رحلتي الى جنة الله في الارض تركيا

[سجى]

يعطيك العافية ... ماشاءالله التصوير روعة ... عساك عالقوة

الله يعافيج يارب. التصوير من تلفوني جلكسي اس 3

 

[سجى]

هذي صور مطعم لقيناه باللونا بارك كنا ندور على عصير طازج ما لقينا في بورصه

وقعدنا نحوس باللونا بارك ونلقى هالمطعم خاص بالعصاير الطازجه. حول البحيرة

.


ويوم الاربعاء كان فيه بازار للفواكه والخضار في بورصه في منطقتنا عثمان غازي.

وطلعنا وكان الجوووو روووووعه كله غيوووووم. وخذيت لكم. صوره من الجو والسوق جم صوره لانه زحمممه

.

وهذا من بلكونة الشقه

بازار الخضار

.

عقب ما خلصنا شفنا حديقه عامه تفتح النفس رحنا وقعدنا فيها شوى نريح. لان احنا رحنا مشى للبارزار ورجعنا مشي بعد ههههههه الجو يساعد ما شاء الله

صور الحديقه العامه

 

[سجى]

؟؟؟؟؟؟؟؟؟؟

 

[سجى]

يعني هالصور وهالمعلومات ما في احد يرد عليها شلون اقدر اكمل تقريري للاخر


يعطيهم العافيه البي ردوا وشجعوني ويعذروني ما اقدر اكمل باقي التقرير لاني انزله من الايباد تحميل وتعديل صور وكتابه عليها كله مت الايباد وهذا شي متعب ومافي ردود

جزلكم الله خير يا الغاليات. ومبارك عليكم الشهر مقدما

 

[نونه المنكوشه]

عليج بالعافيه

 

[نـعـومـه]

صوور روووووووعه

وصج ماشاءالله اذكيه رحتو هالمناطق

اسطنبول زحمه

 

[showq]

ماشالله رووووعههه اول مره أشوف تركيا

 

[أحلى همبه كويتية]

الف حمد لله على سلامتكم :eh_s(7):
ما شاء الله الصور روعة ووصفك حلو وسلس :eh_s(9)::eh_s(15):​

حبيت تركيا من تقريرك اشحلاتها
دخلتيها براسي :eh_s(10)::eh_s(10):
بنات خالي بالسنة يروحون 3 مرات من الوناسة
والحين هم هناااااااااااك ​

:e3::e3::e3::s142:​

ما عليه حبيبتي صارت معاي
اشكثر يطلون على الموضوع وما يكتبون كلمة طيبة:bbbiu:
بس افا عليك اللي ردوا عليك خير وبركة ويستاهلون اتكملين عشانهم

بارك الله فيك كملي متابعينك ،،،،،،،،،،،،،،،،:rerrerek:
​

 

[سجى]

جزاكم الله خير حبايبي احرجتوني والله


تسلمين يا احلى همبة ابشري ولا يهمج بكمل عشانج لانى حسيت في البعض محتاج هالتقارير

 

[سجى]

رحلتنا اليوم لشلال كمال باشا او الشلال الكبير

كل سنه يقولون لنا ما يستاهل العنوة وبعيد الحين صار لنا ٤سنين نروح له

القعده فيه تشرح الصدر والغدا تحت صوت الماى والرذاذ يرد الروووح

طبعا مافيه خدمات الا الحمامات وانتوا بكرامه احنا ناخذ غدانا معانا ونتغدا فيه يبعد عن بورصه ساعتين بس الطريج يهببببل كلها حقول ومزارع خيووول

بكره ان شاء الله اكمل لكم رحلتنا الى جنة الطيور

 

[نـعـومـه]

شكلي بقرا تقريرج من اول

لان انا وزوجي نفكر نسافر ٤ ايام استجمام قلنا دبي سفره سريعه بعدين قال زوجي ليش موتركيا نفس الاسعار ! انا تشيشت

شرايج اي منطقه نروح ؟؟ تكون هاديه وطبيعه وبحيرات ويخت لاني احب اليخت واهم شي ماتكون ميته حيل يعني لازحمه زحمه ولا ميته واهم شي فيها اشياء وايد يعني موشي محدد

 

[فيرانا]

بصراحة مناظر عجييييبه ويعطيج العافية ما قصرتي

 

[فيرانا]

ما شاء الله عليج تقريرج واااايد يهبل ووصفج للوضع اللي كنتوا فيه عجييب
دخلتينا الجو وسفرتينا معاج يعطيج العافية وتسلم الايادي علي هالصور الروعه متااااابعين بشوق

 

[روحين في رـوح]

مشـآآآللهـ صؤؤؤر آكثـر من رأئعهـ ومناظر خلابهـ اتقنتي التصؤؤيــر

ننتظر باقي التقرير والصوووور

 

[سجى]

شكلي بقرا تقريرج من اول

لان انا وزوجي نفكر نسافر 4 ايام استجمام قلنا دبي سفره سريعه بعدين قال زوجي ليش موتركيا نفس الاسعار ! انا تشيشت

شرايج اي منطقه نروح ؟؟ تكون هاديه وطبيعه وبحيرات ويخت لاني احب اليخت واهم شي ماتكون ميته حيل يعني لازحمه زحمه ولا ميته واهم شي فيها اشياء وايد يعني موشي محدد

روحى اوزنجول طبيعه وهاديه. مع انى مارحت لها بس شفت تقارير لها واخوانى رايحين لها تهبل بصراحه

 

[سجى]

ما شاء الله عليج تقريرج واااايد يهبل ووصفج للوضع اللي كنتوا فيه عجييب
دخلتينا الجو وسفرتينا معاج يعطيج العافية وتسلم الايادي علي هالصور الروعه متااااابعين بشوق

تسلمين والله كلامج يشجعني اكمل التقرير

الصور كلها من الجلاكسي اس 3. رووووعه كاميرته

 

[سجى]

مشـآآآللهـ صؤؤؤر آكثـر من رأئعهـ ومناظر خلابهـ اتقنتي التصؤؤيــر

ننتظر باقي التقرير والصوووور

تسلمين والله يا الغاليه ان شاء الله بكمل التقرير

 

[سجى]

بعد ما طلعنا من شلال كمال باشا رحنا لجنة الطيور

هنى بالطريق

هني على اليمين واليسار حقوول تجنن

المدخل

 

[سجى]

صور الطاوووس روووعه طبعا هذي صور لاكثر من واحد

بكره ان شاء الله رحلتنا الى كوك جدره والاستقرار فيها

 

[خلني حضن لحنينك]

يعطيج الف عااااافيه اختي ماقصرتي..نتظر البقيه