رحلتي لشرم الشيخ بالصور والتفاصيل (( عدته لعيونكم )) ..

[بتبوتااا]

بسم الله الرحمن الرحيم شلونكم حبيباتي وشخباركم

لعيونكم عدت مره ثانيه موضوعي مال شرم الشيخ السنه الي فاتت :ggdw::ggdw:

اول شي حجزنا على طيران الجزيره لانه كان حزت ردت الناس وماكو حجز كلش وحصلنا الجزيره التذكره حق الشخص الواحد 130 وكسور اذا ماني غلطانه وكانت رحله جيده والحمدلله لله وكانت طيارتنا الساعه 11 تطير واحنا قعدنا من الصبح خوو سفر شلون ايينا نوم ههههههههههههههه قعدت من النوم وقعدت اليهال سبحتهم ولبستهم وتسبحت ولبست ويه ريلي كان رايح الحلاق وحطينا جناطنا بالسياره وانطلقنا من منطقه المهبوله الى المطار كان عمي ابو ريلي ناطرنا مع السايق علشان ياخذون السياره وكنا حاطين فيها مفتاح البيت والسياره الثانيه ولمانزلنا ودشينا المطار ولا حضرتي ناسيه الفلوس بالبيت :eh_s(14): كليت زفه حلوه ومحترمه ومو باقي الا نص ساعه وتطير الطياره وعاد اشتغلت الطناقر ولا يدق على ابوه وقال له تعال يبه بروح ايب الفلوس من البيت ولا يقول له ابوه انا اقرب اييبهم لك بسرعه بعد عمري عمي ماقصر راح وياب لنا الفلوس وتمينا ناطرينه واشوه لحد الحين مادخلونا الطياره تمينا قاعدين ناطرين يفتحون الباب




والله ربع ساعه ماطول شفنا سايق عمي مع الشرطي ياين وعطانا الجنطه وراحوو وبطلوو الباب جنهم ناطرين ايي السايق هههه ودشينا وقفنا عند باب الطياره ..



المهم دشينا وقعدنا وناطرين باجي الركاب يركبون وانا مبوزه وريلي يقعد يتحرش يبي يراضيني ويضحكني عاد قلت شلج ماده اليوز يبه سفررررره استانسي زفه تفوت ولا حد يموت :dddds: وطيحت الحطب



وماكان في وايد بالطياره يعني تقريبا 30 شخص وخوو عيالي واحد حنه والثاني يبي يركض بالطياره والثالث يلعب جيم بوي << احسن حل علشان يقعدون عجال وطارت الطياره ..




نطروني لاتباعدون بصغر الصور الباجي

 

[بتبوتااا]

نكمل

وبعد حنه بنتي مو عاجبها الحكره ولا اخذها بحظني واعطيها حليبها ونومتهاا وولدي الثاني قاعد يطالع اخوه وهوه يلعب وقربنا على شرم الشيخ بعد رحله ساعتين وشوي :ggdw:



اخيييييييه تهبل شرم الشيخ نظيفه تينن البحر فضييييييييييع والجو افضع :eh_s(2):

نزلنا من الطياره خلاص ويالنا باص خذانا لي باب المطار وخلصنا شغلنا وخذينا جناطنا وطلعنا بنركب تاكسي
ولا اتذكر العرباااانه مالت بنتي بدونها اضيييييييييع ونرد داخل وننطر بو ساعه على ما خلصو الجناط ولحد الحين ما طلعت العربانه :eh_s(14): وتوه بيروح ريلي يقول لهم ولا ياي السكيورتي ويايب العربانه خذيناها وطلعنا وطبعا كان ناطرنا التاكسي وركبناا .



