رحلتي الى جنة الله في الارض (ماليزيا) يناير 2012

[jijita60]

رووووووووووووووووعه تقرررررريرج
ورحله موفقه ان شـآء الله
ف انتظـآر بـآآآقي التقرير
=)

اسعدني مرورج حبيبتي

انتي الاروع

تابعيني وفالج طيب​

 

[jijita60]

مــــــــــــــاشـــــــــــاءءء الله تبارك الله
الله يدوم عليتس السسعاده
السسسسسسفر ممتع الي ابعد الحدود وخاصتن ماليزيا وتايلند وسنغفوره مررررررررررره جنااان
ومشششكوره ي حبيبتي ع التقرير والله يهنيتسس

:yaaaaaarb: يدومها علينا وعليج غلاتي


صج السفر متعة ولا ارووووووع...

ومشكورة على المرور

تحياتي لج حبيبتي​

 

[jijita60]

مشكووورة حبيبتي
ابه عرفت مدينة الثلج اللي باي سيتي
انا مصورة البوابة بتقريري بس ما دخلنا للاسف ما توقعناها حلوة وايد
ان شاء الله المرة الياية


شكرا ع التوضيح


تبارك الرحمن شكلك خبيرة بماليزيا
كم مرة زرتيها؟؟؟

خبرينا عن الاماكن الحلوة اللي ما تعرفها بالتقارير
ويعطيك الفع عافية وحمدا لله علي سلامتك :eh_s(7):
واااو الطيحة اتعور هذه مجربتها *

اسعدني ردج ومتابعتج لي الغالية....

زرتها 3 مراااااااات.....

اول مره تميت فيها 12 يوووووم

والزيارة الثانية 5 ايام

والرحلة هذي ان شاء الله بتكون 14 يووووم

وبوصروال وفانيلة زارها 5 مرراااااااااات

وبالصيف بتكون السادسة له....:eh_s(14):

ان شاء الله اي شي جديد بنزله بالتقرير وبخبركم.....

اي والله الطيحة مب هينة بس الحمدالله صرت احسن الحين ....
​

 

[أحلى همبه كويتية]

عليك بالف عافية
كملي
بانتظار بقيه فصول الرحلة

ربي يهنيكم ويبعد عنكم عين الحاسد​

 

[عنود الغيد**]

فديت من يتفدى دار بوسلمان الغالي

والف لاباس عليك
وكملي

 

[jijita60]

عليك بالف عافية
كملي
بانتظار بقيه فصول الرحلة

ربي يهنيكم ويبعد عنكم عين الحاسد​

الله يعافيج يا رووووحي :eh_s(7):

امين يا رب

و يحفظج و يطول بعمرج و يخلي لج عيالج و يخليج لهم يااااااا رب :yaaaaaarb:


:eh_s(22)::eh_s(22)::eh_s(22)::eh_s(22):

 

[jijita60]

فديت من يتفدى دار بوسلمان الغالي

والف لاباس عليك
وكملي

فديتج يا روحي


مشكوووورة غلاتي :eh_s(22):

 

[أم سيف وسلطان]

ماشاء الله التقرير في قمة الروعه وفعلا مناكيرج روعه ماشاء الله

كملي حبيبتي نحنا متابعينج وسلامات ماتشوفين شر

والله يعطيج العافيه

 

[** آية من الجمال **]

حمدالله على سلامتك ... ماتشوفين شر

زين سويتي حطيتي من الزيت إللي شريتوه

متابعه من اول صفحة ..... وبانتظار البقية!

 

[jijita60]

ماشاء الله التقرير في قمة الروعه وفعلا مناكيرج روعه ماشاء الله

كملي حبيبتي نحنا متابعينج وسلامات ماتشوفين شر

والله يعطيج العافيه

تسلمين حبيبتي والشر ماييج ان شاء الله

كلك ذوووووق يا ذووووووووق
​

 

[jijita60]

حمدالله على سلامتك ... ماتشوفين شر

زين سويتي حطيتي من الزيت إللي شريتوه

متابعه من اول صفحة ..... وبانتظار البقية!

الله يسلم حالج غلاتي

اسم على مسمى فديتج (اية من الجمال)

اي والله خف الالم وايد من حطيته

تامرين حبيبتي...ان شاء الله بكمل باقي الرحلة اليوم
​

 

[jijita60]

اليوم السادس من فصول الرحلة....

كان هذا اليوم مخصص لزيارة الاي سيتي ... I. City مدينة الانوار

وان شاء الله ينال اعجابكم وبالاخص حبيبتي احلى همبة كويتية وتستفيد منه في رحلتها الياية باذن الله.. مثل ما استفدت انا من تقريرها الاكثر من روعة...

اليوم هذا قعدنا متاخرين من الرقاد...

