رحلتي القصيره الى الخبر.....وثقتها بالصور لعيونكم تفضلوا:)

[سبائك]

السلام عليكم

شلونكم بنات عساكم بخير أن شاءالله


ولهاااااااااااانه عليكم حيل حيل والله

آنا رحت الخبر الثلاثاء الي فات ورديت أمس

كانت رحله حلوه الحمدلله لوما الرطوبه ضيقت خلقنا شوي


بس المهم غيرنا جو واهم شي بعد السوووووووووق

واي يا حلات مولاتهم تهبل الصراحه التسوق فيها متعه

خاصه اني رحت على وقت تنزيلات

نصيحه بنات الي تبي تروح الخبر تروح هالحزه من السنه تنزيلاتهم روعه


نبتدي معاكم رحلتنا المصوره حياكم الله


انطلقنا من الكويت الساعه 12:30 الظهر واتجهنا للخبر
وهذي لقطه من الطريج

الساعه 5 تقريبا وصلنا شاطيء نصف القمر(شاطئ مشهور حيل بالخبر يبعد عنها 30 كيلو تقريبا)
اليهال لما شافوا البقيات استخفوا فقلنا ماكو الا نبات ليله بهالمكان علشان يلعبون ويشبعون تالي نحدر ونروح الخبر

قررنا ناخذ لنا فيلا على البحر بمنتجع هوليدي ان وهذي صور مختلفه للمنتجع

الفيلا من داخل

وهذا منظر من بلكونتنا

الصبح

وبالليل

يتبع

 

[رقي]

سبوكه
الحمدلله عالسلامه
وعليج بالعافيه
انا من عشاق الخبر
ننطرج

 

[سبائك]

عقب ما حطينا أغراضنا وريحنا شوي طلعنا نتمشى ونركب اليهال البقيات

وهذي صور ولقطات من تمشينا

هني اليهال بالبقيات بس ترى الي بالصوره مو ريلي ههههههههههه
الاثنين الي على اليسار عيالي

عقبها ركبنا الحنطور نبيه يوصلنا شاليهنا لانه صار بعيد
وما أدري ليش طرت علي اغنية اركب الحنطور واتحنطر هههههههه

ردينا الشاليه وطلبنا عشا

وهني ريلي مسكين قاعد يتيدد ورفع ريله على المغسله جان تطيح وتنكسر!!!!!
الله فك ريوله والله ما انجرحت
ولما كلم الرسبشن قالوا اهم شي انه محد منكم تعور فدوه
واهمه اصلا تركيبهم خواره واي كلام<< معترفين يعني!!!!

هني مشينا متجهين الى الخبر

يتبع

 

[سبائك]

هني اول ما دخلنا الخبر

هذا فندقنا الي سكننا فيه (مدهال للشقق الفندقيه)

هني اول ما نزلنا سرداب المواقف ونزلنا اغراضنا




هذا الممر الي يودي لشقتنا




وهني شقتنا من داخل غرفتين وصاله





















يتبع

 

[سبائك]

هني بدت جولتنا بالخبر واستهليناها بالظهران مول
هالمول هذا انسى عمري فيه يا حلوه صج يبرد القلب كلللللللل شي فيه وبتشوفون بعينكم ليش احبه

هذا منظر خارجي للمول










وهذي مناظر داخليه للمول....طبعا بتقولون ليش كل شي مسكر
لان أحنا دشينا المول على حزة صلاة العصر فكانوا مسكرين للصلاة










هذا ركن المطاعم







وهني الشيف قاعد يحمس الدياي الي طلبته





وهذي بوظتي يم يم




فاصل قصير ونواصل

 

[طال السكوت]

روووووعه تصويرج ماشاء الله واضح

وحمدلله عالسلامه

وقولي لريلج يخفف وزنه لا يكسر مغسلة الاوادم ههههههه


اتغشمر ترى لووووووووول

كملى متابعينج

 

[سبائك]

رقي ومتعبه عسافها الله يسلمكم يارب

وريلي مسكين موزايد وزنه وايد بس شويه خخخخخخخخخ


هني ساحه للتزلج على الجليد في وسط ركن المطاعم

يعني تقعدين تاكلين وتتفرجين على الي يتزلجون




وهني مدينة ملاهي تابعه للمول لعبنا اليهال لما شبعوا










من جذي حبيت المول

يعني كل أفراد الأسره يستانسون فيه

الام تتسوق واليهال يلعبون بالالعاب(فيه العاب داخليه وخارجيه)

وفيه بعد سوق مركزي اسمه جيانت مثل كارفور تقريبا

يعني شامل كل شي هالمول قعدنا فيه نهار كامل ولا شبعت منه الصراحه


عقب مالعبوا اليهال ردينا الشقه

وطلبنا عشا خفيف




يوم الخميس قمنا وتريقنا وطلعنا الساعه 12:30

توجهنا حق فؤاد سنتر على البحر....وللأسف تفاجأنا أن المول مسكر
وما يفتح الا الساعه 4!!!!!

