رحله تسوق لاغراض المدرسه ( ساعدوني بليييز ) !!!!!

[روري الكيوت]

ٓسلآاآم


كح كح بالبدايه هذا اول موضوع لا تفشلوني :eh_s(22)::eh_s(16)::yaaaaaarb:

انا حاولت اكثر من مره اكتب لسته لاغراض المدرسه

بس للاسف كلا انسا اشياء مهمه

مره كم دفتر او يا مسطره او ملف او طوابع الخ

ابيكم تساعدوني وتقولون لي شنو اشتري

اي شي تحسون انه مهم !

وخصوصاً للصف الثامن

لاني بروح للصف الثامن

فابيكم تساعدوني

للاغراض

من مسطره دفتر ملف اقلام الخ

ابي ارائكم شنو اشتري للمدرسه وشنو ممكن يفدني

لاني متوتره وبعد كم يوم بروح وكل دقيقه خواتي يقولون لي بتشترين هذا

اقول امبيه نسيته

وعلا هل حال ولستتي تقطعت :eh_s(11)::eh_s(16):

كنت ماسكه اخوي الصغير او اكتبها

بليز ساعدوني

ولا تفشلوني

او نورتوا مقدماً

ابي كل شي تكتبونه كل شي يجي ببالكم او تتوقعون انه يفيدني :eh_s(22)::ggdw::eh_s(17)::eh_s(15)::eh_s(7):

لا تبخلون علي

بليييز ساعدوني

او اكتبو نفس لستتكم مالت الاغراض

او عدز الاوراق اللي بحتاجها

 

[زهرة ووردة]

هلا وغلا *,
اول شي الدفاتر :
الاسلاميه +القرآن الكريم = دفتر واحد
العربي = دفترين واحد حق الصف وواحد املاء وتعبير
الانجليزي = دفتر وااحد بس مايتعدى ال100 صفحه لانه الانجليزي ماتكتبون واجد
الرباضيات= مافي لانه في كراسه تمارين
العلوم = مافي
الاجتماعيات = الدفتر المعروف حق الاجتماعيات
واشتري دفتر احتياط بو 40 ورقه

اشتري صمغ وكوريكتر وبرايه واقلام رصاص وألوان شينيه وخشبيه ومساحه واقلام التخطيط يفضل 4 الوان والاوراق الصفر الصغار عرفتيهم واقلام حبر و نصيحه اشتري قلم بو اربع الوان ومسطره 30 سم ومسطرة 15 سم وبث
*,

 

[$صمت المشاعر$]

هيا وناسه انا اول وحده رديت
انا رايحه عاشر ونسيت شنو احتياجات ثامن بس راح احطلج اللي انا اشتريه

اول شي واهم شي الجنطه لازم تكون طبيه تريح الظهر وما تعور الكتوف وبنفس الوقت لازم تكون كشخه
ثاني شي المقلمه لازم تكون كبيره وفيها اقلام سائله واقلام جافه ومسطره وقلم رصاص تعبئه وبرايه وقلم صبوره وصمغ وكوريكتر وقلم تخطيط فسفوري و(هندسه وحاسبه)<<<مو بالمقلمه والوان شينيه وخشبيه وقلم بو اربع الوان الاصلي يحطونه عند المحاسب يجي شفاف بدينار
وبو طقه يحطونه مع باجي الاغراض <<<صايدتهم وانا اختج
والاوراق الصفر المخططين
الدفاتر الكبيره (السيم)>>>للعربي والانجليزي والرياضيات و الفيزيا والكيميا والاحياء (العلوم)
دفاتر الجلده الكبار >>> تربيه اسلاميه والقران والاجتماعيات
مجموعه دفاتر صغيره احتياط
ومافات للاوراق المهمه اللي تعطيج اياها الابله


نفنوف مدرسه تفصال
دلاغات .. جواتي ..لبس العاب تفصال <<<انا افصل لاني احب اكون متميزه اما بالنسبه لج كيفج جاهز ولا تفصال شي راجعلج
اكسسوارات للشعر اساور وتراجي للالعاب
امممم كراسه
اي صح لمن كنت بثامن اذكر ان ابله الرسم طلبت مني كراسه الرسم اللي ورقها قوي
وعلبه الوان عصاره <<?ع قوله الابله انا ما اعرف اسمها
ولعلبه او الصحن اللي تحطين فيه الالوان ومجموعه فرش للتلوين
كراسه موسيقى
ستكرز
امممم مطاره الماي
ومطاره المشروبات الحاره >>>مثل الموكا والهوت شوكليت والنسكافيه والشاي حليب <<<<تصلح حق الشتا
اي صح نوته صغيره تسجلين فيها شنو طلبات الابلات الواجبات <<<عشان ما تنسين لان انا طبعي نسايه وابلتنا العربي قالتلي اجيب نوته عشان ما انسا
ومذكرات حلول التقويم ونماذج امتحانات مع حلولهم
اي صح اهم شي بالنسبه لي ،،العــــطر وكريم الايدين اللي من بودي شوب من مجموعه الكرز او التوت احلا شي ،،،وصابون ورق من الشايع مادري الفايز <<طبعا هالسوالف تكون بجنطه صغيره
اي صح ورق شفاف الخرايط والجلاد والطوابع
اممممم الله يهداج بس في احد ما يعرف شنو يشتري هذا وانتي بثامن

 

[روري الكيوت]

تسلمون

بس مو عن ما اعرف

ضايعه او كلا انسا

او كتبتها او انشقت

ونورتو

 

[$صمت المشاعر$]

سوري حبيبتي مو كان قصدي ان اكتبلج ما تعرفين
بس من من باب الضحك والميانه
العفو حبيبتي ما سوينا شي ها قوليلي اتمنى اني افدتج
واذا تبين شي ما يردج الا لسانج دخلي ع الخاص وطلبي جم روري الكيوت عندنا
اي صح المذكرات اشتريهم من الطالب المبدع

 

[q8sara_]

مآ قصصروآ آلبنآت

موفقهه :**

 

[محضوضـه]

الله يوفقكم

 

[$صمت المشاعر$]

ويوفق الجميع انشاء الله

 

[5L9oNa]

ماقصرو البنات

موفقه

 

[مـنـو قـدي]

موفقه حبوبه ​

 

[روري الكيوت]

تسلمووون والله ما قصرتو

وتسلمين زهره ورديه و صمت المشاعر

ما قصرتو وذكرتوني باشياء كنت ناسيتها


والكل نور

ويا رب كلنا موفقين *

 

[~ FOOSY ~]

انا صراحه ما اكتب لسته ولا شي اروح المكتبه واشوف شنو ابي واخذ