رحلتي لزلمسي

[اميرة الغيد]

الصيف اللي فات رحت حق زلمسي ابي احط لكم الصور واتمنى تعجبكم بس اذا ماشفت مشاركات ماراح اكمل



يلله عاد قولوا لي رايكم

 

[فناتق^كويتيه]

رد: ظتشبنل

حلو المنظر

بس شنو هذا اسم الدوله والا شنو؟؟ وين صايره هذي؟

 

[اميرة الغيد]

رد: ظتشبنل

عزيزتي violet lady
العنوان كان فيه غلط وانا قاعده اسوي الموضوع بدال ما احط معاينه حطيت حفظ سوررري للجميع
بس العنوان الصحيح رحلتي لزلمسي

 

[اميرة الغيد]

رد: ظتشبنل

أول شي رحنا حق زلمسي من فينا بالقطار وطول الرحله وانا اصور ماخليت شي ماصورته زوجي كان يتطنز علي يقول ماخليتي شي ماصورتيه بس لما شاف الصور اعجبته ان شاء الله تعجبكم لاني كنت اصور وانا بالقطار من ورا الجامه بكاميرا التلفون والحين هذي الصوره خذيتها واحنا بالطريج حق زلمسي بالقطار



هذي صورة الشجر اللي على الجبل منظر حلو واحنا بالقطار مره نرتفع مره ننزل الطريج كله جبال

 

[nice smile]

رد: ظتشبنل

بانتظار باقي الصور

وياريت المشرفات يغيرون الخطا المطبعي

 

[fona]

رد: ظتشبنل

ناطرين باااااجي الصور

 

[جاكليت]

رد: ظتشبنل

زلمسي اجمل بقاع الارض


شوقتيني

 

[اميرة الغيد]

رد: ظتشبنل

بالطريج بدت الطبيعه تحلو اكثر واكثر مع ان الرحلة بالقطار كانت طويله شوي بس ماتحسين بالوقت من جمال الطبيعه
هذي الصورة خذيتها بالقطار بعد ماشاء الله اهمه عندهم بكل مكان جبال وبأعلى الجبال ثلج قاعد يذوب عشان احنا رايحين بالصيف وتشوف منظر الثلج فوق الجبل وهوه يذوب يصير شلال شكله عجيب



اشرايكم فيني اعرف اصور ؟

 

[اميرة الغيد]

رد: ظتشبنل

وصلنا من القطار وخذينا تاكسي حق فندقنا كان فندق new post اللي يضحك بالسالفه ان راعي التاكسي نصب علينا خذانا لفه بكم شارع ووصلنا للفندق وآخر شي طلع الفندق جدام محطة القطار يعني ما كنا محتاجين تاكسي بس لانا ما كنا نعرف شكل الفندق ولا مكانه نصب علينا صاحب التاكسي ، فندقنا مكانه حلو وايد كان يم بحيرة زلمسي ويمه محطة القطار ومحطة الباصات والسوق (طبعا سوقهم متواضع حيل ومافيه شي يسوى)
هذي الصورة للريف في زلمسي

 

[اميرة الغيد]

رد: ظتشبنل

وين مشاركاتكم وردودكم
اذا لقيت تشجيع بحط لكم صور المحمية اللي بزلمسي والشلال (اكبر شلال باوروبا) والارياف
بس ابي ردود لاتزعلوني منكم ، ترى ازعل وما اكمل...............
وياريت المشرفات يعدلون العنوان لانه مارضى يتعدل عندي
يلله ابي همتكم بالردود

 

[toosh]

رد: ظتشبنل

لا لا تزعلين يبا شوفي مع كل صورة بكتب تعليق :dddds:

يلا ناطرينج​

​

 

[rawona]

رد: ظتشبنل

ناطرين باجي الصور ​

 

[اميرة الغيد]

رد: ظتشبنل

الصور اللي حطيتها امس ما ادري وين راحت على العموم بحطها مره ثانية وان شاء الله ماتنلغي مرة ثانية

هذي كانت اول صورة

 

[اميرة الغيد]

رد: ظتشبنل

هذي صورة الشجر اللي على الجبل

 

[اميرة الغيد]

رد: ظتشبنل

وهذي صورة الشلال اللي نازل من الجبل

 

[keeka]

عدلت لج اسم الموضوع يسلمووو خوش صور

 

[اميرة الغيد]

مشكورة ياكيكه ماقصرتي

 

[ChOcoLaTe 'n MarShMaLlOw]

وناسه زلمسي .. بس متروسه عرب

يسلمو على الصور

 

[حمدة الله]

اولا حمدالله على السلامه

لو سمحتي ممكن تقولين جم سعر التذكره ؟؟

وهل هي غاليه ؟؟

وناطرين باجي الصور

 

[Hello_kitty]

حبيبتي ما تطلع الصوووور عندي!!!!!!!!!!