رحلتي الى دبي (نوفمبر 2010)

[9aBa]

السلام عليكم ورحمة الله وبركاته

ان شاء الله بهالموضوع راح احطلكم صور رحلتي الى دبي واللي كانت بالتحديد من 30-10 لي 3-11-2010

اول شي السكن .. سكنا بشقة فندقية تقع على شارع الشيخ زايد .. اسمها Ramada Down Town Dubai
قريبة حيــل من دبي مول .. تبعد عنه تقريباَ مسافة 5 دقايق مشي .. وهم قريبة حييل من محطة المترو (برج خليفة -دبي مول ) والحلو فيها انه عندهم توصيل مجاني من الفندق نفسه حق دبي مول و المترو يعني يوفر عليكم اسعار التكاسي

ملاحظة: الغرف العادية تطل على المباني .. والغرف الثانية اللي اسعارها اغلى شوي .. تطل على برج خليفة ونافورة دبي

الفندق من بره

صورة غرفة النوم

الصالة

مطبخ تحضيري صغيير .. وفيه غسالة وفرن كهربائي

اطلالة على حمام السباحة الخارجي

احنا خذينا الغرفة العادية .. وكلفتنا 49 دينار بالليلة مع ريوق حق شخصين

يتبع
​

 

[9aBa]

ثاني يوم رحنا الاكواريوم

كلفتنا التذكرة 100 درهم للشخص الواحد وتشمل على:

1. مشاهدة النفق المائي
2. مشاهدة الاسماك والحيوانات
3. رحلة بالقارب واطعام الاسماك

ملاحظة: لكل تذكرة قيمتها 100 درهم تحصلون على 20 درهم قسيمة شرائية تشترون منها اي تحفة تعجبكم من الاكواريوم

سبحان الله !!

يتبع
​

 

[9aBa]

ثالث يوم ركبنا Th Big Bus

كلفتنا الرحلة 220 درهم للشخص الواحد .. و الرحلة كانت طويلة وايد ومتعبة .. بس الصراحة استمتعنا فيها .. استغرقت الرحلة حوالي الـ 10 ساعات .. من الساعه 9:30 الصبح بتوقيت الامارات الى الساعة 7:30 بليل بتوقيت الامارات

الرحلة تشمل خطين:

1. خط احمر
2. خط ازرق

الخط الاحمر يغطي المناطق السياحية والمولات اللي بدبي القديمة
والخط الازرق يغطي المناطق السياحية والمولات اللي بدبي الحديثة (دبي اليوم)

المناطق اللي تغطيها الرحلة:

ديرة ستي سنتر - مركز وافي - برجمان - دبي مول - فيستفال ستي - مول الامارات - اتلانتس - ميركاتو - سوق مدينة الجميرا - شاطيء جميرا - خور دبي - سوق دبي القديم - سوق الذهب - متحف دبي - قرية التراث - منزل الشيخ سعيد آل مكتوم

+++ ملاحظة تشمل تذكرة The Big Bus ساعة كاملة من الابحار المجاني عن طريق Dhow Tour Cruise + زيارة مجانية الى متحف دبي + منزل الشيخ سعيد آل مكتوم +++

بعض الصور التي تم اخذها من الباص

فندق رافلز تابع لـ وافي

صورة لمحطة المترووو

يتبع
​

 

[9aBa]

Cruise Tour At Khour Dubai

مثل ما قلت ان الرحلة مجانية لمدة ساعة عند شراء تذكرة الـ Big Bus

مدخل الـ Cruise

بعض انواع السفن

بعض المناظر

اعتقد انه سوق دبي القديم

يتبع​

 

[9aBa]

متحف دبي

المتحف جميل جداً وكبير ما شاء الله .. من الاماكن اللي تستحق المشاهدة من وجهة نظري .. ما صورت وايد صور فيه ولو تلاحظون ان الصور ما فيها تنويع وايد لأن بطارية الكاميرا خلصت علي وحسافة ما قدرت اصور =(

يتبع
​

 

[9aBa]

