رحلتي الى شرم الشيخ بالصور ..

[بتبوتااا]

السلام عليكم ورحمه الله وبركاته
شلونكم حبيباتي انشالله بخير؟؟
براويكم صور من رحلتي الى
شرم الشيخ
وبصراحه حيل حيل استانست وكانت رحله جدا ممتعه
بغض النظر عن المصخره الي صارت بسبت السفريات
المهم بقولكم بختصار الي صار ويانا
هالسفره يت فجاه كنت قاعده ولا ريلي يقول لي بنسافر
قلت له اوكي على بالي يتغشمر
ولا من صجه وقمت ولبست ورحت وياه مكتب سفريات
المصخره الاولى طيران الكويتيته مافي حجز.. كان فل
ولا يقول لنا الموظف روحو بالجزيره انا ما رضيت ولا يقول لي ريلي كلام واقنعني بصراحه
قال لي الي كاتبه الله بيصير لاتخافين المهم العوض ولا القطيعه خنسافر بس اغير جو
حجزنا حق الطيران الي بتاريخ 4/9 على اساس عشره ايام نرجع اول يوم رمضان الي
بتاريخ 13/9 المهم حجزنا حق الطيران الحين نبي نحجز حق الفندق
كنا نبي غرفتين دبل (( يعني غرفتين داخل بعض علشان انا ماخذه معاي الخدامه))
غرفه بسرير وغرفه بسريرين ماكو الفنادق كلها فل
شنسوي ؟
قاعد الموظف ويدور لنا بالفنادق قال لنا في فندق اربع نجوم اسمه كهرمانه
بخليج نعمه قلنا اوكي احجز وحجزنا والحمدلله ويه موعد السفر وسافرنا
وكانت الرحله بالطياره عاديه يعني مو ممتازه ولا ميح نص ونص
وصلنا شرم الشيخ الساعه 3 احنا بالمطار هناك خذينا تاكسي ورحنا الفندق
اول مادشينا الفندق حسينا بغمته وكآبه قعدنا ساعه عند الرسيبشن
المفاجأه انه ثلاث نجوم @@ امممم طوفناها احنا
الحين نبي نروح الغرفه نبي نتسبح نريح شوي
المهم مشينا مشي لمن هلكنا وشيل الجنطا واليهال واحد يبجي
وواحد يحن واحنا ماشين الممر كله زهيويه ميته @@
استغفر الله حاشتني ابو الكآبه قلت له ما ابي هالفندق خنغيره شنو هذا
قال لي الحين احنا خنريح وبعدين يسير خير
دشينا الغرفه !!
الكبت مكسر التلفزيون بس روتانا سينما!
والثلاجه الي داخل الكبت اذا بطلتي باب الكبت يبطل معاج باب الثلاجه شكوو؟
الليتات محترقه وع وع وع حسافه عليه موقعه بصراحه
نمنا اول ليله وثاني يوم دق ريلي على السفريات بالكويت وقال لهم حال الفندق
وانه ثلاث نجوم نبيكم تغيرون لنا الفندق قالو له اوكي ودق علينا بعد ساعه
المهم دق عليهم بعد ساعه وقالو له خلاص اخوي احنا غيرنالك الفندق روح فندق رويال بلازا
خمس نجوم شلنا اغراضنا ورحنا الفندق الثاني
بصراحه فررررررررق كبير اهني حسيت بوناسه ولما وقفت عند الرسيبشن ولا اربع نجوم
المهم طوفناها عادي يعني الفندق جيد وقاعدين يبنون فيه بس استانسنا يعني
عكس كهرمانه ب 180 درجه
واستانسنا والحمدلله وبخليكم مع الصور ..

هذي الطياره صورتها من مطار الكويت

وهذي غرفه الكابتن..

واهني بالطياره لما قربنا شرم الشيخ قعدت اصور المناظر..

والحين وصلنا المطار وركبنا التاكسي وصورت راعي التاكسي لوووول ..

اهني الفندق الثاني رويال بلازا ماصورت الفندق الاول كهرمانه لانه يلوع الجبد ..

واهني الغرفه ..

واهني طلبت بيبي بيد سرير صغير حق بنتي ..

يتبع ..

