رحلتي..الى استراليا-سنغافوره-ماليزيا(بالصور)

[$نسيم الصباح$]

الله وناسه حده السفر يونس والصور عجيبه متابعه معاج جني متابعه فلم أجنبي

 

[أمانيQ8]

نسيم ضحكتيني لوووووووووووووووووووووووووووول بكمل بس ابي ردود مايصير جنه اكلم نفسي

 

[أمانيQ8]

رد: رحلتي..الى استراليا..والبااخره ستار كروز

بسم الله وبه نستعين بكمل مووضوعي والشكوى لله...
بعد ماودعنا سدني...:0bee2e8d89: اتجهنا لى مطار بريزبن عشان نروح جولد كوست وتبعد عن سدني ساعه ونص تقريبا بالطياره.. وطيارتنا كانت الكوانتوس الاستراليه طبعا لانه داخلي


وصلنا بالسلامه الى جولد كوست الحبيبه..واتجهنا الى فندقنا شيفرون تاورز رينيساس وهم امدح فيه لي باجر ومكانه عجيييب كلشي يمنا وتحت كله قهاوي بس تنزلون من الاصنصير الا القهاوي والانفنيتي وبليف اور نوت واهم شي عشاق استار بكس وكل شي يعني حتى السوق غاليريا اللي اسميه ديوتي فري ماعليه ضرايب شغله... (البرجين الطوال هذا الفندق والمبني الاورانج هذا رنربراذر ستور والقهاوي والساعه اللي من الصبح طن وطن كله تبع الفندق

طبعا المنطقه اللي قعدنا فيها في جولد كوست اسمها(سيرف برادايس)يني جنة المتزحلقين اهناك برد حر كله يبلبطون بهالمياهه لا يمرضون ولا شي ماشالله ويمنا البحر ولما تمشون بالنهار بتشوفون الناس كلها حفاااي الا احنا

الشارع بالليل

 

[بنت عز وما تنهز]

واااااااااااي شوقتيناا لسفر _03BA:

الله يهنييييج وتسافرين كل سنه لديره وتكتبيلنا عنها :ggdw:

 

[أمانيQ8]

وهذي نظره عامه بالنهار من فوق بجولد كوست


ريحنا اشوي وطلعنا رحنا اجرنا البطه هذي

واتذكر وزعوا علينا بسكوت وعصير اييب السم على قولتهم صحي

بعدها طلعنا دشينا الإنفينتي اللي تحت فندقنا طبعا انا الحمدلله والشكر كله اتخيل بطيح وحلمااانه وراسي بيرقع وهذي حالتي امشي واتكرفس ويطلع ماكو شي جدامي فعلا عجيبه بس انا خوافه ويلبسونكم دسوس فسفوريه عشان اتبينون بالمراقبه




فااااصل

 

[أمانيQ8]

بنت عز مشكووره وعسالله يكتب لج اللي احسن منها

 

[أمانيQ8]

هلا فديتكم نكمل... بعد الإنفنيتي طلعنا ومرينا بلييف اور نوت اللي يابوه الكويت بحديقة الشعب... اهو نفسه اللي باستراليا وايد يشبه بس اللي ياستراليا في اشياءاكثر لان مساحته اتساعد
وهذا مدخله وتدرون تفاصيله وايده وانا بختصر لان عندي بعد صور باقي من جولد كوست والباخره وماليزيا

بعد البليف اور نوت رحنا وركدنا بالساحه اللي فيها تجمعات ومواهب وعروض ومطاعم ومحلات يبيعون اشياء من دولار الى عشر يصلحون هدايا حتى ككاو وبسكوت على كوالا عندهم انا وزوجي انسميه المحاميد
طالعنا العروض يعنا زوجي واليهال كلوا ماكدونالدز وانا طرت طلبت من المطعم المفضل رد روستر يم يم _03BA:

كل وجباته اتينن... غميضه ماكو لا بالخليج ولا الكويت...عقبها رحنا الفندق وحجزنا رحله للموفي وورلد_03BA: اتييييييينن انشالله تعجبكم
كل هالامه بالانتظار عرووض وشي سنع