فطرنا وتغدينا مرة وحده وكان في البافليون بعد... وكان الاختيار اكل اسيوي...:ggdw: وبوالشباب :bbbiu:

اسم المطعم هوت بليت HOT PLATE



لحد يفكر انه الاكل الي بالصورة دووود ... ترى والله انه دياي...:krkrkr:



لقاااافه لازم اصور كل شي...... لوووول





هدا كان طبقي دياي و عيش مع خضار وبيض و اويستر صوص مممممممم



وهدا حق حبيبي دياي و خضرة و نودلز و بيض كان حار على حلو



خلصنا الحمد الله اكل و كان روووووووووووووعه مثل ما تشوفون (الناس اذواق على قول حبيبي)


طلعنا من المول وتمشينىا لين عند مطعم طربوش جمب فندق الميلينيوم والا اقول حق حبيبي ايش رايك نروح الاي سيتي اللي قرينا عنه في تقرير حبيبة قلبي احلى همبة.... قالي تم :rerrerek:

حصلنا تاكسي راعيه ماليزي من شكله طيوب تفاهمنا وياه على السعر وكان 160 رنجت روحة وانتظار و رده ....:eh_s(10): اعتقد السعر شوية غالي...بس ماعليه كله يهون في سبيل الوناسة...
و مشينا على بركة الله

اول ما ركبنا التاكسي لاحظنا شي ...

صورة اول ماشفناها فهمنا مغزاها ... :ssssso: ممنووووووووووووووع :hjy5jewf:



يعني حتى فالتاكسي ماعندهم وقت.... فديتنا نحن العرب اخلاقنا ماتسمح بالسوالف هذي..._03BA:

المهم.....هذي بعض الصور واحنا رايحين الاي سيتي...







وصلنا المكان ورحنا ناخذ التذاكر وكانت بقيمة 35 رنجنت للشخص...



بعدها دخلنا بيت الثج..... وهذا مدخل المكان...



​

 

[jijita60]

وهذي الصور داخل بيت الثلج....وااااااااااااو يا انه بررررررررررررررررررد مب صاحي... يبيله:ada:

















خلصنا من داخل الاسكيموووو وطلعنا نلعب شوية بالالعاب الي برااا.... نضيع وقت لين يظلم الوقت ونشوف المناظر الخلابة .....

اكثر لعبة لعبت فيها هذي وخسرت تقريبا فوق 100 رنجنت ... بس بالنهاية فزت ....:eh_s(10):

خسرانة 100 رنجت على شان تفوز بهدية قيمتها 2 رنجنت....:eh_s(2):



قبل لاتغيب الشمس بشوية طلعنا من محل الالعاب ورحنا الى مدينة الانواااار

خذنا تذكرتين على شان نركب السيارة المعلقة وكان منظر وايد روعة بقيمة 10 رنجنت لكل شخص.... جربوووووووووه



هذي سيارتنا المعلقة ....



عاد اني اسوق مركبة فضائية....









​

 

[jijita60]

هذي صورة واحنا رادين الى الارض بسلاااااام..





نزلنا ورحنا نكمل الجولة حووووول المكان وهذي بعض ما التقطته عدستي لكم حبيباتي...









خلصنا جولتنا في مدينة الانواااار ... وكنا يواعة .... وكان الاختيار مطعم حضرمووووت .... وهذي بعض صور من المطعم ....



بابا غنوووج ولحم صغار (على قولتي لحم صغيورين بالمغربي) مع الخبز اليمني العجيب (الملوووح)...



وخذنا لحم مندي وكان طعمه عجيب بس للاسف ماصورناه والسبب اليوع الي فينا..:krkrkr:

وبعدها حلى ابوالشباااااااب بالمعصوب وانا كلش ما عجبني وهوووو خلص الصحن....:ggdw:



وبعدها على طوووول على الفندق....نوووووووووووووووووووووووووم :ch12:

تابعوني في البارت الياي مع منتجع افاموسا الساحرة .....:bye22:​

 

[غاليه بغلاها]

روووووعه كملي تهبل الاي ستي وتصويرج رووعه

ان شاءالله حاطتها ببرنامجي بروح مع ريلي قريب ان شاءالله
من مدحج ومدح احلى همبه فديتكم*

 

[غاليه بغلاها]

بسالج قلتي انه الروحه والانتضار والرده مع السايق غاليه اهو كم الفروض متوسط السعر !!

 

[jijita60]

اليوم السابــــــــــــــــع

افاموسا.... ورحلة السفاري

صحينا على تسعة الصبح ورحنا نتريق بالفندق....وكنا قبلها بليلة متفقين مع راعي تاكسي لقيناه واحنا رادين من مطعم حضرموت وكان الاتفاق انه يكون عندنا على الساعة 10 الصبح... والسعر كان 250 رنجنت...

وقال لنا ممكن اييب زوجتي معاي ... قلنا له اوكي .... يبي يونسها شوية.....:ggdw:

المهم...يات الساعة 10 والريال ماتصل ولا في خبر عنه... اتصلنا له قال زوجتي بالمستشفى وماقدر اييكم...:eh_s(14):...طبعا زعلنا في البداية ولكن يمكن تكووون خيرة لنا....

