(( رحلتي إلى لندن ، مانشستر ،برمنغهام ، برايتون ، بلاك بول تاريخ 24/6/2012

[وحدة من الناس *]

:stars::eh_s(17): :eh_s(17): :eh_s(17)::stars:​

السلام عليكم ورحمة الله وبركاته​

اعرفكم بنفسي :wqedqw: وحدة من الناس عمري 20 سنه​

حبيت احط لكم هالتقرير عن رحلتي لبريطانيا بتاريخ 24/6/2012 :eh_s(7):​

عدد الافراد 5 اشخاص​

انا وأخواني​

وأختي العودة وريلها​

عني انا واخواني كلفنا 5:800 آلاف دينار يتضمن التذاكر والفندق والمصرف مع الرحل والمشتريات :jbdwjbd:​

والمناطق اللي تم زيارتها اهي : لندن ، مانشستر ، بلاك بول ، برمنغهام ، برايتون ، لندن ​

مدة الرحلة 20 يوم ​

في البدايه حجزنا كان على خطوط القطري للطيران​

​

الريوق
​

والفندق مونتاكلم موقعه على بعد خطوتين مشي لشارع اكسفورد :eh_s(15):​

​

الطيران كان بتاريخ 23/6 ليلا من الكويت الى قطر واستغرق زمن الرحلة 55 دقيقة ​

وقعدنا ترانزيت حوالي ساعه ونص​

بعد 6 ساعات وصلنا لندن وهذي الصورة وانا يم الدريشة :rerrerek:​

​

وصلنا مطار هيثرو​

​

أول ما وصلنا كان لقاعة الاجراءات​

​

و قبل ما تدخلون على الطابور اخذو اوراق تعبئة لازم حق السواح​

​

عاد وانتو ماشين بالطابور عبوها​

طبعا الاسئلة اللي اسألوها بتخريج الجوازات​

كم عدد الافراد؟
مدة الرحلة ؟
سبب الزياره ؟​

عقبها خذينا جناطنا وركبنا التاكسي وعلى طول للفندق​

​

الصوره تتكلم عن الجو ،، الجو كان اول يوم جو حلووو وفيه هوا بارد مع شمس خفيفه​

:eh_s(7):​

 

[محبه الهآشمي]

حلوو التقرير .. بانتظار التكمله ..

 

[رزمة اوجاع]

يا حلو لندن<3 بانتظارج حبيبتي

 

[مشتطـه]

up up up

لاتطولين علينا

 

[نياره]

حمد الله علي سلامتكم
متابعه

 

[لندنية]

عليج بالعافيه حبيبتي
نبي تكمله للتقرير

 

[وحدة من الناس *]

الله يعافيكم ويسلمكم يارب

وجاري تكملة التقرير ​

 

[باوند]

Up Up

 

[وحدة من الناس *]

مثل ما قلت لكم فندقنا كان مونتكالم 5 نجوم​

​

خذينا غرفه ثلاثية لمدة 3 ليالي فقط 420 دينار تقريبا​

​

كان حجزنا عن طريق النت موقع بوكينق​

عقب ما وصلنا الفندق ودخلنا الغرف ريحنا شوي وحطينا راسنا ونمنا​

قعدنا على الساعه 12 الظهر بتوقيت لندن​

كنا يواعه بصراحه لان ما كنا نحب اكل الطياره​

فبما ان شارع اجورد رود يمنا​

​

قررنا نروح مطعم اسمه الزعفران يم بقاله الوادي الاخضر بلفة مطعم مروش​

​

وايد امدحوووه ووصلوه السما بس اكله اقل من عادي​

​

​

عقبها رحنا بقاله وكان اللي يبيع فيها واحد عراقي​

المهم عطانا بطاقه حق 3G فقط يعني مكالمات لا بـ 20 باوند لمدة شهر​

​

وبصراحه كانت قويه يعني شغلنا فيديوهات ونت ويوتيوب وصور ولما رجعنا وما اخلصت​

وكان قوي السيرفر مالها ما عدا بفندقنا الثاني:rgewrg: لما رجعنا لندن مره ثانيه وماني عارفه السبب​

بعد ما تغدينا قررنا نروح شارع اكسفورد نتمشى بس نتطمش ما نشتري ​

​

كانت الملابس عاديه ما شفت زود وكنا نشوف بالفترينه قعدنا لين الساعه 6 ورجعنا الفندق​

​

حسينا نفسنا للحين تعابه من الطيارة​

ثاني يوم دخلنا الاندرقراوند وعلشان ندخل الاندرقراوند لازم تكون معانا بطاقه الايوستر ​

​

وطبعا من خلالها نقدر ندخل فيها الباص الاحمر​

كنا بنروح محطه ماريبولن عشان نروح قريه بيستر فيلج للاوت لت​

​

فضلنا نروح هالمكان قبل ما تصير الزحمة واللويه​

طبعا محطتنا اهي ماربل ارتش تلقونها بشارع اكسفورد قريبه من مطعم كنتاكي​

وعشان نوصل لمحطة ماري بولن لازم ناخذ الخط الاحمر من ماربل ارتش الى اكسفورد سيركس​

وعقب ما ننزل لاكسفورد سيركس ناخذ الخط البني اسمه باركيلو ولما ناخذه نشوف الاسهم والعناوين ونقرا اسم المحطه ماريبولن​

في ناس تفضل تروح بباص بس بالنسبه لي الاندرقراوند اسهل واسرع ومافيه زحمه وايد​

عاد اهناك لما نوصل المحطة تروحون كونتر التذاكر وتقولون بنروح بيستر فيلج روحه ورده نفس اليوم مع الباص ​

