رحلتي القصيره..إلى بلاد الطبيعه ..ماليزيا الساحره

[خيال احساس]

بسم الله الرحمن الرحيم ...
في البدايه ..حبيت اسلم على كل أعضاء هالمنتدى الغالي على ألبي
لي معاكم سنتين متابعه بصمت ..
استفدت منكم كثير..وصرتم جزء من حياتي..واخيرا تغلبت على عجزي وكتبت موضوعي المتواضع
حبيت اشارككم تجربتي في اول سفره لي لشرق آسيا
وخاصة ...
(ماليزيا الساحره )​

الطبيعه ..الخضره ..الابداع الالهي ...شيء مالم نراه عندنا بالخليج ..سحرتني بخضرتها وجمالها
من بعد البر والطعووس ..:eh_s(11):​

بداية الفكره..​

كنت مره مضغوطه بالدوام ..وحبيت اطلع من جو العمل والتعب
إلى مكان ..امد عيني فيه ومااشوف إلى خضار وطبيعه ​

وكانت عندنا اجازه لمدة عشر ايام ​

فستعرضت في بالي وين اروح....اوربا كانت مستبعده بحكم الثلوج اولا وثانيا انها اول سفره لي بعيده عن دول الخليج ...
وماليزيا تجمع بين كل خياراتي
دوله مسلمه /أمان /سياحيه بالدرجة الاولى/اهلها يحبون العرب ومتواضعين والأهم حقت شووووووبييييينق:eh_s(15)::jbdwjbd:
فكان اختيارموفق ولله الحمد:ggdw:​

تجهيز السفر​

كان قبل السفر باسبوع .. جهزت
شنطتي ..ماكثرت فيها ملابس ترينقين .. وعبايتين والباقي ملابس للنوم ..وميك اب خفيف وكريمات ..وشوية شموع وورد حق السهره مع بيبي :nbvppw:
شنطة الثانيه ..كانت لزوجي مع وليدي..ماحاولت اكثر لهم ملابس بعد ماخذه احتياط الشوبينق
جهزت الشنط ثنتينهم كانت 13 كيلو
وطبعت حجوزات الفنادق ..وتداكر الطيران والجوازات كلها كانت بشنطة ايدي :eh_s(17):
ونصيحه الافضل انكم تربطون شرايط على شناطكم منعا للخبطه وحوسة الشنط بالمطار :eh_s(4):​

سفرتنا كانت على متن الخطوط القطريه

​

يوم الاربعاء بتاريخ ..16/1/2013
رحلتنا كانت الساعه 11 المساء
من البحرين إلى قطر
ومن قطر إلى كوالا لمبور

كانت التداكر ب 2400للكبار
و 1900 للطفل كانت كلنا حول 6000 ريال
قيمة تدكره وحده على الخطوط السعوديه
طبعا ..مافكرت نهائيا بالخطوط السعوديه لانها تعرف مواسم اجازتنا فتدبل الأسعار وقتها ​

مشيت للبحرين بدري لانه كان فيها دوري المنتخب والزحمه

​

تقييمي لللخطوط القطريه ممتازه من ناحية الوقت والنظافه والراحه والخدمه لكن ينقصهم الجوده في مستوى الأكل
عادي جدا..وبدون ملح مدري ليه
الحمد لله اني تعشيت في المطار بيتزا ..

وركبت الطياره بس ابي نوووووووووم:ch12:
http://www.q8yat.com/
لما نزلنا لمطار قطر كانت اجرائات سريعه وعلى طول ركبنا الطياره الثانيه الى كوالا ..وهنا صار النوم
اقلعنا 12 بتوقيتنا وسبع ساعات لكوالا وصلنا الساعه 7 الصبح بتوقيتنا
والساعه 1 لظهر بتوقيتهم لانهم يسبقونا ب5 ساعات
.................................
هذا البارت الأول ...
إدا حابين اكمل ..ارفعو الموضوع
لاكمال الباقي ..
معليش ادا كتبت بالتفاصيل لاني كنت احتاجها لما كنت اقرا التقارير الاخرى :33_1185028183:
...........................​

 

[orange blossom]

كملي حبيبتي
أنا متابعتج

 

[%دانة%]

اب



اب




الله يهنيج





ناطرينج

 

[عزاااه]

كملى

 

[katkota76]

بداية حلوة
كملي حبيبتي

 

[أحلى همبه كويتية]

ناطررررررررينك كملي

 

[مستشاره قانونيه]

الحمدالله عالسلامه
كملي
كملي
كملي

 

[خيال احساس]

:eh_s(17):شكرا حبايبي ...على الكلام الطيب والمتابعه ...يعلم الله اني ماحطيته إلا للاستفاده ..