 

[رقي]

الحمدلله عالسلامه
يلله كملي

 

[بتبوتااا]

وهذي الغرفه الثانيه ,,

واهني مصوره التلفزيون شكوو مادري خخخخخ

وهذا الممر وعيالي واهم شي خدامتي

اهني طالعين وهذي بصعض صور من طلعاتي ..
شكل الشيش حلوه صورتهم وهالتحف عجبتني بعد صورتهم..

وهالمكان وايد حلو بانوراما شرم فيه فوق استعراضات وعشا وجو مو طبيعي على الجبل

وهذا الكافيه والديسكو مالهم على شكل قيثار طبعا لازم كبلز الي يدخلون له ..

واهني فرايديز

يتبع
....

 

[جكورة]

[grade="0000FF 32CD32 4169E1 008000 00BFFF"]حمــــــدلله على سلامتــــج

وبإنتظار البقيـــــة...[/grade]

 

[الاسطورية]

متابعتج واي ماساه الاول
نبي السوق وينه خخخخخخخخ

 

[بتبوتااا]

وهالمكان اسمه الف ليله وليله فيه ثلاث قاعات قاعه عروض سيرك وقاعه سينما وغير الاسوقه الي
داخل وفيه مثل مسرح فيه عروض ودي جي وواحد يغني وعشا يعني مكان حلو ..

واهني رحنا عشا بدوي صورت فيه وايد
بس الصور طلعت مو واضحه بس خوش رحله تهبل ماخينا رحله على الجبل
فيه فعدات بدويه وعروض رقص والجو فضيع وصورت هالضيف ..

وهذول استقبلونا ..

وبنتي مستغربه ههههههههههه وولدي يحوس وراهم ههههه

واهني السوق التجاري القديم فيه شغلات تهبل والمكان هذا روووعه
فيه كل الي تبين

وهذا خليج نعمه الشارع الي يكون بيسارج ويمينج كله قهاوي ومطاهم واسوقه

وهذول تذاكر السينما حق فلم مرجان احمد مرجان الفلم واايد حلو ويضحك

ودشينا فلم كده رضا حق احمد حلمي الفلم قصته حلوه س مايضحك وايد

واهني الملاهي صغيره حيييل وهذا البايخ فيها

وانشالله بنزل باجي الصور بعدين حدي تعبت
وابي رايكم وردودكم

 

[.]

الحمدالله ع سلامتج..

اكثر شي عجبتني الافلام..

 

[الاسطورية]

تونس بسالج عن الزحمه وايد؟
تحسين صج جور مصر واستغربت ان كده رضا مايضحك وايد
متابعينج

 

[b6o6a]

وناسه بس الفندق وااي زين بدلتوه

انا كنت ناويه اروحلها وغيرنا ورحنا دبي

جني تحسفت راحو علي الافلام

ناطرينج

 

[شهووده]

الحمدلله على السلامه بتبوتاا ..

وعليكم بالعافيه ..

خوووش صور ..

بس ترى فندقكم الثاني 5 نجووم ..

جيكي الصوره تحت اسمه .. :eh_s(6):


متاابعينج ..

 

[بتبوتااا]

الحمدالله ع سلامتج..

اكثر شي عجبتني الافلام..

والباجي مو حلوين

تونس بسالج عن الزحمه وايد؟
تحسين صج جور مصر واستغربت ان كده رضا مايضحك وايد
متابعينج

لا لا كلش مو نفس مصر شرم الشيخ جنها ديره اوربيه كله اجانب ومافيها شحاتين
وناسها راقيه حيل وفلم كده رضا حلوو يعني قصه حلوه

وناسه بس الفندق وااي زين بدلتوه

انا كنت ناويه اروحلها وغيرنا ورحنا دبي

جني تحسفت راحو علي الافلام

ناطرينج

هلا حبيبتي روحي لها السنه اليايه وعشر ايام كافي عليها طبعا ان نظمتي البرنامج الي بتمشين عليه
واذا تبين اي استفسار من هناك انا حاظره حبيتبي ..

الحمدلله على السلامه بتبوتاا ..

وعليكم بالعافيه ..

خوووش صور ..

بس ترى فندقكم الثاني 5 نجووم ..

جيكي الصوره تحت اسمه ..


متاابعينج ..

