السلام خاشعه لله
حبيبتي الدكتور إنسان مو ملاك يخطي ويصيب
لارا شنو مصلحتها تخرب سمعته لو ما كانت محترقه منه نتيجة الموقف إلي صار معاها
المنتدى للإستفاده بناء على تجارب البنات ومو المفروض نمدح الدكاتره طول الوقت بدون نقد عن الخطأ
والشاطر يفرض نفسه بشغله ونتايجه بدون ما يحط مدافعين ما شهدوا شي
وعندي سؤال لج هل أنتي تحلفين بالله بأن الموقف ملفق للدكتور ؟؟؟؟؟
إذا الإجابه ب نعم وتحلفين ... ممكن توضحين لنا شلون شهدتي الموضوع و هذي تعتبر شهادة حق.
و إذا الإجابه ب لا و لكن إحتمال إنه ما صار بناء على إستنتاج عقلج
فأنا أقول ممكن لو الدكتور يسوي العمليه ( مثل ما قلتي علشان يسحب فلوس أكثر ) فإنه لو سوى العمليه راح ياخذ نفس
المصاريف الي خذاها ويمكن شوي أكثر بس راح تنتهي المشكله ويحلها من جذورها في وقت قصير ومراح ياخذ الي ياخذه ويمص دمهم بفتره طويله
ويستغل حاجتهم وجهلهم بحالة الزوج بعدين يسوي العمليه
ولو كان نظيف مثل ما تقولين جان بلغهم بأنه مراح يقدر يكمل العلاج معاهم بدون ما يذكر إنتقاله لمستشفى ثاني علشان ما يصير سحب مرضى بس يقولهم بسافر عندي مؤتمرأو عندي إجازه وكمل علاجك مع الدكتور الفلاني أنا أثق فيه ؟؟؟
والدكتور الثاني لما علق على علاجه إنه ما منه فايده لحالة المريض شنو مصلحته ؟؟؟ مو المريض عنده أصلا , مو تقولين بياخذه من الدكتور محمد
أتقي الله في لارا
والله ثم والله إني ما أعرف لارا لا من قريب ولا من بعيد ومشاركتي في موضوعها موجوده تقدرين تشوفينها .. مو أكثر من أن حزت فيني ردت فعلج
لا تصيرين أنتي والزمن عليها إحنا خوات ونحس ببعض ونتبادل الخبرات لتعدم الفايده و لوجه الله مو نهاجم بعض بالطريقه هذي لو كان عندج نقد عليها
جان رديتي عليها في موضوعها وتناقشتي معاها ما أعتقد راح تمانع مدام أسلوبج راقي في الطرح.
ومن باب أولى يكون قلبج على أختج إلي إنتي معاها في قسم تأخير الإنجاب و تكونين حاسه فيها أكثر من أي دكتور وتراعين نفسيتها إلي إهيا أهم من العلاج نفسه
أختي خاشعة لله
أنتي أخت عزيزه نرحب فيج بهالقسم
ولكن 5 مشاركات لج ما تخولج إنج تتكلمين بإسمنا أو بإسم القسم نيابة عنها مع إحترامي لج
و نتمنى إنج ما تكونين سجلتي فيه بس علشان تدافعين عن الدكتور محروسة !!!!
وياليت إنج ترجعين عن إلي أنتي فيه
والإعتراف بالغلط فضيله مو عيب أنج إذا شفتي روحج غلطانه إنج تتراجعين عنه وراح يزيد إحترامنا لج أكثر من أول
وتعتذرين للأخت لارا وربي ما يحطج بمكانها ويمر عليج نفس الموقف إلي مر عليها
لأن الدنيا كما تدين تدان ودواره خافي ربج يا خاشعه لربج
أدري طولت عليج لكن أخر ماعندي أقولج
بسم الله الرحمن الرحيم
(يَا أَيُّهَا الَّذِينَ آمَنُوا اجْتَنِبُوا كَثِيراً مِّنَ الظَّنِّ إِنَّ بَعْضَ
الظَّنِّ إِثْمٌ وَلَا تَجَسَّسُوا وَلَا يَغْتَب بَّعْضُكُم بَعْضاً أَيُحِبُّ
أَحَدُكُمْ أَن يَأْكُــلَ لَحْمَ أَخِيــهِ مَيْتــاً فَكَرِهْتُمُوهُ وَاتَّقُــوا
اللَّهَ إِنَّ اللَّهَ تَــوَّابٌ رَّحِيـمٌ ) سورة الحجرات 12
نهـى الله تعالى عن كثير من الظن السوء بالمؤمنين
فـ ( إِنَّ بَعْضَ الظَّنِّ إِثْمٌ ) وذلك ، كالظـن الخالي مـن
الحقيقة والقرينة ، وكظن السوء ، الـذي يقترن بــه
كثير مــن الأقوال ، والأفعال المحرمة فـإن بقاء ظن
السوء بالقلب ، لا يقتصر صاحبه عــلـى مجرد ذلك
بل لا يزال بــه حتى يقــول مــا لا ينبغـــي ويفـعــل
ما لا ينبغي ، وفـي ذلك أيضًا إساءة الظن بالمسلم وبغضه .
