رحلتي مع الصم ارجو التفاعل

[هاديه وايد]

بسم الله الرحمن الرحيم


اسعد الله قلوبكم يا اعز بنات في المنتدى العزيز :eh_s(7):


بدايه حابه اتكلم عن شغله تخصني اعتقد كلكم عارفييني

انا كتبت مره موضوع عن نفسي

انا من فئه الصم وعمري 21 سنه احب حياتي واحب من جعلني انسانه ربي خالقي سبحانه واحب دولتي العزيزه التي جعلتني مرفوعه الرأس _الكويت_

لكل انسان رسم البسمه والفرحه والابتسامه على وجهي ارسل له كلمه احبك بالله هل تعرفون ان الابتسامه هي احد اسرار السعاده فكنوا اصدقاء للابتسامه

كونوا اصدقاء للقراءن الكريم

كونوا اصدقاء للصلاه لها طعم خاص


انا احمد ربي سبحانه انه جعلني من هذه الفئه كي اعرف قيمه الحياه واشعر بها دون صوت او همس يهمس بأذني

احب محيطي , اسرتي , ابتسامه الفقير والطفل , احب صديقاتي اطال الله في اعمارهم فلهم كل الحب والموده


الحين بنحجى كويتي على قولتهم


بنات غالياتي لمن كنت اقرا ردودكم بموضوعي الاول كنت افرح فرحا كثيرا حتى تسقط دموعي من الفرح


انتو ذهبه وتنحطون عالجرح يبرى هالشي استشعرته خلال ردوكم الفعليه لي

وانا طبقت كل اللي قلتوه وزياده وابشركم الخجل شويه راح عني ههههه مو وايد خصوصا الناس اللي اصادفكم في طلعاتي لمن يشوفوني وانا اتكلم بلغه الاشاره و وايد بنات ايووني هالفتره يسلمون علي ويتمنون بس اني اكون صديقه لهم وخوش بنات ومحترمات الله يخليهم لي وافتخر فيهم


وحاليا قمت اطلع اسوق بسيارتي اللي كنت قاطتها لوووول وقمت اطلع بروحي واتصرف بروحي قبل فتره قبل رمضان بالضبط بأيام صارلي موقف اول مره اروح ستاربكس و اطلب وتحديدا ستاربكس كيفان لمن رحت ودشيت و وصل دوري و وراي بنات و شباب فا دايركت اشرت بايدي ابي اكتب ورقه وقلم وعلى طول الموظفه فهمتني وابتسمت ورحت كتبت طلبي بالورقه و حسستني اني حالي حال الناس بنات لا تسوفون الناس شلون خزوني كلهم كلهم بلحظتها حسيت بأنتصار بداخلي حققته اني عرفت اتصرف بروحي بدون مساعده الاخرين كنت بقمه سعادتي وابتسامتي والناس يطالعوني ومستانسين




ربي لك الحمد على نعمك وابتلاء بعبادك


واشكر ربي على هذا الابتلاء افرحني جدا عندما بلغت سن 20 سنه وكبرت عرفت ان الله اختارني من كل هؤلاء البشر ومن سن العشرون بدأت حياتي الفعليه للتعايش مع هذا البلاء


الحمدالله لك ياربي :eh_s(7):

بعض من رحلتي


هاديه

 

[الصابرة المحتسبة]

الله يوفقج ويسمح دربج

وماشاءالله تبارك الرحمن ان شاءالله نشوفج بأعلى المناصب يارب

 

[الأميرة جوري]

ماشاء الله عجبني فيج ثقتج بنفسج ...الله يوفقج ياااااااااااااااااارب

 

[مباركيه]

الحمد الله وألف الحمد الله على نعم الله
والحمد الله أنج عززتي ثقتج بنفسج
ومثل ماقلتي يجب علينا أن نصادق الإبتسامة لجعل حياتنا أفضل
والله سبحانه وتعالى له حكمة في كل ما خلق وما رزق
وإبتلائنا جميعا بما يسمى إعاقة ... هو أجمل درس في الحياة ألا وهو درس الصبر
تمنياتي لك بحياة سعيدة ومتجددة دائما ..

تقبلي مروري

 

[سهلات يا دنيا]

والله ياختي انا حاسه فيج حيل
عندي بناتي يلبسون سماعات بس وحده منهم حيل حيل خجوله
ماتبي تتعامل مع احد لان كلامها مكسر
تكسر خاطري بس ماابدي حيله

 

[رزمة اوجاع]

الله يوفقج حبيبتي ماشاءالله عليج عندج اراده وعزيمة قويه والله يتممها عليج يارب:*

 

[شادن33]

حبيبتي ماشالله عليج خلي ثقتج بنفسج عاليه وما يهمج رايهم
اعرف وحده نفسج متعمده على نفسها كليا اتسوق وتشتغل وتسوي مشاريع وتسافر للدراسه
عايشه حياتها احسن عن الطبيعين

الله يوفقج اهم شي لاتعتمدين على احد وبس
موقفه

 

[_زينه_]

الله يوفقج حبيبتي ويسعدج

 

[MayOumii~]

حبيبتي هذا كله أجره عند ربج سبحآنه
وربج اذا خذا شي أكيد بيعوضج أحسن منه اذا مو بالدنيآ بتشوفينه بالآخرة

