السلام عليكم حبايبي ,,,,,, آسفة وايد على التأخير ز
انا رحت سريلانكا بشهر نوفمبر 2008 على الخطوط السيلانبة ، وصلنا المطار وهو في منطقة اسمها نوقمبو Nugomboo هذي المنطقة تطل على البحر فنادقها لكم عليها شوي يعني مو المستوي اللي يعجبني ( الأخت اللي قعدت ليلة في سريلانكا وقعدت في فنق اسمة بلو أوشن Blue Oceane الفندق مو ذاك الزود بس يعتبر عندهم من أحسن الفنادق في نوقمبو ) ، المهم وصلنا بالسلامة أخذنا تاكسي ورحنا حق كولومبو كنت حاجزة في فندق الهوليدي إن ليلة من الكويت الطريج من المطار حق كولومبو تقريبا ساعة ، أنا حجزت ليلة لأن كنت مخططه حق رحلتي أني ما أقعد في كولومبو لأن في مناطق وايد بره كولومبو أحلي ،الفندق يعني ، في فنادق وايد أهلى منة وراقية في كولومبو أقولكم عليها بعدين ، المهم ثاني يوم أخذنا سيارة ورحنا منطقة أسمها كاندي الطريج من كولومبو حق كاندي تقريبا أربع ساعات الطريج حلو ويونس ، وفي الطريج في حمامات ( كرمكم الله ) مخصوه حق السواح حمامات خمس نجوم فيها مثل سكيورتي وعامل ومقفولة ما يفتحونها إلا للسواح وايد نظيفة ، وطبعا في مطعام واسوقة وتمرون على قرى ،يعنى الصراحة الطريج وناسسسسسسسة وصلنا كاندي يا موحفوظين السلامة وعدل على الفندق( مثل اخوانا المصريين ) كنا حاجزين في فندق اسمة رويال ريجنسي Royal regrncy الفندق أحسن فندق موجود في المنطقة ووايد نظيف ، قعدنا في كاندي يومين ( المنطقة حلوة وايد ، ناسها محترمين ، حضرنا عرض رقص عندهم كان وايد حلو وعجيب بس ناسية اسم المسرح على العموم اللي ناوية تروح العرض تقول حق الفندق ابي رقص شعبي وهم بعرفون في كذا مكان ) ، اليوم الثالث رحنا منطقة ثانية اسمها نوارليا Nuwarliya بينها وبين كاندي ساعتين والطريج لها فضيع فضيع فضيع للي يحبون الطبيعة الجو عجيب وكل ما صعدنا فوق ،( لأن المنطقة في الجبل ) كل ما كان الجو يبرد طبعا هذا غير الشلالات العجيبة ......... أبييية المنظر للحين في بالي طبعا أنا ما أطوف ما أنزل في الماي صرت مثل اليهال من كثر ما كنت مستانسة الصراحة شي ولا في الخيال ....... هذي سريلانكا اللي مو عاجبتنا وكل ما قالو سريلانكا قالو وع ،،،،،، روحو شوفو دريتهم جنة ،،،،،، لا والجو عجيب ما ينحجه فيه ،
نرجع حق نوارليا المنطقة تقولين جنج قاعدة في منطقة أوربية تصاميم بيوتها أوروبي ؛ جوها أوروبي باردة ثلج واللي ناوية تروح تاخذ معاها ملابس شتوية ( عاد انتو مو تاخذون الكبت كلة ) الطبيعة عجيبة على كثر ما أتحجي ما راح أوفيها حقها ،،، يا جماعة الورد اللي أحنا نشترية من محلات الورد الوردة على دينارين أو أكثر هناك عندهم بالشوارع مقطط ما تصدقون ، شفت نوع من الورد اللي أحبة واللة ناسية أسمة وأحنا ما شين في الشارع قلت حق اللي معاي أبيها ، اقطعوها ولا غصنا طولي حتى مصورة أنا وياها ذكري ( ودي أحطلكم الصور بس أغلب الصور انا فيها راح أدور لكم صور أنا مو فيها ( صرت نفسهم أمشي واصور هههههههههههههههه ) شسوي الطبيعة عجيبة وحرام تتطوف من غير تصوير ) الحجي وايد بس راح أتابع معاكم انشاللة وراح أحطلكم صور وانشاللة تعجبكم
_03BA:
