((اسمع صدى صوتك ))
وادورك وين انت.....
واصيح بين الناس
سامعك وينك..؟
ردو علي الناس :
(( مسكين ياأنت))
اللي سمعته..
((بين نفسك وبينك))
الصوت هذا مصدره
داخلك انت!!
في
(( وسط قلبك ))
ساكن نور عينك
----------------------
جالس انا في وسطهم
قاعد ولا اسمع حكيهم
لا تحسب اني عندهم!
انا معك بس جنبهم
متحمسين بهرجهم
ما غير اناظر عيونهم
واتخيلك في وسطهم!
سألني واحد منهم
وش رايك بكلامهم؟
...قلت:العفو
وين قلبي ووين قلوبهم؟!
----------------------
تعبت اكتم قهر حبي
واعاند كل حسادي
ولا ودي احد يدري
حياتي وش جرى فيها
انا من يوم حبيتك
احسه يوم ميلادي
قصايد قلتها لأجلك
كتبتك في قوافيها
وإذا مات الامل فيني
يظل الشوق بفؤادي
وتبقالي حروف اسمك
قصيده دوم اغنيها..
----------------------
آه ياقو قلبك
تجرحني
من
قلب
وتروح
آه قلي بربك
من علمك
درس
الجروح
ما جاك مني يجرحك
وما جاك مني يألمك
ليه القسا قلبك نسى
اتعبتني ...وليه التعب
واجهني لو مره بسبب
قلي
انا وش
سويت فيك
هذا وانا قلبي
عليك
ليه
الجفا وكلي وفا
ليه !!!
----------------------
تشتت بالفكر عقلي
تحيرت ونفذ صبري
نهيت الشوق لا يرحل
وعيا لايطاوعني
حبسته داخل ضلوعي
منعته في قفص صدري
قهرني وكسر ضلوعي
تجاوزها وتجاوزني
يعاتدني ويجرحني
ودايم ما يطيع امري
إذا قرر يجي يمك
يرووح وما يشاورني!!!
----------------------
يهمك تعرف اوضاعي
انا مستانس وطيب
انا مثل البحر تدري
يثور وتركد امواجه
ابد لا يزعجك حزن
بعيني شوفه يشيب
حبيبي هذا هو طبعي
احب الحزن واحتاجه
وتسألني عن اوضاعي
ارد و اقول انا طيب مع
اني بصدق بغيابك
لا طيب
ولا حاجه...!
----------------------
رد علي بدافي الصوت
لا اموت..
عطني حنان الصوت لو
ما تجيني!!
ياليت ما اسمع غير
صوتك ولا صوت..!
صوتك يحرك كل
الاحساس فيني
وش ينفعك لوجتك
,, روحي,, ,,فتابوت،،
،،قالو،، ,, توفى,,
ومطلبه كان
" شوفك "
----------------------
لو فرضنا
الكون بكفي اليمين
والناس بكفي الشمال
والبحر بجوفي اسير
وخادمي ذاك الامير
لو فرضنا
كل ما قلته يصير
وامتلكت الكل بكفوف
الخيال
صدقني بشوفتك ارميهم
جميع
مثل طفل صغير
رمى العابه
يوم قالت امه
" تعال "
----------------------
الا يا صاحبي ليه
القطيعه؟
مع الايام
صارت لك طبيعه!
وانا مدري علامك
يا حبيبي قطعت الصوت
والدنيا وسيعه؟!
هو شغل ولا جفا ولا زعل؟
او ان الكبر
يامرك وتطيعه!؟
على فكره:
ترى الوصل
هو حياة العمر
وهو غاية ربيعه
----------------------
تخيلني وسط صحراء
ونار الشمس تكويني!
تخيل خطوتي حافي
وشوك الارض يدميني
تخيل لحضة انفاسي..
ادور قطره ترويني..ادور غيمه بيضاء
تظللني .. توارينى؟ !!
((ترىهجرك))
مثل صحراء ..
يهون عليك تخلينى ؟ !
----------------------
ياغايب عني لك الحب
ما غاب !!
متى تجي وتشوف همي بعينك !!
ماطاب لي جرح
ولا خاطري طاب !!
متى ايديني تحتضنها ايدينك !!
ياصاحبي لو قالو الوقت كذاب !!
يكفيني كلامك ودافي حنينك !!
لو ان قصدي في الزمن كثر الاصحاب !!
ما قلت " ياساكن الروح "
"وينك "
----------------------
قدرت انساك في
اوهامي
وفي الواقع
تعبت
انساك
قدرت انساك
في
بوحي
وفي
صمتي
الم ناداك
انا اللي
كنت لك
وحدك
وضعت اليوم
من
بعدك
وسط قلبي
نقشت
اسمك
وسط عيني
غدى رسمك
انا بيدي
،،سقيتك حب،،
وانت
بيدك
،،كسرت الكاس،،
----------------------
طاوعك قلبي تخليني
وتروح
وانا احسب اني غلاك
ودنيتك
قلت اني بداوي لك
جروح
مادريت اكثر طعوني
طعنتك
جيت انا عندك وانا كلي
طموح
رحت اعاني من عذابي
وغلطتك
شفني من همي وجرحي
انوح
وانت ناسي واليالي
غرتك
----------------------
وش تقول بشخص
مثلي مات فيك!
حبك لحد الجنون
وما اكتفى!
لونسى عمره وروحه
ما نسيك!
دام حبك نبع صافي
للوفا!
لوتكون بآخر العالم
يبيك!
دام شوفك فيه للروح
الشفا!
كم تمنى في عيونه
يحتويك!
لجل يسري في حناياه
الدفا!!