تاااابعوني

 

[أمانيQ8]

نكمل الموفي وورلد



طبعا كل اشخصيات اللي يحبونها اليهال مالت الموفي موجوده واشلوون ياييبين ناس تشبههم

والبوليس اكاديمي قعدنا عالمدرجات وشفنا عرضهم فجروا سياره صروعوا قلبي

 

[أمانيQ8]

 

[أمانيQ8]

تااابع الموفي

 

[رقي]

ماشالله خوش صور
كيب اوون

 

[أمانيQ8]

تااابع الموفي

طبعا عرفتوها؟من اتقلد



لايطوفكم الاي مكس فيها على فكره كل شي فيها بلاش بس الدخله

وفي لعبه الله يسامح زوجي اقنعني اركبها بغى يزر عقلي ومت واطلعت روحي الا شوي اسمها اسكوبي دووو ماتنوصف من كثر رعبها بس الله يسامحه..شقول حتى فيها كاميرا اتصورنا عشوائي لاتشوفون ويهي وتعابيره

والحين برتاح وارجع اكمل لكم الرحلات الثانيه

 

[أمانيQ8]

شكرا رقي حبي ماقصرتي

 

[فرحه بلادي]

يسلموووو حبيبتي صرااحه شوقتيني لسفر ...

يعطيج العافيه قلبي ع الصوور الرووعه

بنتظااار الباااقي بشووق

 

[الطش والرش]

يعطيج الف عافية صور رروووووووووووووعة انا ودي باستراليا بس زوجي مو راضي ليش انها بعيدة

بس بسالج حبيبتي بما انج خبيرة باستراليا ( اذا اقتنع زوجي ) احجز قروب ولا انا انسقها احسن ومشكووووووووووووورة :tek:

 

[الطش والرش]

وبسالج بعد يا قلبي جم حدود تكلفتها التذكرة جم خذيتيها السكن المصاريف يعني تقريبا اذا تقدرين وسوقهم غالي ولا معقول انا باخذ معاي 2 من عيالى 8 و 4 سنوات
اعذريني اذيتج بس بما انج عارفتلها وتسلمييييييييييييييييييييييين :tek:

 

[صبا q8]

الحمدالله على سلامتج
ويعطيج العافية على التقرير الروعة
ومتابعتج كملي ابي اشوف ماليزيا وسنغافورة يلا
بس بسالج حبيبتي صورج واضحة وحلوة ماشالله شنو كامرتج؟؟؟

 

[أمانيQ8]

فديتكم كلكم ....
فرحة بلادي من عيوني

الطش والرش
بالنسبه للسفر استراليا اذا ميزانيتج محدوده وايد روحي مع قروب بس احنا مانحب القروبات ماندري شنو نوعية الناس اللي معانا ومانبي نتقيد بأحد.. والله التذكره دايما اخذها غاليا لاستراليا الكبار اتذكر بحدود ال450او480شامل طبعا الداخلي وبعض الدول
السكن كل سكنهم حلو وفي الغالي والرخيص والاثنين حلوين
ملاحظه يابنات انا قاعده اتكلم عن استراليا اول مارحت بعدها رحت مره ثانيه يعني قاعده اوضح لكم اول زياره واكتشافي لها بعدها صارت عادي لدرجة مالنا خلق انصور لان شبعنا من اول تصوير

صبا الكويت يالحبيبه بالنسبه للكاميرا كانون ومن تنزل اليديده اجددها ومو كل الصور انا بعضهم من المواقع الاستراليه لان مو كل شي اقدر احطه لان رازين اويوهنا بكل صوره

حياااااااااااااااااااااكم الله وبكمل التقرير وعالله يعجبكم

 

[أمانيQ8]

نطروني الليله انشالله ... احط لكم باقي الجولد كوست وسنغافوره وماليزيا والباخره ستار كروز

 

[dalprincess]

يهببببببببببل تقريرج والصور حلووووووووووووووه وناطرين باجي التقرير
يعطيج العافيه حبيبتي