ههههههههه اي انا ناطره احد يلاحظها اهم حاطين انها خمس نجوم
سألت الرسبشن قالي اربعه قلت له ليش حاطين بره خمسه قالي دي علشان تنورونا
خخخخخخخخخخخخخخخخخ وشاكرتلج مرورج ومروركم حبيباتي

 

[زيـنـه]

عليكم بالعافيه .. خوش صور .. بس مثل ما قالت الاخا الفندق 5 نجوم .. و مو بكيفهم يغيرون الريت من اربع نجوم لي خمس .. الظاهر كان يتغشمر معاج اللي بالريسبشن .. لان هذه سوالف المصريين

طرتي على الجزيره ؟؟ شلون الرحله ؟؟ و جم تذكرتهم ؟؟

 

[رفرف]

متابعتج

ماحب مصر بس قلت اخذ طلة يمكن اغير رايي ...

 

[بتبوتااا]

عليكم بالعافيه .. خوش صور .. بس مثل ما قالت الاخا الفندق 5 نجوم .. و مو بكيفهم يغيرون الريت من اربع نجوم لي خمس .. الظاهر كان يتغشمر معاج اللي بالريسبشن .. لان هذه سوالف المصريين

طرتي على الجزيره ؟؟ شلون الرحله ؟؟ و جم تذكرتهم ؟؟

هلا حبيبتي والله ما ادري يجذبون ولا من صجهم

اي انا طرت على الجزيره الرجله عاديه يعني زينه والله اانا توقعتها سيئه بس الحمدلله زينه
بالنسبه للاكل اذا بتاكلين بفلوس الصمونه بدينار بس ما انصح فيها تلوع الجبد والسماعات بنص دينار يعني
اي شي بفلوس
بالنسبه للتذاكر الكبير كان 130 والي اصغر من سنتين ب 15 دينار وفي اوقات تحصلين التذكره ارخص
بوايد يعني لو تحجزين من النت ارخص وساعات يكون في عروض التذكره بجينارين او سبعه او 16 على حسب بس ترى الجزيره تنفع حق السفر للدول القريبه
واي استفسار بعد انا حاظره

متابعتج

ماحب مصر بس قلت اخذ طلة يمكن اغير رايي ...

لا لا لااا شرم الشيخ مافيها زحمه ومنطقه راقيه حيل وتنفع حق سياحه 10 ايام بالكثير
بس ترى غير القاهره انتي روحي وجربي وانشالله تستانسين هناك

 

[SILVER ROSE]

الحمدلله ع السلامة

مراحتي بالراشوت والا البقيات

والا ننطر باجي التقرير

 

[بتبوتااا]

هلا والله حبيبتي لا للاسف البارشوتات مارحت والبقيات مارحت لانه معاي عيالي واخاف علىهم من الغبار
وما احب اخليهم بروحهم

 

[بتبوتااا]

تابع ..
اهني رحنا كلينا كشري وشرينا عصير قصب عجـــــــــــيب :eh_s(15):

واهني طلبت لي عصير فراوله فرش لذيذ
وريلي طلب له كوكتيل ..

وهذا العطار يحليله يلعب مع بنتي وصورته وخذيت منه دوا حق عوار العظام وااايد زين ماشالله

وهذول بكل مكان الوحده بعشره جنيه يعني نص دينار ويقدر يكتب فيها الي تبين..

واهني مقهى ومطعم الي شربنا منه العصير ..

واهني محل عصير القصب زحمه عليه ..

واهني موقف التكاسي ..

يتبع ..

بس باجر انشالله لاني تعبت:eh_s(22):
وبروح اطبخ حق بو العيال والعيال :eh_s(20):

 

[رقي]

يعطيج العافيه
انا متابعه رحلتج

 

[زلابيا]

الحمدالله عالسلامه بتبوتاااا ..

ودي اروح شرم بس اخاف اتكون مثل القاهره وانا ماحبها كلش

يالله ناطرين الباجي

 

[بتبوتااا]

يعطيج العافيه
انا متابعه رحلتج

هلا والله حبيبتي لحد الحين ماخلصت باقي بعد صور

الحمدالله عالسلامه بتبوتاااا ..

ودي اروح شرم بس اخاف اتكون مثل القاهره وانا ماحبها كلش

يالله ناطرين الباجي

لا لا حبيبتي زلابيا شرم كلها اجانب وكل واحد بحاله بالعكس والله شرم تهبل وراقيه
ومو نفس القاهره