​

​

 

[خيال احساس]

البارت الثاني ​

بحكم ان الإجازه قصيره ..وهدفي من الرحله الإستجمام والراحه أكثر من تغطية ماليزيا كلها ..اخترت افضل ماقريته بالتقارير ​

كان ترتيبي للرحله يومين الأوله في سلانجور ..
ثم طيران داخلي Air Asia
يومين إلى جزيرة بينانج
والعوده إلى كوالا لمبور بنفس الطيران
4 ايام كوالالمبور
........................................................​

صدمــــــــــــــــــــــــه ​

لما كنت في مطار البحرين ..قبل نركب الطائره ..من الفضاوه طلعت اوراق حجزي في بكينج ...وهنا صارت الصدمه ..
انا كنت حاجزه في فندق امباير هوتيل في سلانجور من يوم الخميس يوم الوصول الى السبت ..
كنت حاجزه غرفه ديلوكس ..مع افطار بقيمة ( 400ريال تقريبا )
المصيبه انه لماقريت التاريخ طلع بداية الحجر يوم السبت
صار تضارب في تاريخ الحجز بينه وبين فندق بينانج
انا مادري كيف صار كدا لاني كنت ماتأكده اني حاجزه خميس
هنا بغيت انججننن لان غرفتي خلاص المبلغ غير قابل للاسترداد ولا تغيير
على طول فتحت بوكينج رحت اشوف الغرف والاقيها فللللل
كلمت موقع بوكينج رقمهم كان موجود ..عطتني امل انها تكلمهم ولكن عندهم كان الفجر ..وانا الحين بركب الطياره ..فحسيت ماوراها سالفه
ضـــــــــــــــــــــــــــاقت فيني الدنيا ...وخلاص سلمت امري لله ..ان الله بيحلها
تعرفون الواحد ينزل من الطياره بعد 9 ساعات ارهاق وده يروح فندقه ويريح
زوجي طمني انه بنروح للفندق واكيد فيه غرف والحمد لله لما وصلنا
ودخانا المطار كنا نمشيء مع الناس ..
الصور هنا تتكلم ..من وصولنا للمطار والسوق الحره
​

http://www.q8yat.com/​

​

ماك <<<<:sfg:
​

هدا المحل يجننننن..شريت منه عقد كيوووت رح انزله في بارت الشوبينج​

هنا ركبنا قطار ..
على شان يودينا نستلم شنطنا وخلاص ننتهي
​

واخذنا شريحه ماليزيه من المطار ب5 رينجت عبيناها ب100 رنجت نت واتصال ..والحلو في المطار ..فيه كشكات خاصة بالتكاسي تروحين لهم وتعطينهم وين بتروحين يعطونك فاتوره ورقم ..ونطلع برا في واحد ينطم التكاسي عطيناه وجهز لنا سياره فان ..او اي سياره ..طبعا وصلنا ب 80 رنجت كان ارخص من التكاسي الثانيه ..​

​

اذنا دوانتس منكرسبي في المطار...أشكالهم كيووووت
​

غلطتي الثانيه اني ماحجزت طيران داخلي من النت ..قالولي بتلقينه اول ماتنزلين :eh_s(10):
لكن قالولنا لا روحوا المطار الداخلي جنبنا واحجزوا من هناك ..فطلع 3 ب 800 رنجت
اغلى من الحجز بالموقع ..​

وبعدها توكلنا على الله إلى فندق امباير هوتيل
بعض الصور في الطريق للفندق​

http://www.q8yat.com/​

​

​

روضة استانس وليدي عليها ....كيووت​

​

واخيرا وصلنا لفندق امباير ..هو عباره عن موول متصل معه برج فندق ..توه جديد​

هذامن برا اخدتها للاستفاده
​

كانت الي في الاستقبال مرره عسل عرفت المشكله
وقالت للمدير وعطونا غرفه وحد ه لليله فقط وبنفس سعر الي حجزناها ...واستاااااانست مرررره ...

وقالت فلوسكم الي راحت خدوها من بوكينج لان الحجز كان من عندهم
والحمد لله خلصنا اجرائات وارتحنا وحسيت فعلا بالونااااااسه ...​

هذي صور الفندق من تصويري ​

​

​

​

​

,,اهم شيء فيه شطاف ..وانتوا بكرامه
​

احنا لما دخلنا كا خلاص قبل المغرب فكنا جدا مرررهقين ..
شربناكوفي مع دونتس ..

وصلينا مغرب وعشاء ونووووووووم ​

تقييمي للفندق ...
الفندق 4 نجوم ..ولكن ممتاز جدا جدا ..وفيه كل المسلتزمات .. سعر ممتاز ..وفيه شوبينج ...ووفطور رائع
ادا حابين صور اكثر موجوده في بوكينج ..​

اكتفي إلى هنا ....واكمل ان شاء الله في البارت الثالث .. مع اول يوم مغامره في سلانجووور ​

 

[خيال احساس]

أفاااااا................. مافيه تفاعل .....:bbbiu:
..كيف أكمل ..؟؟:eh_s(2):​

 

[دنيا ماتسوى تعاني]

كملي فديتج اليوم خميس ووزوارات والصبايا مشغولييييين
تقريرج روووعه مبين

 

[katkota76]

تقرير حلو ومرتب
كملي حياتي

 

[sweet lady]

كملي متابعين
مبين على التقرير حلو ومرتب احب التفاصيل

 

[orange blossom]

كملي متابعينج

 

[بش بش |]

كملي متاابعين اختي الحين بماليزيا و تمدحهااا

 

[ام عائشه وعمر]

اولا \\ الحمدلله على سلامتكم

وثانيا \\ انا اطفارتي لما تشوقونا

ولا نشوف شي \\\ اقول كملي لا اتوطى

في بطنج هههههههههههههههههه

اضحك يااا غلاااتي

 

[خيال احساس]

حبايب ألبي ....تسلمووون على هالمتابعه والتفاعل ...ابشروووا رح اكمل ..
ام عائيشه ...تكفين الا بطني ..والله ماتعودها ...ههههههههههههه

 

[أم سيف وسلطان]

في الانتظار أختي الغالية

 

[sweet lady]

وينج ناطرين

 

[خيال احساس]

قهرررر..ثلاث مرات كتبت التقرير ..ويطفى علي اللاب فجأة ..مدري وشفيه ...

البارت الثالث​

​

صحينا يوم الجمعه ..بدري وبعد الصلاه وترتيب أغراضنا..لانا رح نسوي شيك أوت ​

ومخططين هالنهار نقضيه بالمدينه المائيه في الصن وايلاقون ..​

وهذي إطلاله غرفتي ..تمشي الحال ..أصلا مادريت عنها منالتعب ​

طبعا هناك الشمس تشرق من 7ونص وتغرب 7 ونص..​

وبوفيه الإفطار في الفنادق هناك يبدى من 6ونص إلى 10ونص الصباح ​

خذينا شناطنا ..ونزلنا نفطر ..وهذي الصور تتكلم ​

هذ الجلسات الداخليه وفيه جلسات خارجيه جلسنا فيها ​

​

اعذروني ماقدرت أصور البوفيه لانه صغير نوعا ما زحمة أجانبفستحيـت...

​

وبعد حمد الله وشكره ... خلصنا الشيك اوت بسرعهوالتاكسي كان جاهز طبعا حق الفندق ودانا للصن واي لاقون ب 25 رينجت لانه قريب مرره​

بعض الصور ..في الطريق ​

بيوتهم ​

​

​

​

​