رابع يوم زرنا الـ Dragon Mart

نبذة منقولة عن سوق التنين:
يعد "سوق التنين" الصينى البالغة مساحته 150 ألف متر مربع أكبر تجمع للمنتجات الصينية خارج الصين، حيث يوفر قائمة واسعة من البضائع الصينية تحت سقف واحد. ويضم السوق المصمم على شكل تنين 3950 متجر توفر خدمات البيع بالجملة والمفرق لمجموعة واسعة من المنتجات الصينية بما فيها الأدوات المنزلية والقرطاسية وأجهزة الاتصالات والصوت ومواد البناء والمفروشات والألعاب والآلات والمنسوجات والأحذية وغيرها. كما يضم السوق مقاهي وغرف للاجتماعات ومركز تجاري وموقف سيارات يتسع لأكثر من ألفين وخمسمائة سيارة. كما يوجد به مكائن للصرف الآلي لمن يحتاج الحصول على النقد. وتجدر الإشارة إلى أن معظم المحلات أن لم يكن جميعها لا تقبل التعامل إلا بالكاش.

يقع على طريج دبي - العين ويبعد مسافة 30 دقيقة تقريباً عن وسط دبي

صورة للمول من الداخل

صور من محلات التحف

صور من محل يبيع مواعين

هذا محل مثل كارفوور اسمه آشان .. يبيع اكل وملابس و الكترونيات

يتبع

​

 

[الباسمه]

ماشاء الله
عليج بالعافيه
انا لما اروح الخبر ما اسكن الا بفندق رامادا يعجبني
بس بغيت اسألج شلون الفندق بدبي حلو؟ وشلون خدمتهم؟ واللوبي وشنو المطاعم اللي فيه

 

[@الليدي لين@]

يسلموووو عالتقرير الحلو



اعجبتني الشقه وايد حلوه وسعرها حلو


متابعه ,,

 

[9aBa]

خامس يوم رحنا مجمع تايم سكوير اللي تقع فيه المدينة الثلجية

Chill Out

ثلــــــــــج داخل .. درجة الحرارة 6-

كلفتنا التذكرة 60 درهم للشخص الواحد + مشروب مجاني ساخن عند شراء التذكرة

المدخل

الجاكيت والجوتي والقبعة ينلبسون قبل الدخول

بعض الصور

حتى الليتات مغلفة بالثلج

منيو الاكل

تذكرة الدخول

** مادري ليش اكو صور تطلع مقلوبة .. مو قادرة اعدلها.. سوري


محل هيلوو كيتي بمجمع تايم سكوير عجبني المحل جان اصوره

يتبع

​

 

[رنيم q8]

ناطرينج

تقرير رائع

 

[9aBa]

مردف سيتي سنتر
سيتي سنتر اليديد .. فتح بــ 22-3-2010

يعتبر بعيد نوعاً ما عن Down Town Dubai وفرق وايد بينه وبين سيتي سنتر القديم .. اليديد حده روعة وكل شي فيه .. وحبيته وايد يمكن لأنه اكثر مجمع لقيت فيه اماراتيين مو نفس المجمعات الثانية كله اجانب

من الخارج

من الداخل

بعض المحلات والمطاعم

يتبع

​

 

[ميرا ميرال]

يعطيج الف عافيه عالتقرير الروعه

وتتهنين انشالله

 

[9aBa]

مقتطفات من دبي

سوق البحار - دبي مول

برج خليفة

سوق نايف

محل بسوق نايف

لوبي الفندق : صورة سقطت سهواً

 

[9aBa]

تم الانتهاء من التقرير ولله الحمد.

انتظرونا بالتقارير القادمة باذن الله.

جاهزين للرد على الاستفسارات

:bye22:​

 

[ليان حياتي]

رد : رحلتي الى دبي (نوفمبر 2010)

خوش تقرير تسلم الايادي

 

[::: زووغة :::]

رد : رحلتي الى دبي (نوفمبر 2010)

ماشالله خووش رحلة ودبي صايرة رووووعه وفندقكم حده عجيب

 

[هديه الكويتيه]

رد : رحلتي الى دبي (نوفمبر 2010)

الحمدلله على السلامه
ويعطيج الف عافيه عالتقريـر الحلــو متعتينا صراحـه
وثانكس

 

[نسكافيه بالحليب]

تقريرج حلو وعليكم بالعافية حبيبتي

 

[يا عيون سمي]

واااااااااااااااااااو روعه بصراحه حمستيني اروح عاد ريلي يقولي اختار ماليزيا او دبي

بس جم كلفتج السفر

وتسلم ايدج على التقرير الحلو​

 

[eman84]

خووووووووش تقرير عساج عالقوه يارب

وعليكم بالف عااافيه