رحلتي الى جنة الله في الارض تركيا

[سجى]

السلام عليكم ورحمة الله وبركاته

شلونكم يا الغاليات يارب الكل بخير وعافيه وعسى ربي يبلغنا رمضان جميعا


توني وصلت من الديرة الللي ما اشبع منها الاربعاء بالليل.
رحلتنا كانت تاريخ 6/20الى 7/4 على طيران الجزيرة

ليلتين في بولو /7 ليالي في بورصه /4 ليالي في كوك جدره


وصلنا مطار صبيحه وطلعنا على طول الى بولو كنا حاجزين عند واحد اسمه علي عنده بنسيون صغير 3 ادوار

وهذي صور الطريق

 

[سجى]

.


صورة من صاله البنسيون مع الشروق

 

[سجى]

رحلتنا ثاني يوم الى بحيرة ابانت تبعد عن بولو ٣٠كيلو. وفيها منتجعات وفنادق وحناطير وحصن بالايجار وبقالات

 

[سجى]

باقي صور ابانت

اكمل لكم بعد الصلاه باقي الصور ان شاء الله

 

[نـعـومـه]

ونااااااااااااااسه اول مره ارد اول وحده


ماشاءالله طبيعه خيال

كملي كملي

 

[نـعـومـه]

والحمدالله عالسلامه صج

بس غريبه ماقعدتي بأسطنبول ؟؟

 

[سجى]

الله يسلمج يارب

اسطنبول ما حبيتها واذا بقعد فيها لازم نكون عايله وحده مو قروب عشان الطلعات والتكاسي


وعموما انا احب الطبيعه واسطنبول زحمممه ومجمعات واسواق وبازارات يمكن فيها بس رحلات البسفور وجزيرة الاميرات

وتسلمين والله على الطله

 

[باسكن ربنز]

اختي من اسطنبول لب بولو جم المسافه ونبي باقي الصور الله يعافيج

 

[سجى]

اليوم الثاني الضحى رحنا نكتشف المنطقه اللي احنا فيها ورحنا نشوف الفندق الثاني لصاحبنا علي توه جديد محد سكن فيه بس رووووعه نظيف ومرتب والمطل برا يهبل ومسوى قعدات بالحديقه والعاب بس غرفه ضيقه شوى


صوره لمدخل التيرمال في بولو

صور للفندق الجديد للي سكننا عنده

صور للاطلاله من الدريشه في وحده من الغرف

بكمل لكم بعد شوى رحلتنا لبحيرة بولو طلعت احلى واجمل من بحيرة ابانت

 

[سجى]

المسافه من اسطنبول لبولو 3 ساعات ونص

 

[سجى]

عقب ما رجعنا من بحيرة ابانت رحنا للملاهي والالعاب ومقاهي في بولو

.

 

[سجى]

اليوم الثاني لنا في بولو والاخير رحنا لبحيرة بولو من اجمل البحيرات والاماكن اللي شفتها وطلعت ارووع من ابانت

وانتوا شوفوا الصور واحكموا بنفسكم

.

 

[سجى]

نكنل بحيرة بولو

 

[سجى]

بصراحه تعبت ومافي تشجيع

بعدين انزل الصور الباقيه من رحلاتنا

 

[باسكن ربنز]

بصراحه يعطيج الف عافيه عطيتيني فكره حلوه بالنسبه لاختيار الاماكن والمناظر زوغه خوش رحله عليج بالعافيه

 

[باسكن ربنز]

اختي الطيران مباشر لبولو وفيه تأجير سيارات مع الجارمن

 

[@شيخه@]

مااااشااالله كلمة روووعه ششوووي


عليييج بالف عاافيه
كملي شوقتيناا


،،،

 

[مهره بلا خيال]

يلا حبيبتي أحنا متاااابعين بس ناطرين تكملين التقرير

تقريرش روووووووووووووووووووووووووووووووووووووووعه والأرووووع من ذلك تصويرش فوق القمه وعيشتينا الجو ماشاءالله تبارك الله ولاحول ولاقوة إلا بالله...

 

[سجى]

مشكورين ما قصرتوا على التشجيع جزاكم الله خير


اخت باسكن ربنز انتي تساليني والا تقولي لي ههههههههه

 

[باسكن ربنز]

لا أسألج ياقلبي انا بروح بالعيد وماعندي برنامج ):