وصلنا فندقنا كان فندق اسمه كهرمانه نصيييييييييييحه لحد يفكر مجرد تفكير يسكن فيه احنا انخدعنا منه على بو ماكو فنادق كلهم مفولين وقالو هذا احسن شي على شارع نعمه باي وكل شي يمنا ومادري شو
ووقفنا عالرصيف ممنوع يدشون سياير داخل شارع نعمه باي وبينا وبين الفندق تقريبا 15 متر وتخيلو جناط ولويه وكان حر ونشيل الجناط وحالننا حاله لغايه ماوصلنا باب الفندق خلاص انا شايله ولدي والخدامه ماسكه العربانه وفيها ولدي وماسه جنطتين وريلي جنطتين كيار ويانا واحد من الفندق شال معانا وقعدنا باللوبي نخلص اوراقنا انا كلش ما ارتحت للفندق واكتأبت لووووووعه وريحه خايسه :cxxxp: ونظام ماكو مكيف اوووف فوق الحر الي احنا فيه حدنا تأزمنا هلكناا ولاااا بعد طلع فندق ثلاث نجوووووووووم مو خمسه :eh_s(1): ونقول حق المدير انه احنا غلطنا الظاهر بالفندق ولا يقول لا صح هذا فندقكم شلون ماشلون قالو كلمو المكتب الي بالكويت :eh_s(12):
يتبع

 

[بتبوتااا]

المهم قلنا خنريح شوي ونتسبح تالي ندق على السفريات يغيرون لنا القندق وصلنا الغرفه ودشينا امبي صج صج كان ودي ارد الكويت شنو هذا والله حنه على ايام الاربعينات الفرش يغزز وتحت السرير تراب وباب الثلاجه مكسور كل شوي يبطل التلفزيون مافيه الا قناه مصر الاولى وماكو ماي الواحد ياخذ دووش لا صج لوووووعه :eh_s(14): دق ريلي على السفريات وقال لهم ان ماغيرو لنا الفندق بيقدم شكوى ومن هالسوالف قالو له ولا يهمك وبعدها بساعه دقو قالو غيرنا الفندق شلنا قشنا مره ثانيه ورحنا وردينا عالعباله مره ثانيه شيل وحط وامش طريج وركبنا تاكسي ورحنا الفندق الثاني كان اربع نجوم بس ارحم من الاولى بوااااااااااااايد بس هم ما انصح فيه ابد ..



كانت غرفتين كونكت يعني غرفه وداخلها باب حق الغرفه الثانيه وطلبت بيبي بد حق بنتي ..




المهم تسبحنا وصار الليل نمنا ريحناا بعد العناء الطووويل وقمنا الصبح تريقنا وتمشينا شوي رحنا سوبر ماركت شرينا فواكه وككاويات وسوالف حق اليهال والبحر وحوض السباحه والذي منوو ..

وردينا الفندق نمنا وبليل طلعنا تمشينا الجو فضيع ومحد له شغل بأحد طبعا انا نازله خز بهالاجانب اجسام ولمعه وبياض ماشاء الله عليهم احسام مسطره ومششدوده شد ولون واحد :eh_s(14):

وما اقول لكم على شفتهم هناك من اشكال وشنو لابسين عادي تلاقينهم بقطعتين يتمشون ولا شفاف ولا سواريه وفل ميك اب وبليل يبدي الجو تسمعين موسيقى بكل مكان وتحسون انكم بجو ثاني مو جو مصر

لقطات من السوق عجبني شكلهم صورتهم






اكمل بعدين :eh_s(8):

 

[سلطـ زمانها ــانة]

ونااااااااااااسه

حدددددددددي اندممممممممجت مع موضوع وموضوع اختج

الله يووووووووفقكم كلكم

@@ متاااااااااابعه

 

[bnt_7waa]

لووووووول


خووش بااارت

عجبني مثل زفه تفوت ولا احد يمووت

فديته البيبي الي بالحبااسه

تصدقين ماافكر اروح مصر مادري ليش

كملي متابعينج

 

[بتبوتااا]

عنيده خلج متابعتنا ترى في شغلات لا تطوفج

بنت حوا ترى شرم الشيخ غييييييييير ماجنج بمصر وشوفي موضوع فراوله المثبت عنها انا غرامي شي فيه سباحه وبحر وجبال وطبيعه

