- إنضم
- 1 مايو 2011
- المشاركات
- 85
- مستوى التفاعل
- 0
- النقاط
- 0
في دربكم يا راحلين مناكيــــــف
تالي ليالي القيظ وأول خريفة
ردوا سلام اهل القلوب المواليف
على الوليف اللي نشد عن وليفه
ردوه لعذوق النخيل المهانيــــــف
وعلى القصور اللي بوادي حنيفه
دار لها بالقلب عشق وتكاليف
ياعل عينٍ ما هوتها كفيفــــــه
طبنا وشبنا واتعبتنا المشاريــف
والمرقب العالي هبوبه عنيفـــه
ياواردين العد كفّوا المغاريـــف
اللي بقى دمع هماجٍ ذريفـــــة
والله لو دمي يغيث الملاهيـــــف
قطعت عروقي لين يصفي نزيفة
ياحظ من لاعرف منهو ولاشيــــف
ان طاب يحمدة .. وان تردى بكيفه
وحنا ورثنا العز عظم وغظاريف
لا ماورثنا العز تاج وقطيفــــــــه
بدر بن عبدالمحسن
