رشحولي روايات حلوة .. على ذوقكم الحلو

[AL ANOOD]

صباح الخير ​

انصح برواية ( بيت العائلة ) لسامية سراج الدين بنظري سوف تكون روايتها ولادة نجمه روائية من الطراز الاول , رواية ممتعة جداا وتسلسل الاحداث يشوق ويجعل القارىء اذا وقف عند صفحة محددة لهذا اليوم يتشوق لقرائتها باسرع وقت .​

​

:eh_s(17): انشالله بقرا عنها

 

[AL ANOOD]

انصحج بروايه ( سقف الكفايه )

:eh_s(17): مشكورة بعد عمري ... اعتقد هذي الرواية لكاتب سعودي قبل فترة قرأت عنها بمنتدى ثاني

 

[AL ANOOD]

أنا حاليا قاعده أقرا روايه اوليفر تويست بس ها الترجمه الاصليه للروايه يعني الروايه كامله بتفاصيلها مو مختصره فيها فوق 500 صفحه و صراحه كلمه روعه شويه عليها تهبل و كسر خاطري الولد مع إني شفت الفيلم المقتبس للروايه بس الروايه غير غير تهبل
و بالتوفيق إن شاء الله تحصلين اللي يعجبج

بايات

تشالز ديكينز .. اهنيج ذوقج خطيييييييييييير ..احب الادب القديم تحسينه له مذاق خاص

 

[AL ANOOD]

في كتاب اسمه نسيان كوم للاحلام مستغامني وايد حلو بس يبيله تركيز
وفي رواية كويتية اسمها هذه اخرتك حليوة وعلي بعض الملاحظات

احلام مستنغماتي غنية عن التعريف اكيد
قرات لها فوضى الحواس وذاكرة الجسد .. اما رواية كويتية لأ انسي ما اعتقد تقدر تنافس مستنغماتي او حتى تتقارن معاها
تدرون ليش ؟؟؟؟؟ لان اغلب كتبهم حب وغرام وانا اكره هالنوعية

 

[AL ANOOD]

كل روايات علياء الكاظمي روعة

:eh_s(15): تسلمين على مرورج اللي عطر الصفحة
وثانكس على الترشيح

 

[AL ANOOD]

امممممممم عندك نساء صغيرات وووو حديث الصباح و المساء​

رواية صوفيا بعد​

نساء صغيرات ... قراته من زمان

ثانكس ياحلو :eh_s(17):

 

[AL ANOOD]

حبيبتي .. كمبتدئة ... ممكن أرشحلج رواية خفيفة مثل بنات الرياض للكاتبة رجاء الصانع ...

يقولون انها قوية وفعلا هالرواية ضمن قائمتي :eh_s(17):

 

[AL ANOOD]

حبوبه

انتي شنو ميولج بالقراءه؟

علشان اعرف شنو تحبين وافيدج ...علميني تحبين الادب العالمي او العربي ..ونوع الروايات جريمه او اجتماعيه؟

شوفي الله يسلمج .. انا احب الفلسفة فوق ما تتصورين ..
احب الروايات الغامضة اللي بالبداية تحسين انج مو فاهمه شي منهم بعدين تفهمين كل شي -- لول
احب الادب الروسي اكثر شي قرات لدوستويفسكي - ليو تولستوي - بولغاكوف
:bbbiu: بعد وااااايد بس تعبت ,,, انتي رشحيلي وخل اشوف اللي يعجبني

 

[AL ANOOD]

زهرة الثلج و المروحة السرية ل ليزا سي عجييييبه

و السجينة لمليكة اوفقير

merci ya galby 3l moror el 7alooooo

:eh_s(7):

 

[AL ANOOD]

رواية طعام صلاة حب
رواية بائع الكتب في كابول .. الاسلوب مب مشوق لكن بتعرفين عن اشياء وايد عن افغانستان
رواية اله الاشياء الصغيرة .. اول صفحه ماتشد كلش لكن اذا كملتي ماراح تقدرين تهدين الروايه
سيد الهاوما.. بس فيها الفاظ مب حلوة كلش
عاملة المنزل.. مب ممتعه بعد لكن بترويج شلون كانت حياة السود في امريكا
كفاح طيبة
هذيلن الي فبالي الحين
واذا خطر شي فبالي برجع لج انشالله

طعام صلاة حب ------- احس من اسمها ضمن قائمة الممنوع ... احب هالنوعية ... اذا ما قراتي مائدة لاعشاب البحر لحيدر حيدر اقرئيها انا هالمرة انصحج فيها ---- لووول عكست الاية
من وصفج عجبني كتاب بائع الكتب في كابول ..... احب اكتسب معلومات من هالنوع
ناطره رجعتج تراج وعدتيني ترجعين :eh_s(7):

 

[AL ANOOD]