​

عاد سعر التذكره 18 باوند للكبير​

​

تطالعين الشاشه تشوفين اي بوابه توصل لبيستر نورث اسم المحطة​

​

وتركبين القطار لمدة 55 دقيقه ساعات يطول اكثر من جذي​

المهم من تسمعون نداء بيستر نورث تنزلون على طول​

ولازم تكونون سريعين لان القطار يوقف بكذا مكان​

ووصلنا بيستر فيلج​

​

وشفنا اغراض تسوى وفي لا عن نفسي اكثر شي عجبني اهناك لارف لوران وفالنتينو و توري بورش وشريت منهم وكان فيه مايكل كورس بس مو اوت لت منزل بضاعته اليديده حتى والله ماركه فيرساتشي كانو منزلين شغلات حلوة
​

وقعدنا اهناك من 10 الصبح لين 6 المغرب ووايد طق مطر اهناك فنصيحه تاخذون معاكم اجياسه احتياط لان من المطر الاجياس من تحت تشققت غير جذي المظلات ضروريه​

رجعنا عقبها لندن تغدينا بمطعم مروش هم بأجورد رود وانصح فيه اكله لذيذ​

 

[هناء - Hana]

واااااااااااو عجيييييب روووووووووعه تسلم أيدج لنننننننندن عجييييييييييبه الحمداللللللله عالسلامه

 

[لندنية]

تقرير حلوووو وايد وبالتفاصيل عليج بالعافية
مطعم مروش حلوو وعندهم اكثر من فرع بعد ... بس استغربت من بطاقة التلفون شلون 20 باوند بدون مكالمات

نصيحتي لاي وحده بتسافر تاخذ سم كارت الموبايل من الشركة نفسها لاتاخذونها من العرب

 

[وحدة من الناس *]

مشكورة هناء الله يسلمج وصج لندن ما تتطوف حتي لو كان صيف و زحمه

بعد ما شفتو شي لندنيه هذي المقدمات بس لووول اهوا يصير مكالمات بس راح تخلص البطاقة بسرعه مالت النت

لان قال الدقيقه بباوند

 

[-فلانة-]

ذكرتيني باللي مضى
كنت أدرس في بريطانيا..
عليكم بالعافية حبيبتي والحمدلله على سلامتكم..​

 

[حبيت طيفه]

مشكوره علي التقرير الحلو وسجليني من المتابعين وحاولي تخلصين التقرير قبل العيد عشان استفيد من المعلومات الحلوه ناطره السفره علي نار 

 

[q8helwa]

وناسه تهبل لندن
وانشالله ناويه اروح لها

 

[وحدة من الناس *]

الله يعافيكم و مشكورين عالمتابعه كل ما القى تشجيع راح اكمل

وأي استفسار أنا حاضر

 

[وحدة من الناس *]

بتاريخ 26/6/2012 قررنا نروح هارودز لان كان مسوي تنزيلات 50%



بس ما كنت حاطه ببالي اشتري ماركات منهم لاني مخلص نص فلوسي ببيستر فيلج

فقلت اشتري من سلفردج احسن بعدين

المهم عشان نروح هارودز اسم المنطقه الموجود فيها knightsbridge

وعلشان نروح هالمنطقه لازم تكون عندنا هالبطاقه وهي حق الباصات الحمر والاندرقراوند



ومثل ما قلت لكم ما احب اتعامل مع الباصات الحمر

وبما اني قاعده اسوي ريجيم فأفضل الاندرقراوند بس ترا متعب الطريج شوي

اقرب محطه حق فندقنا اهي ماربل ارتش ،، فمن ماربل ارتش الى بوند ستريت ناخذ الخط الاحمر اسمه سنترال

عقبها ناخذ الخط الرمادي اسمه جوبلي من باوند ستريت الى غرين بارك

عقبها ناخذ الخط الازرق الغامج اسمه بيكادلي فمن غرين بارك الى نايتسبيرج

يعني نبدل خطوط 3 مرات عشان بس نوصل هارودز اكيد بالباصات اسهل بس احب الاندرقراوند ومو عارفه السر :eh_s(10):

وصلنا هارودز واهم شي ركن هارودز الخاص الموجود بالدور الثاني











وكان هذي مشترياتي منه







كلينا من كافيه حلووو لذيذ ناسيه اسمه بس بالركن الموجود فيه لادوريه




قبل ما نطلع سوينا التاكس فري الموجود بنفس الدور مكان هارودز اوين


طلعنا من هارودز كلينا بمطعم الارز كان جباله حلو ورخيص

رجعنا للماربل ارتش وتمشينا بشارع اكسفورد ووصلنا لمحل اسمه Superdrug
​

وايد عجيب ميك اب عندهم ورخيص

طبعا ما خذيت من الماركات الموجوده عندنا

خذيت الماركات اللي مو موجوده الا بلندن

مثل هذا



و هذا



وطبعا هذا باستشارة اللي يشتغلون اهناك

وصج عاد قلمهم اسود غامج

رجعنا فندقنا انعدل اغراضنا وجناطنا لان بنروح باجر مانشستر ​

 

[محبه الهآشمي]

ماشاء الله مكفيه و موفيه بالتقرير ..

متابعتنج ^^

 

[كويتيه cool]

ما شاء الله خوش تقرير احب التقارير اللي فيها تفاصيل

ونفس كفري من هارودز لوووول

عليكم بالعافيه والحمدالله على السلامه

ناطره تقريرج عن مانشستر

 

[KOKO_284I]

عليج بالعافيه