طلعنا من الفندق ندووور اي احد يودينا... ولقينا اكثر من واحد بس اسعارهم نااااااااااااار... اقل واحد قال 350 رنجنت...

كان عندنا كرت حق شركة سياحية عربية...اتصلنا عليه وطلع عراقي وقال انه بيوصلنا على 300 رنجنت روحه وانتظار ورده...

المهم وصل عندنا الرجال على الساعة 12 الظهر وتوجهنا الى افاموسا على بركة الله....

وكان الطريق زحمة في هذا اليوم بسبب راس السنة الصيني....

بس بصراحة السواق محترف من الدرجة الاولى وصلنا الى المنتجع بوقت قياسي... تقريبا ساعة وربع مع الزحمة... ذكرني بسواقة الخليجيين من يعدوووون من الطريق الممنوع ....:rerrerek:

بعض الصور واحنا بالطريق....واللي لفت انتباهي الجامعة الاسلامية والنفق الطويل بو 4 كيلوووو ويسمى الطريق الذكي Smart Way ....



مدخل النفق



الحمدالله وصلنا بالسلامة الى المنتجع...

مدخل افاموسا..



ملاحظة: على الاقل لازم يكون وياكم يا جواز السفر ولا البطاقة الشخصية حق اي واحد ولا اي شي يثبت هويتكم للدخول للمنتجع... احنا من حسن حظنا ماكان ويانا الا الكريدت كارد ... والحمدالله دخلنا...







وهذا مكان للحرب والقتال ....مكان عجيب بس مالحقنا عليه ... انشغلنا في السفاري وصكروا... ان شاء الله المرة الياية....



وهذا مكان لعب الغولف.... ممكن تاجر سيارة صغيره ودوووور فيها .....



وهذي بعض باصات السيااااح .... المكان كان زحمة



صورة الفاتورة وتبين فيها رسوم الدخول مع الاكل... 90 رنجنت للشخص في السفاري فقط...

طبعا كل ما اخترت اكثر من باكيج بتكون اغلى ... عندكم باكج السفاري او السفاري والمدينة المائية او السفاري والمدينة المائية والكرنفال وعروض الكابوي... وانتوا بكيفكم اختاروا الي تبونه....وكل شي بسعره....



وهذي الاسويرة للدخوووول ....



مدخل السفاري....



خريطة توضح منتجع السفاري....



اول ماتدخلون ... بتحصلون كاونتر صغير على اليمين تعطونه فوتشر الدخول .... ويخيركم في الاكل الي بالصورة....

هذا اكلي.... برياني دجاج ... بس بصراحة اكلهم مب لين هناك.... الله يدوووم النعمة...



وهذا اكل حبيب قلبي.... عيش ولحم مع مشروب المفضل البيبسي....

​

وهذي صورة انثى الطاووس.... شايفة نفسها علينا.....لوووووووووووووووووول



وهذي صورة ذكر الطاوووس ... ياويلي على الذكر دايما كاشخ على قوله ابوالشبااااااااب...

​

 

[jijita60]

روووووعه كملي تهبل الاي ستي وتصويرج رووعه

ان شاءالله حاطتها ببرنامجي بروح مع ريلي قريب ان شاءالله
من مدحج ومدح احلى همبه فديتكم*

انتي الروعة يا كل الغلا...

مشكورة على مرورج

وان شاء الله تروحين وتستانسين وتردين بالسلامة​

 

[jijita60]

بسالج قلتي انه الروحه والانتضار والرده مع السايق غاليه اهو كم الفروض متوسط السعر !!

شوفي حبيبة قلبي....

على كثر روحة ابوالشباب وروحتي لماليزيا... المفروض التاكسي ياخذ على كل ساعة تقريبا 25 رنجنت... وانتي وشطارتج ....

يعني متوسط سعر الاي سيتي تقريبا لمده اربع ساعات 100 رنجنت...

واي سوال حبيبتي انا حاضرة...

انتي تامرين غلاتي...​

 

[jijita60]

صور من داخل السفاري... ان شاء الله تعجبكم....



عرض الكابوي المصغر...ويبدا على الساعة 2:15 لمده نص ساعة تقريبا...











بعد عرض الكابوي توجهنا الى عرض الحيوانات ... ويبدا الساعة 3 العصر لمده نص ساعة بعد.. وفي عرض يبدا الساعة 11:20 الصبح..









عقبها رحنا لافضل عرض الا وهو عرض الطيووووووووور.... وااااااااااااااو روعه لايفوتكم....

يبدا العرض الساعة 12 الظهر وفي عرض ثاني يبدا على 3:45 ولمده نص ساعة ...



وهذي صورتي مع الببغاء الابيض وهو ماخذ 10 رنجنت يجمعونها لمساعدة الاطفال....



وهذي شبعت تصور من الجمهور....









وهني دخول الطيور الراهية والكلاس....









خلصنا من عروض الطيور ورحنا الى عرض الفيلة.....​