بالنهاية

والله يا بنات احرجتوني بصراحة كلكم كلفتوا على عمركم ورديتوا
ما توقعت هالعدد واااايد استانست منكم ... واستانست ان عدد القارئات كبير الحمد الله لقيت احد يشاركني هوايتي لاني فاقدة هالشي

عساني ما انعدم ردودكم كلكم

 

[غيدآء]

شوفي الله يسلمج .. انا احب الفلسفة فوق ما تتصورين ..
احب الروايات الغامضة اللي بالبداية تحسين انج مو فاهمه شي منهم بعدين تفهمين كل شي -- لول
احب الادب الروسي اكثر شي قرات لدوستويفسكي - ليو تولستوي - بولغاكوف
:bbbiu: بعد وااااايد بس تعبت ,,, انتي رشحيلي وخل اشوف اللي يعجبني

بما انج تحبين الادب الروسي

عندج روايات هنري ترويا...

عنده رواية آلوشا عن عائله روسيه بالمنفى:eh_s(15):

وعنده سلسلة روايات يعني القصص متصله ببعض

مثل النبيله الروسيه

سيدات سيبيريا

مجد المهزومين

رقائق شقائق النعمان

صوفيا او نهاية المعارك

وقراءه ممتعه :eh_s(7):

 

[3oosh <3 MJ]

طعام صلاة حب ------- احس من اسمها ضمن قائمة الممنوع ... احب هالنوعية ... اذا ما قراتي مائدة لاعشاب البحر لحيدر حيدر اقرئيها انا هالمرة انصحج فيها ---- لووول عكست الاية
من وصفج عجبني كتاب بائع الكتب في كابول ..... احب اكتسب معلومات من هالنوع
ناطره رجعتج تراج وعدتيني ترجعين :eh_s(7):

طعام صلاة حب مب من قائمة الممنوع، بس سيد الهاوما ممنوعه حتى منعوها في سوريا ، مادري شلون زرقت في معرض الكتاب
وانا عند وعدي حبيبتي
عندج الروايات الكلاسيكية، سواءً بالعربي او بالانجليزي
وبالانجليزي اخذ من كتب اكسفورد او بينغوين، واذا تبين الرواية كاملة مب مخصصة حق مرحلة معينه دوري عبارة " complete and unabridged " عشان تستمتعين اكثر ..
وعندج ايا دوي الرعد اسمع صراخي
الامال صارت الاماَ ( ادب تركي )
احلام الياسمين في زمن الرخام
الارجوحة ( سووها مسلسل بس الرواية وايد احلى من المسلسل )
سلسلة هاري بوتر ممتعه اذا كنتي فاضية او متمللة ولحين اعيد قرائتها
هذيلن اللي اذكر انهم عجبوني، وقبل كنت استلف الكتب من المكتبة اكثر من ما اشتري من جذي ما اذكر وايد :bbbiu:
بس.. :eh_s(17): :eh_s(8):

 

[AL ANOOD]

بنت جابر

3ooosh

فديتكم

 

[ليلو جبريت]

هلا والله تو ما نور الموضوع

حبيبتي انا دايما طايحة بموضوعج بس يمكن ما لي ردود لاني احب اقرا اكثر من التعليق

اغلب الروايات اللي اقترحتوها وتكلمتوا عنها عندي وقريتها

وبنفس الوقت في كتب ماعرف عنها شي .. فقلت استشيركم بهالموضوع ..... :eh_s(15):

سؤال ... اي كتاب تقصدين اللي انا مومحصلته ؟؟؟

انف وثلاث عيون

 

[مطيريه ماركه]

روآية دمآء آلآزهآر

 

[(رنين)]

تشالز ديكينز .. اهنيج ذوقج خطيييييييييييير ..احب الادب القديم تحسينه له مذاق خاص

إلا مو بس مذاق خاص إلا لذيذ و مبهر بعد لوووول
مادري أنا أحب الادب القديم أحس قصصهم غير بالذات إني أحب أيامهم و طريقه حياتهم عرفتي
بصراحه الروايات و الكتب اليديده مو قادره استسيغهم مادري ليش مخليه روحي على القديم و لا بعد إذا خلصت الروايه دورت الفيلم مالها عشان أشوف القصه بخيالي و خيال غيري بعد ههههه

و تسلمين حبيبتي

 

[برنسس أوراق]

رواية زوجة الشيطان
لألفريد هيتشكوك

حلوه وفيها غموووووووض وترقب واثااااره

 

[no0oneta]

سقف الكفايه لا يعلى عليها

 

[طوق البنفسج]

بعت الجسد / فكتوريا الحكيم

نسيان .كوم / احلام مستغانمي

امراه و ظلان / خلود الخميس

صلاه من اجل العائله بس نسيت الكاتب

بنات ايران يمدحونها بس كل ما ادورها ما احصلها

سقف الكفايه / محمد حسن علوان نفس مستوى روايات احلام مستغانمي