 

[nero]

خوش تقرير بتبوتا

بس صورج ماره علي من قبل مادري وين


خخخخخخخخخخخخ

 

[ReD^FaNta]

وناسة كملي .. بس بسالج انتي متحجبة ؟؟ لان احس المتحجبات مايستانسون

 

[white**angel]

وناسه شوقتيني اسافر شرم

 

[ام مضاوي]

متابعه بتبوتا

وانا مثل بنت حوا ما افكر اروح مصر>>>بس زوجي يمووووووووووت فيها

وانا شفت صور شرم وااايد حلوه عند اهلنا

 

[بتبوتااا]

نيرو انا عايده الموضوع لوول لانه الصور بالموضوع الاولي ماتطلع

وانا متحجبه حبيبتي والوضع عادي هناك كان في مصريين بنات لابسين حجابات عادي كل واحد بحاله

ام مضاوي روحي لها مره جربي بس لاتطولين عن خمس ايام او اسبوع

 

[نظـــرات حـــائرة]

موضوعج لقيته عن طريق موضوع أختج منولة ..


وموضوع منولة للحين ما خلصته .. بس حده وناسة .. كل يوم لاقية لي قصة واقعية

وخو ماكو شغل عندنـا غير المتابعة وبلاغة الشف

لووول :$

 

[سواري88]

يعطيج العافيه بتبوتا عاد انا قبل قريت موضوع الاول ماكانت طالعه الصور بس اشوا حطيتي غيره :tek:

 

[احترت اعبر]

يعطيج العافية بتبوتااا وناطرينج

 

[دلوعة روحي]

و الله و زادت القصص

مو ملحقين

مادري اقرا شنو و اخلي شنو :dddds:



يسلمو بتبوت :tek:

 

[dalprincess]

حلوه الصور متااابعين

 

[بتبوتااا]

تدرون بعد الحين الكل لاهي ولازم نكثر من هالمواضيع علشان نستانس موو

تسلمون حبيباتي متابعين القصص الواقعيه ونكمل ..

 

[بتبوتااا]

باااااااااااك

بعد مافترينا شوي تعبنا وقلنا خل نتعشى وكنا نبي ناكل شاورما وحسنا ندور على ماحصلنا طلعت مو حلوه تعلج بالحلج :cxxxp:



خلصنا وقمنا كملنا تمشي وناااااااسه تحسين صج بنطلاق يمينج وشمالج كله مطاعم وكافيهات وقهاوي

ومحلات فيها تحف وشغلات تينن خزفيات ..





اهني الهارد روك ديسكوو الي مثلو فيه وايد افلام على شكل قيتار من بره لو تلاحظون قاعد عالطرف عيونه حمر لوووووووول من الكامرا شكله يخرع خخخخخخخخ



وبعدين رحنا قعدنا بمطعم تعشينا ورق عنب ومعمر وكباب وكفته يمي يمي بس ماصورت الاكل
ريلي يعلق علي :eh_s(14):



وبعد هالحوووسه ردينا الفندق هلكانين ..



لايغركم طلع اربع نحوم ولما ردينا الكويت خذينا باجي فلوسنا احنا درينا من الرسبشن قال لنا الخامسه دي علشان تنوروناا بس اقتنعنا بالفندق قلنا ارحم من هذااك مليون مره
ونومت اليهال وتسبحت وتعطرت وسويت جوو وانسدحت عالفراش وطالعنا فلم على روتانا فيه رقص وششت عاد قمت هزيت شووي خخخخخخخخخخ



ويتبع بعد شوي ..

 

[غيـ الناس ـر]

ناطرينج |^_^

 

[bnt_7waa]

بتبووت اي شفت موضوع فش فش عجبني الغوص والبارشوت اذا بروح بروح عشانهم

متابعين وياج ^_^