رحلتي بإذن الله الى فينا زلمسي ميونخ

[رسلان العجمان]

مرحبا بنات
أنا بحجز ان شاء الله مع قروب سفريات المستقبل
بتاريخ 27 / 6
وحددوا لنا
5 ايام فينا في فندق هلتون فينا
4 ايام زلمسي في فندق ليفنق ماكس
5 ايام في ميونخ في فندق مارتين
سؤالي شرايكم بالفنادق
وشنو احسن الاسواق والمطاعم والاوت لت
في كل منطقة
ناطرتكم

 

[اخت خالتهم]

حلوو ميونخ 4 ايـام
بس نصيحة زلمسي 6 ايام او 7
و فينيا 3 او 2كـافي و فيينا تقريبا نفس ميونخ و ميونخ احلى من فيينا بوجهة نظري

زلمسي وطبيعتها و اجوائها الريفية الراقية وايد احلى

 

[رسلان العجمان]

يسلمو حبوبتي
بس ابي احسن الاسواق

 

[اخت خالتهم]

رسلان الاوت ليت في ميونخ حلو
والله ناسية الاسواق و المجمعات
عندج بسالزبورغ جنه في آوت ليت اذا ماخاب ضني يم زلمسي

 

[اخت خالتهم]

بزلمسي في مطاعم و في نصها في سوق صغير و محلات اشوية وايد حلوو
في محل يم مطعم مال باستا هالمحل يبيع شالات واايد حلوه

 

[رسلان العجمان]

مشكورين يالغوالي

 

[_زينه_]

افضل وارخص سوق من اللي ذكرتيهم ميووونخ طبعا شي اكيد

شوفي بميونخ عندج ساحه مرينا بلانتز بالنقلش جذي Marina plants هذا فيه كوف هوف الشهير بدايه الساحه كوف هوف محل كبير و حلو انصحج فيه و يمه C&A المشهور بس بالنسبه لي طاح سوقه خلاص ما فيه شي و هالشارع طويل كل شي فيه بس بقولج عن محل اسمه ناسيته بس يصير بالشارع من البدايه مجابل كوف هوف بالازرق اسمه و بدايه الحرف Dulcya الاسم جذيه يشبه له هذا المحل لا يطوفج العطورات بنص الاسعار و عندهم عطورات ممثلات هووليود موموجودين بالكويت وريحتهم اتينن انا طحت عليه السنه اللي طافت وبروحله هالسنه ان شالله عطورات و رخاص حيل و هم حلوين لو تبين هدايا و لوشووناتهم اتينن عندي واحد لي الحين ما خلص من سنه و رخيص وعندي بعد محل يصير اخر الشارع وين النافوره تنزلين تحت لان فيه محطه و لازم اصلا تنزيلن عشان اتروحين الشارع الثاني هالمحل وين ماكدونلز يمهه في درج نزلي تلقين هالمحل محل للعطورات نفس لطريقه رخيص وعطورات ما تحصلينها بالكويت وبعد شنو ياربي

اي اي شارع ميكس ميليم بالانقلش جذي Maxei meliam هذا شارع الماركات كل الماركات فيه لا تروحين له اب تكسي ترا قريب يم شارع مرينا بلانتس

و اوت لتهم لا تفكرين تروحين له يلوع الجبد مال ميونخ

اذا بتروحين حق فينا روحي اوت لت فينا اللي يصير مشترك مع هانغاريا جنه اذا ماخاب ظني كبير و فيه اكثر من 200 ماركه

وبعد ياربي اي طبعا زل ام سي مافيها سوق لانها ريفيه فا مابنشرا منها خلي مشتراج كله بميونخ

وان شالله اكون فدتج حبيبتي واي سؤال انا حاضره

 

[قلب عشتار]

اسمة دوغلاس doglase ,وصار الحين مثل المول ادوار وصالونات

 

[عزاااه]

ميونخ واجد ٥. تيام زلمسي شويه عليها ٤ تيام من راي تحطين زلمسي ٦ تيام ميونخ ٤ تيام فينا ٤ تيام

 

[دلوعة أبوهآ]

كثير ع ميونخ 5 ايام
حدها 3 آيام ..!!!


روحوآ سالزبورغ بعد حلوه

 

[رسلان العجمان]

مشكورات ياحلوات
لا خلا ولا عدم

 

[((غلاي))]

ررررفع

 

[دآنة آلرشآيده]

جم طلعو عليج اختي التذاكر والسكن؟

 

[قلبي تركواز]

هذا موقع اوت لت سالزبورغ

مارحت له بس قريت ناس تمدحه

http://www.designer-outlet-salzburg.at/en/mobile/

والاوت اللت اللي قريب من ميونخ في ناس تذمه ويقولون مايسوى