السلام عليكم ورحمه الله وبركاته ..
رساله أوجهها حق كل وحده ولا واحد مسجل بنك بنت عيييييييييييب اللي قاعدين اتسووونه وشنو الهدف
من هالمواضيع المنحطه اللي ادل على تربيتكم اتقوا الله تدرون ان كل شخص يمكن يوسوسله
هالشيطان وشاف هالموضوع القذر اللي تحطونه ذنبه عليكم ليوم الدين لان انتوا السبب في انحرافه
لان في بنات توهم اصغار ما تزوجوا او حتى احنا المتزوجات حرام انشوفه نسائل عليه يوم القيامه
ياناس حرام عليكم منتم ناقصين ذنوب الله يهديكم ان شالله " وما يلفظ من قول الا عليه رقيب عتيد "
كل انسان محاسب ولا انتوا ترى ضامنين عمركم ما تدرون لو أن الله أخذ روحكم وانتم على المواقع
القذره فياريت لو عندكم ذره حيا من الله وانتم ربي معافيكم وانتم قادرين تكتبون بأصابعكم اللي رب
معافيكم في ناس ما يقدرون يحركون أصابعهم فاحمدوا ربكم على الصحه والعافيه في من الناس ما
يتحركون ولا قادرين يتحركون فاستغفروا الله من اللي قاعدين تنشرونه وتوبوا لله ..
وياريت مراقبه المنتدى " بنت الكويت " اتفعل دور المراقبات خل ليسووون شفتات عشان بس ينزل
موضوع يلغي على طول ما ينحط الا بعد ما اتشوفونه وياريت بعد اتسووون نفس المواقع الثانيه ان
العضو ما ينزل موضوع الا بعد 70 مشاركه مو من كل هب ودب يحط موضوع ويمشي ..
وياريت تتقبلون ردي وياريت كل عضوه يعجبها هالكلام واتأيده تكتب رساله حق هالفئه من الناس عشان
ما تدرين لو الكلمه اللي تكتبينها ينصلح حال شخص ولج أجر ان شالله
التعديل الأخير:
