رحلتي لتايلاند بلد الطبيعه والجمال ****

[MyLittleBerry]

شلونكم بنات

انا حاليا متواجده في بوكيت صارلي 8 ايام وباجر انشاءالله مسافره لبانكك بقعد فيها 5 ايام

بالنسبه لبوكيت جزيره حلوه وايد الجو واايد حر بس الهوا بارد يعني شمسهم حاره

بالنسبه ل 9 ايام في بوكيت كانت وايد علينا لان ماخلينا مكان مارحنا الا الجزر مارحت لان وياي يهال صغار ماينفع اروح معاهم انشاءالله المره اليايه

بوكيت جوها حار طول السنه عموما تايلاند كلها انا يايبه حق عيالي نص جم وخاسو من الحر انصح اللي يروحلها اييب معاه عدل صيفي واخف شي

المنتجع اللي ساكنه فيه واللي ماحصلت حجز الا فيه the blue marine resort

موقعه زين بينه وبين البحر شارع

الغرفه حلوه بس الحمام ماله قفل لازم نحبس اليهال بالبلكونه اذا بندش تكرمون الحمام وهقه

السيرفس زين بس ريحتهم خايسه لما ينظفون الغرف تشمين ريحة حيوانات تقولين فيل منظف الغرفه لووول :cxxxp:


بس عيبه اللوبي بعيد عن الغرفه لازم تاخذين توك توك علشان تروحيله وتقدرين تروحين مشي بس فيها نزلة سلالم وايد

المهم

انشاءالله لما اوصل الديره احطلكم الصور والتقرير كامل

ادعو حق ولدي عسى الله يهديه بطريج الرده بالطياره طلعلي قرون علما وصلنا تايلاند مانام ولا ثانيه مع اني مسهرته :dddds:

 

[music_teacher88]

لووول الله يهدييه وينااام

وتردين بالسلامه انشالله


بس بغيت اذكرج مكياج ماااااااك لا يطوفج هناااك رخييص ولا تقولين تقلييد لالالا اهووووه ايينن يعني حرام ترجعين وموشاريه من ماك

 

[MyLittleBerry]

ميوزيك تيجر صج والله طافني اليوم بشوف يعني شكثر فرق السعر واايد

انا اعجبوني جناط التقليد صج حلوين والله ماتحسين ان تقليد والوانهم روعه بعد اسعارهم مورخيصه

 

[شهدQ]

بانتظار تقريرج وهذا الي مكرهني بتايلاند اخياسهم وووووووويع خصوصا بانكوك

 

[mooomooo]

ترجعون بالسلامه من غير حنه ولا رنه ههههه

وناطرين تقريرج

 

[banota]

ترجعين بالسلامة
والله يهدي ولدج
وناطرين التقرير المصور

 

[العياره]

ترجعين بالسلامه
وااااي شوقتيني اروح, انا رحت تايلاند مره وحده وصج عجبتني وحبيتها وااايد حلوه

 

[MyLittleBerry]

بانكوك مجمعاتها تهبل بس على قولتج شهد ترجعييين من رييحتهم استغفر الله لووووعه لما تركبين التكسي

ولا مطاعم الكشكات اللي بالشارع تكفخ فيج ريحة اكلهم ويييييييع


وزحمتة بانكوك تلوع الجبد مارحت ولا مكان ترفيهي بس الاسوقه

تخيلي رحنا مجمع سيكون سكوير ساعه كامله لما وصلنا من الزحمه ريلي حده لاعت جبده زهق واليهال قامو يبجون


بس اسوقتها روووووووووووووعه تهبل ولا الماركات التقليد شييييييي

عقب باجر انشاءالله برد الديره وبحطلكم الصور

 

[بنت عبدالغني شربت]

عليج بالعافيه وتردين بالسلامه ان شاء الله وهالله هالله بالتقارير الزينه

 

[جكورة]

ترجعيــــــــن بالسلامــــة إن شاء الله :RoadRunner:

وبإنتظار التقرير والصور.......

 

[شمع تحترق]

تردين بالسلامه حبيبتي

و عطي ولدج أكتفيد عشان ينام بطريج الرده و ترتاحين

تري انا دايما أسوي جذي مع اليهال

 

[بتبوتااا]

ترجعين بالسلامه حبيبتي وناطرين الصووور وانشالله ولدح ما يأذيج بالطياره

 

[حلا^الكويت]

شلون تايلند

 

[!!الشوق ذباح!!]

مع السلاامه

 

[فوفو التخينة]

حياتي إنتي غلطانة تقعدين 9 أيام في بوكيت ليش ما قسمتى هالأيام على شانغماي 4 أيام و5 بوكيت
ترا شانغماي جبل وباردة ووناسة ولون الخضرا هناك عجيب طول ما إنتي تطالعين تقولين سبحان الله

لا تطوفين دريم لاند في بانكوك عيالج راح يستانسون فيها وايد
وسفاري بعد حلوة حديقة حيوان مفتوحة
روحي مجمع سيام براقون فيه الأكواريوم بالدور الأرضي أحلى من الكويت
وبطريجك تتغدين في كنتاكي بنفس المجمع لأن مكتوب عليه حلال
والأيس الكريم اللي ما أرذكر اسم المحل بس هو مع المطاعم اللي بالدور الأرضي على ما أعتقد بوسطهم

واوووووووووو الله يصبرني ليه شهر 8 لأن بنصيف هناك :33_1185028183::33_1185028183::33_1185028183:

ذكريلنا بأي فندق ساكنين

رحلة موفقة وترجعون بالسلامة

 

[الرشيقه]

تايلاند وبس مع اني ما اواطن اهلها وصخين ومايعين بس الدبره ولا عليها