارة فماحب المسافة الطويلة جذي بس بعد يعني نطير لسويسرا 8 ساعات واحس بموت بس رحلة استراليا اتعب وااايد
بس ماشاله تقريرج يشوق ةفعلا تقرير مفيد انا شخصيا استمتعت واستفدت تسلمين يالغالية وموفقة:tek:

 

[amoni]

الصراحة يعطيك العافية ياسمسومه على مجهودك الرائع

 

[مس فيراري]

ماشالله خوش رحله عليج بالعافيه

 

[زيـنـه]

ما شاء الله سمسم خووووش تقرير و خوووش سفره

عليكم بالف عافيه .. و استراليا ونيسه للكبار و اليهال

 

[سمسميه]

حياكم الله بنات

ام مهدي تقدرين تريحين يومين بالبلد الي تطبون فيها ترانزيت فيخف عليجتعب السفر لان الصراحه الديره تستاهل

اموني
بعد قلبي وانا شرفني مرورج

مس فراري
مشكوره

 

[سمسميه]

زيونه

مشكوره على المتابعه وصدقتي الديره ونيسه وصج تصلح للعب والوناسه

 

[حبي كويتي]

خاطري باستراليا حيل تشوق ..

اذا ممكن تقولين لنا تقريبا كم كلفتج ؟

 

[.]

الحمدالله ع سلامه سم سم..

ماشاءالله التقرير وايد حلو..

واكثر شي عجبني الرحل وخاصة لمدينه الالعاب وخصوصا خخ انه فيه اسبونج بوب..

مشكووره..

 

[سمسميه]

حبي كويتي
والله حبيبتي ما ادري جم بالضبط بس مبلغ وقدره خخخخخخخخ

رونه
والله طريتي على بالي اول ما شفتها !!عاد بناتي يسمونها الجبنه!!
يقولون شكلها نفس الجبنه
خخخخخخخ

 

[نورالاحساء]

يعطيك
العافيه
صور روعه
ووناسه

سلمت يداك

 

[رفرف]

ماشالله رووووعة سمسم رحلتج اتشوووق الحمدلله على سلامتكم وعليكم بالعافية ..
وانشالله تعيدونها كل سنة

انا متشوقة اروح لها العام اهلي راحو ووايد استانسو بس مترددة علشان اليهال .. والدرب طويييل ..
الا جان اروح لها بدونهم بس حرام شكلها يونس حق يهال ..

 

[سمسميه]

نور
حياج الله

رفرف
خخخخخخخخخ تعقدتي من الياهال"
لا بيس صج الديره تصلح للياهال ان شاءالله على السنه اليايه الا بنتج اكبر وتصير احن بالسفر
ومثل ما قلت ريحوا بالترانزيت يومين وبعدين كملوا الرحله

 

[دانه الهيرات]

ماشالله عليج بالعافيه

 

[بتبوتااا]

وااااااااو حده وناسه سمسومه ياقلبي خوش تقرير عيشتيني الجو معاج حبيبتي اهم شي انكم استانستوو وغيرتو جو ضحكت على الكوالا هههههههههههه صج جنه ريال كويتي ههههههههههههههههه والثلج ياربي منظره سبحان الله عجيب حيييل الصور واضحه واللقطات حلوه وانتي احلى طبعاا ومشكوره على النقل ياقلبي

 

[dalprincess]

خوووووووش تقريييييييييييير ونااسه عشنا الجور وانشالله نروووح استراليا صج بخاطري اروحها بس طريجها :/ انا 8 ساعات واحس بالغصب يطوفون

 

[سمسميه]

دانه
مشكوره

بتبوتا
حبيبتي مشكوره

برينسيس
تسوى الدرب والله خوش ديره

 

[القبله]

ما شاء الله خوش تقرير

الحمدلله على سلامتكم