ولآ تتوترين كليا انا الصراحة استانس اذا شفت وحدة مثلج ولآ تتوقعين هاذي شفقة بالعكس هذا احساس بفخر ان في من بنآت ديرتي عرفو شلون يعيشون حيآتهم صح وبإصرآر بالرغم من الصعوبآت الي توآجههم
صج انتي مثآل الوآحد يفتخر فيه
وهذي مو مبآلغة هذا الصج ترى كلنآ نآقصين مهمآ كآن المظهر كآمل

شفت موقف وانا صغيرة وليلحين مو قآدرة انساه شفت بنية عمرها 13 تقريبا لابسة رول وتلعب عند الوآجهة وبالاخير عرفت انها مآ تسمع بس لا تشوفين السعادة شلون على ويهها عرفت ان مو كل وآحد فآقد شي معنآته نهاية الدنيا ومعناهآ التعاسة
حتى حسيتها أسعد مني فوق مآ تتصورين

هالشي سآعدني آنآ .. هالبنية عطتني اصرار الحين كلمآ ذكرتها
بحيآتي وانا كبيرة بشكل كبيــــــــــــر صرت أوآجه كل شي بسعآدة رغم كل المساوئ الي وآجهته (=

موفقة حبيبتي ان شاء الله
وخليج أقوى وأقوى صدقيني بتكوني مستآنسة أكثر من أي أحد ثآني

 

[جذابه بنت ذيابه]

ماشاء الله عليج عسى ربي يشفيج و يعافيج .. دوم مو يوم
و صج اعجبتني ثقتج بنفسسج احلا شي الوحده تكون واثقه من نفسها و الله سبحانه اذا احب عبد ابتلاه


الله يوفقج وواصلي على الاعتماد بالنفس و ماعليج من الناس لو بنلحق نظرات او كلام الناس بنتتتتعب

 

[حلآ الدنيآ]

ربِ يسعدج دوم

 

[~..samar]

ما شاء الله عليج ربي يسعدج ويوفقج ويحفظج ويرفع قدرج ويكتب لج الاجر ..
.
.
خليج قوووية ع طوول

 

[كوريا وبس]

مااشاء الله تبارك الله
والله انه خووش انجاز سويتيه
شنو احسن من ان الواحد يعتمد على نفسه
الله ينفخ بصورتج ان شاء الله ويخليج لاهلج
والله يسعدج دووووم
تقبلي مروري

 

[هاديه وايد]

مشكورين يا اعززز بنات وعلى تفاعلكم

والله يحفظكم جميعا

احبكم بالله

 

[بنوته كيكه]

مشاءالله الله يحفظج من عيال الحرام وبنات ابحرام اختي ترا عادي
طلعي وستانسي هذا اخوي من الصم يطلع وتمشا بروحه ويشتري اغراضه بروحه
وزيد عليج ماعزف لغة اشاره بس عادي وشي حلو وجميل انه الواحد يختلط

 

[ام زهقانه]

مشكوره اختي هايد ووايد انتي ان شا ا الله احسن منا ومني انا
الله يثبتج وهديج علي طريق الحق

 

[عواار قلب]

ماشاءالله تبارك الله
جد تخطيتي مرحلة كبيرة
جميل والله
حلوة الثقة بالنفس بتساعدج حيييل ..
استمري وخلي ثقتج بالله كبيرة وبنفسج
..
الله يحفظج
اصلا لغه الاشارة سهلة بس شوي يبيلها تركيز
سبق واطلعت عليها انا وشفت طريقتكم شلون
والرموز
وكونت اسمي برموزكم :rerrerek:

 

[i'm so happy]

الله يوفقج حبيبتي

 

[سمراء اليل]

انا مثلج بس الفارق بينا ضعف سمع حاد صح البس سماعات بس مامنها فايده اسمع صوت بس لة تجيبولي اغنيه فيها كلمات ما اسمع الكلمات بس الموسيقى ولا احب الاغاني ومستغربه الناس ليش يحبونها الحمد لله والشكر الا اقولج تعالي تعالي فهمي اهلي ما اقدر اعيش براحتي كل ما ابي اروح مكان لازم اخذ اختي ولازم اقعد مع رفايجي المنقبات واهم يسولفون يضحكون ما اسمع شي مجابله الكتب وبس وودي لو افهم سويت قوقعه وسمعي شوي شوي يتحسن وتوني بالكليه ولما باطلب من الكوفي البلشه اقول شنو ابي بصوت عالي وبدون اضافات لان الاضافات مجرد زينه وخساره فلوس علي الفاضي وما قر ماخاى ولا اضافه الا وحطها والقهوه تكلفني 2.250 خسرت فلوسي ورفايجي ما يحبون الكوفي قول لمنو يطلب لي بلشه وانتي تكتبين بالعربي ولا الانجليزي توني اعيش الحريه الحين وامي وابوي يعاملوني مثل الطبيعي بس بالطلعه حاله خاصه ابي بالبيت حاله خاصه وبرا طبيعي ويقولون نخاف عليج تبجين ولا تنخطفين تكفا فهموهم لازم اعتمد علي نفسي وبس طلعت حرتي