ردوا علي من فضلكم..

[خوخة سمسم]

مرحبا بنات

فديتكم انا حامل فالشهر السادس بعون الله

وعندي كحة قووووووويه لدرجة ما انام الليل كلش

واليوم رحت عياده عطاني الطبيب شراب اسمه اميدرامين وحبوب فينتول وبينا موكس

سؤالي اميدرامين اقدر اشربه يعني امان او يضر ؟؟
وانا علمت الطبيب اني حامل..بس خايفه

احد منكم جربه؟؟

تكفون ردوا بسرعه لان ذابحتني الكحة حيييييييييييل

 

[الحــــــلا كله]

دام بلغتي الدكتور ماراح يعطيج شي مو من صالحج

 

[لميس نفسي]

والله يااختي مادري


بس انا اذكر جتني كحه بعد ومنععني الدكتور من اي دواااا


وقال اشربي سؤال حاره على طووول


حتى البنادول لاتاخذينه


انتي افتكي منه


واشربي حليب بالزنجبيل وشوربه وابتعدي عن الاشيا البارده


والله يشافيج يارب

 

[اماسي النور]

حبيبتي الله يشافيج يرأب أنا نفسج ومعاي كحه مؤ طبيعيه لدرجه احس البيبي نزل وعطوني ادويه وملوك فايده ليما وحده الله يجز إها خير قالتلي عن علك البان والطريقة هي تفوحين ماي مع شويه علك لبان وتشربؤنه وادعيلي الله يهون علي

 

[@ام يوسف@]

انا بولدي كحه وصدري حيل تعبان عطاني الدكتور بخاخ كرتيزون وماشاء الله ولدي عمره سنتين اللحين الله يحفظه

 

[ريح قهوه]

خلج على الاشياء الدافيه احسنلج العلاجات ابتعدي عنها وتحملي اذا تقدرين

 

[بعد الغروب]

واااااااي تكفين لا تذكريني آآآه من الكحه انا من حملت وهي ماسكتني كل أدوية الكحه جربتها مافي اي فايدهوالله اخلص الغرشه كلها واجيب غيرها مافي اي تحسن أبداً لين الله سخر لي دكتور ولاده كان بالطوارئ بالليل شرحتله وضعي وقلتله مافي فايده لا كمام ولا ادويه ولا زنجبيل ولا أعشاب عاد قالي روحي مستشفى الراشد مال الحساسيه مو الراشد الخاص لا الحكومي خاص لأمراض الربو والحساسيه عطاني تحويل ورحت والصبح وقالتلي الموضفه خلاص تعالي العصر بنفس اليوم حطتلي الموعد الله يجزاها خير والله ورحت ما شاء الله راعوني لأني حامل وسويلي اختبار حق التنفس وتحاليل عشان انا حامل ما اقدر اسوي اشعه المهم عطاني الدكتور ادويه وقالي تاخذينهم لين توولدين وعطاني حبوب كرتزون قالي اكليهم خمس ايام وبس وعطاني بودره اشفطها باليوم مرتين وشراب اسمه درامولين هذا عجيييب خيال بس كنت خايفه من الكرتزون بس طمني وقالي لا عادي خمس ايام ماتضر وعشان اتطمن سألت دكتوري مال الحوامل وقالي عادي اخذيهم كل الدويه الي كاتبهم لج يناسبون الحامل وحمد الله يارب لك الحمد راحت عني نهائياً الله يجزاه الف خير وارتحت منها انا من الشهر الاول لي الخامس وانا أعاني النوم وا انامه والاكل ارجعه وحالتي حاله والحين انا توني داشه السابع حمد الله بس قطعت الادويه مدام راحت الكحه شبي فيهم خفت كثرتهم ترهق البيبي روحي حبيبتي يعطونج حبوب كرتزون تريحج ترا الكحه تعب البيبي وتسوي ثقب لكيس البيبي اسم الله عليج انا بجري دانه يتني الكحه من الشهر السابع ومن قوتها تشد عضلات بطني وسوتلي ثقب بجيس البيبي ونزل اشوية ماي بس حمد الله تجاوزت الخطر وعالجت منها الله يشفيج يارب ويهون عليج وتولدين بالسلامه

 

[ظل شجره]

طيب شوفي الوصفه اللي بكرتون العلاج

 

[زين ودلال]

انا صار فيني كحه قووووووووووووويه قبل شهر تقريبا بس كلش ماخذيت علاج اخااااف ماحب اخذ ادويه اذا كنت حامل

بس اشرب اشياء دافيه

ماتشوفين شر يارب

 

[ام الحلوااات]

ســــــــــلامـــتـــــك و مــــــــــــــا تـــــشــــــــــوفــــيــــن شــــــــــر