توهقنا الحين وين نروح اذا كل شي مسكر شنسوي طول ال 3 ساعات الي باقيه!!


توجهنا للراشد مول قلنا يمكن يكون فاتح

لقينا فيه جم محل فاتح والمطاعم بعد فاتحه




هذا شيزكيك فاكتوري الي سالت عنه مره هني بالمنتدى بس شكله ما يوحي الصراحه انه فرع من الرئيسي الي بامريكا ما اعتقد







يتبع آخر جزء

 

[سبائك]

عقب ما غدينا اليهال بالراشد مول ردينا حق فؤاد سنتر وهذي صور الطريج


المريديان مقابل لفؤاد سنتر بالضبط



بالطريج حق فؤاد سنتر




بوابة فؤاد سنتر




العاب اليهال تونس حيل وأهدى من الظهران مول وأخف زحمه منه




المجمع صغير وهادي ومحلاته محدوده بس العاب اليهال حلوه حيل فيه


عقبها طلعنا قلنا بناخذ جوله بالدمام....بصراحه الخبر وايد أشرح من الدمام ماكو نسبه

وحاولت اصور لكم مجمع ابن خلدون بالدمام بس الجمس النحيس سد علي




مجمع ابن خلدون ما نزلت فيه ولا شفته بس يبين كبير حيل ماشاءالله


خلصت رحلتنا الى الخبر وهني بطريج عودتنا للكويت الحبيبه








وهذي الكويت صل على النبي




تم بحمد الله

 

[جكورة]

حمــــدلله على سلامتكــــم ... ومشكورة على التقرير المصــــور... :eh_s(17):

 

[زلابيا]

حمدالله عالسلامه سبوج

وعليكم بالعافيه

صج مجمعاتهم تبرد الجبد كل شي فيها ماشاءالله ..

وتو ما نورت الديره

 

[mooomooo]

يا حياتي سبكهاوه

وانا اقووووووول فاقدتج هاليومين

الحمدلله على السلامه وتو مانور المنتدى

وعليكم بالف الف الف الف عاااااافيه

 

[}{داشـه عرض}{]

حمدالله على السلامه، الله يدومها علييكم من وناااسه

الرحله مبين انها ممتعه، والصور خير دليل

يعطيج العافيه على هالتغطيه الحلوه..

 

[هجاين]

مشكوره والحمد لله على السلامه الخبرصراحه تهبل واللي يروح لها يستانس انا توني راده من الخبر والبحرين

 

[رفرف]

ماشالله خوش رحلة سباجة ودي اروح مع اليهال اسمها سفرة وتغيير جو لأن حاااااااااامض على بوزي اروح مكان بعيد في الوقت الحالي انا وكتاكيتي حد اللوية ...

 

[هوى الدار]

حمدلله على سلامتكم وخوش صور وخوش رحله

 

[noty]

اول الشي الحمدالله على السلامه حبيبتي

ثاني شي خطاااه السوو ريلج اشوه انه يت على جذي


وثاااااالث شي صج صج صج شوقتيني يا حلوو الخبر

و بالضبط سكنه بمدهال اينن المكان شرح

و ريحنا هوليدي ان


و مجمع ظهران حبيييييييييييييته حييل حيييل واايد شرح و اونس صج


اما الراشد ما شفته مادري ما صار وقت

فؤاد سنتر عنونو ونيس ما يتعب و محلاته حلووه في محل عود فيه حق يهال بعد هذا عجبني اكثر واحد اللي اصير يم محل مال الميكاب مادري عطور


و علييييييييييج بالف عافيه قلبي و اهم شي استانستوا و ونستوا اليهال

 

[رقي]

وناسه
بالعافيه

 

[*سكون*]

الحمدلله على السلامة وخطاكم السو حبيبتي

انا العام رحت الخبر صج تشوق

 

[فراولة^فوشيا]

سبوووووجه فقدتج مادري انج مسافره

الحمدلله على السلامه وعليكم بالعافيه السفره
وخطاه السوو ريلج الله عداه الشر

اهم شي استانستوا والشباب كيفوا

وخوش صور ماشالله والفيلا والشقه شكلهم نظاف وحلوين
عليكم بالعافيه

 

[bambena]

حمدلله على سلامتكم

انا ييت الثلاثا وانتي مشيتي !

بس ماشالله عليج اشطر مني انا متعيزه انزل الصور

خوش اماكن ماشالله عليكم بالعافيه