رحلتي الى تايلند "" أكتوبر 2008 ""

[Dress Me Up]

مرحبا حبايبي ........ مثل ماوعدتكم أنزل تقريري ،، عن تايلند .. وتابعوني ... بالكلام والصوره ..



و نبتدي بسم الله الرحمن الرحيم


طبعا طيارتنا كانت الساعه 5 ونص صباحاً ً وكنا بالمطار من الساعه 3 ويومتها أنا كلش كلش ماقدرت أنام لا أنا ولا ريلي .. تدرون اللي وراه سفر ،، يحاتي شوي ،، وخفـنا تروح علينا نوووووووومه .........


المهم حبايبي .......... رحنا للمطار ....... وصلنا ....... وكنا طايرين على القطرية ،،،،،



والمفــــــــاجأه حبايبي ؟؟؟؟؟؟؟؟؟؟









ألغيت الطياره ......... لسوء الطقس ،، كان يومها ضباب ،،،،،،،، وتنكسلت الرحله الى طيارة الساعه 8 ،،

وطبعا ما رحنا لأنه ورانا ترانزيت بديرتين على ساعتين
ماكنا راح نلحق على طيارة بانكوك ولا على طيارة بوكيت


ردينا قشنا البيت ......... ودقينا على السفريات جدد حجوزاتنا ,,,,,, بالفنادق والتذاكر ،،



وثاني ليله كانت طيارتنا ....... وكنت أدعي من كل ربي ،، أنه مايصير ضباب
لأنه ماحصلنا حجز الا طيارة 5 ونص وفما نبي يصير معانا نفس الفيلم ...........


وأقعد أطالع التلفزيون وأدور النشرة الجوية ،،،،،،،،،،، وطلعت النشرة الجوية يقولوووووون الطقس الليله مافيه ضباب والرؤية زينه ،،


بقيت أبووووووووس المذيعه من الوناسه وقعدت أيبب جني هبله برووووووحي ........... لأنه ريلي مهددني اذا تنكسلت الرحله خلاص انسى ،،،،، اسافر ,, تايلند ...


والحمدالله وصلنا المطار هم ماكنا نايمين ..

دخلنا جناطنا ،، وقعدنا نحووووس بالمطار ،،

وريلي كان يوعان أخذ من مكدونالدز ريوووووووق ،، وانا ماحطيت بحلجي شي ،، اخاف من الطيران واحاتي ،،



وبعدها ركبنا الطياره ،،،،،، وكانت الطياره فوووووووول ..

وطبينا مطار الدووحه ،، وحدي كنت دايخه مامداني اصور شي كان ترانزيتنا ساعتين ...........


وتوجهنا الى بانكوك ،،،،،،،، وعطيت ريلي حبه منوم ،،،،،،، عشان لا يحن بالطياره وانا أخذت بعد ،،،،،،،،

وريلي قزرها نوووووووم وانا ماقدرت أنام ،،،،،،،، الطيران متعب بصراحه الرحله طويله وممله ،،،،،،، واعد الساعات متى نوصل ،،،،،،

ليما شفت بالخريطه اللي حاطينها بالشاشه بانكوك ارتحت ،،

وصلنا ،، مطار بانكوك وهم من التعب ما صورت الا البوذا مالهم ،،،،،،




وهالباص اللي اينن على هالو كيتي حده عجيب ،،،،،،،



وأجرنا تاكسي واتجهنا الى الفندق وكان الجو ممطر وحده عجيييييب

Dusit Thani Hotel Bangkok

وهذا موقعهم الالكتروني للمزيد من المعلومات عنه
http://www.dusit.com/hotels/thailand/bangkok/dusit_thani/index.html
وطبعا هذي كانت غرفتنا
وناعمه وهاديه ورومنسيه














الرجاء عدم الرد حتى يكتمل الموضوع ​

 

[Dress Me Up]

وهذا المنظر اللي تطلع عليه غرفتنا


وهذي جوله بالفندق










وطبعا كانت قعدتي في بانكوك ليلتين

من خلالها بس قدرت ازور

هالمجمع MBK


يبيلكم شهر تحوسون فيه من كثر الادوار اللي فيه
وهذي شوية صور من المجمع







الرجاء عدم الرد لحين الانتهاء من الموضوع ​

 

[Dress Me Up]

وتغدينا بالمجمع،، وكان غدانا من مطعم هندي هذا

وهذي وجبتنا

ورحت مجمع ثاني يم فندقي اسمه سنترال مادري شنو بس عجيب من طقه دبنهامز وكل شي فيه
وثاني يوم سويت مساج سبا ريلاكس حقي من الصبح كان موعدي الساعه 9 الصبح وسويت مساج الزنجبيل وكان حده عجيب وشنو نظافة وشنو اهتمام وهذي صور السبا
اول شي مكان الانتظار شوفوه اشلون حلووو


وهذا الاستقبال مع البنات اللي يشتغلون بالسبا

وهني راح تشوفون صور غرفة السبا الخاصة فيني



وانا سويت مساج الزنجبيل بس شنو مريح وعجيب روووعه
وهني بعد ماتخلصون المساج تدخلون هالاستقبال الروعه




الرجاء عدم الرد حتى الانتهاء من الموضوع​

 

[Dress Me Up]

طبعا بعد ماتخلصون المساج يقدمون لكم شاي الأعشاب وماء بارد وبسكويت ويفر ،، انا كنت ماشتهي الشاي فاكتيف بالماي والبسكويت يمي يمي


،، وبعدها رحنا هم سوينا شوبينج ،،بنفس مجمع MBK

وتغديت أنا من بيتزا أخذت مرغريريتا جبن وريلي اخذ من مطعم اسلامي وعربي وهذي صورته المطعم

وهذي وجبتنا

وبعدها ردينا البيت نريح ،،

وبالليل مريت على النايت بازار (شارع الليل)
أمبي عجيب كل شي فيه ملابس اكسسوارات اثاث كل شي حلو ومرتب ،،

طبعا كنا حاجزين الليالي مع الريووق ++ وكان ريوق الفندق عادي يعني

وكنا نتعشا بره وندور دايما مطاعم السي فوووود

و عطانه السيرفرس اللي يشتغل بالفندق عنوان مطعم سي فود حلو لأنه الفندق اللي فيه ماكان ذاك الزود بالسي فو قلنا ندور برا و وكتب لنا العامل اسم المطعم بالتايلندي بورقه وعطيناها لسايق التاكسي مكان رووووووعه تاكلون في سي فود

طبعا طلبنا كان 6 ربيانات جامبو مشويه باربيكيو وسمجه نقروره مشويه

مع عصير برتقال وصحن فاكهه فيه رقي وأناناس ومانجو
وماي
والمفاجأه طلع حسابنا



75 دينار كويتي

وااااااااااي انا
لا تشوفون ويهي قام يقط ألوان ،، سالناهم متاكدين من الحساب ولا يورونا الأسعار بالمينيو ،، أثاري السي فود في بانكوك غالي اذا كان السمج سمج بحر لأنه ماعندهم بحر على عكس بوكيت اللي حلالنا رووحنا بالسي فوووود

بس كان فعلا فعلا لذيذ

وبعدها ردينا وقعدت ارتب اغراضنا بالجنطه ،، لأنه لازم الساعه 12 الظهر نكون بالمطار ،، فقلت ارتبهم من بالليل وأريح الصبح واشووف وين اروح مني مناك




ورحنا مطار بانكوك اللي حده عجيب واللي ماتمولون وانتو قاعدين فيه



والطيران الداخلي ماياخذون وزن 15 كيلو للشخصين يعني 8 كيلوات للشخص ** فاضطرينا نشحن جنطتين التسوق والتشري والصوايغ حق الكويت ** عشان نفتك من هم الوزن الزايد ،، وناخذ راحتنا في بوكيت ولا نحاتي اي شي ..

وبعدها اخذنا سناكس وكوفي في هالكافيه



وبعدها ركبنا الطيران الداخلي ومتجهين الى الغاليه بوكيت .......... مدينة البهجة والرومنسيه

طبعا هذي صورة الطيران التايلندي عاجبني حيل


وان شاء الله اعرض لكم رحلتي الأكثر من رائعه الى بوكيت بعد ماشوف الردود ......وصورها أرووع ،، أتمنى انكم استمتعتم معاي برحلتي الى بانكوك


وانتظروني بتقريري لبوكيت


:edbf4317b9:
​

 

[keeka]

روعه الصور ما شاء الله عليكم بالعافيه

 

[katze]

حده روعه حطيتي في بالي سفرت تايلند بس يقولون وايد ارطوبه

مو حلوه اطلع بصيف من حر الكويت حبيبتي و اروح حق الرطوبه ولا شرايج

شلون الجو اهناك؟

 

[84 Miss Chocolate]

متابعه

 

[mooomooo]

الحمدلله عالسلاامه يا قلبي


:eh_s(11): ذكرتيني بتااايلند كنا بندفع فلوس التذاكر جان تصير سالفه المطار

المهم سازل اتاااااااابع :hjy5jewf:

 

[باريس الخبر]

ماشاءالله تبارك الله .............روووووووووووووووعه

بصراحه ..........مناظر حلوة ماتوقعت انه كذا عليك بالعافيه

في انتظار التقرير ..............تحيتي

 

[supermarket]

الحمدلله على السلامة



متااابعة

 

[بنت عبدالغني شربت]

خوش موضوع حبوبه ومتابعيتج

 

[bambena]

متابعه

 

[جكورة]

حمدلله على السلامه
بداية موفقه ... كملي متابعينـــــــج

 

[الآنسة الشحرورة]

الحمدلله ع السلامة وبداية موفقه ..

 

[بنت عبدالغني شربت]

الحمدالله على السلامه متابعينج

 

[Dress Me Up]

حياكم الله حيايبي ،، وشكرا على المرور ،، شرفتوني ،، ويسلمووووووو على التثبيت .. ولي عوده باذن الله​

 

[katkooota]

الحمدلله على السلامة

 

[toot^o^mishmish]

عااااد انا اموت بتايلند حييييييييييييييل احبها ...
حده اونس تقريرج...ناطرييينج موطولين علينا ......
تسلم ايدج عالصور يالغاليه والحمدالله عالسلامه

 

[Dress Me Up]

{}{}{}{}{ بوكيت }{}{}{}{}

وصلنا بوكيت .. وكانت الساعه .. العاشرة تقريبا .. واخذنا تاكسي وتوجهنا الى بوتنج بيتش .. موقع فندقنا داخل الباتونج بيتش .. وصلنا الفندق .. ودخلنا الفندق حطينا الجنط وتسبحنا ....... ماقدرنا مانطلع لازم نطلع ......

وكانت الساعه تقريبا 12 وتقريبا كل المطاعم مسكره ماعدا الفاست فود .. فاخذنا من صيبواي عشا خفيف وتمشينا من المطعم ليما وصلنا الفندق وكان بصراحة الجو واو .. طبعا المفروض يكون هذا فندقنا اللي حاجزين فيه بس بسبب غيرنا خطتنا ورحنا بانكوك قبل بعدين بوكيت ،، ماحصلنا للاسف حجز وهذا الفندق اللي كنا نبيه
LA FLORA RESORT PATONG

وهذا الفندق اللي قعدت فيه يعني كان عادي ،، بس المطعم السي فود اللي فيه عجيب يعني اذا مريتو بوكيت انصحكم يوم تتعشون فيه لأنه الشيف عندهم اكله لذيذ ..
Thara Patong Beach Resort & Spaوهذي غرفتنا عطونا كبيره لأنه كل الغرف full


وهذا صورة مطعم الفندق للسي فود ربيانه المشوي عذااااااب




الصبح قعدنا وتريقنا .. في نفس المطعم اللي فوق ويكون فيه بوفيه للريوق ....
وطبعا هذي صوره من الفندق



وهني الفيو اللي تطل عليه غرفتي ،،



طبعا للاسف ،، كنت مصوره وايد صور للفندق اضطريت استغنى عنها عشان الميموري ماكفا ،، صورت فيها صور أحلا ،، ونقلت لكم بعض الصور من الموقع الأصلي للفندق ..

المهم ،،

،، طلعنا واجرنا سياره من الفندق وقعدنا نحوس في بوكيت ليما وصلنا
الى مكان يبيعون فيه الطيور والشمبازي وعزكم الله الجلاب ،، وكانت الطيور روعه ،،
وهذا الشمبازي ،،



وهذا البلبل طالعو شحلاته ..



وبعدها طلعنا وقعدنا نحوس ندور حديقة الحيوانات وطبعا كانت معانا الخريطة ،، ومع مساعدة الناس وصلنا الى
حديقة الحيوانات .. طبعا كان الجو رطووبه ،، بس هذا ما منعنا من الاستمتاع ،، بالرحله العجيبة



المهم حضرنا داخل الحديقة عرضين ،، اول شي عرض التماسيح وكان حده روعه ،،







يتبـــــــــــع​

 

[Dress Me Up]

والعرض الثاني عرض الفيله كان عجييب ..





وتمشينا بالحديقة وهذي صور من جولتنا داخل الحديقة ...

















وهني انتهت رحلتنا لحديقة الحيوانات ،، وان شاء الله تابعوني وراح احط لكم باقي الأماكن .... بإذن الله ...
وان شاء الله عجبتكم الرحلـه ،،


​