رشيقة و جميلة ب 10 دقايق

[Cadburya]

وناســـــــــــــــــــــــــة يا بنات ..
لقيت حل الرشاقة ...
أنا سلمكم الله من بدى البرد .. سمنت 5 كيلوات الله وكيلكم ..

و حدي كنت متوهقة فيهم .. لما ياني المنقذ .. شريت جهاز أوربت تراك من محل اسمه فناتك يوصلونه لي البيت ب 39 دينار و كفالة سنة ..

لو تلعبين عليه 10 دقايق تحرقين السعرات اللي تحرقينها ب ساعة مشي ..

و فوق هذا إنه يحرك الإيد .. يعني اللي زنودها متبتبة زي حلاتي .. لقت الحل ..

أنا الصراحة حاليا أمشي عليه نص ساعة يوميا .. لما أوصل حق الوزن اللي أبيه إن شاء الله ..

و بعدين بوقف و أخليه عشر دقايق يوم و ترك .. بس لياقة

و على فكرة أنا قريت إن الرياضة من غير نظام غذائي او تخفيف ما تضعف ترى .. و العكس صحيح إن النظام الغذائي من غير رياضة (يمكن) ما يضعف لأن يمكن تقللين أكلج و بنفس الوقت تقل حركتج ..

يعني ما استفدتي شي .. أنصحكم و أنصحكم و هم أنصحكم إنكم تشترون الجهاز و تبلشون فيه و ترى مو زين تستخدمينه باليوم أكثر من نص ساعة

و سلامتكم

 

[bnt q8 in usa]

مشاركة: رشيقة و جميلة ب 10 دقايق

صاجه ومافي احلي من الرياضه سواء الضعيفه او المتينه كافي انها صحه للانسان

 

[مــلاك]

مشاركة: رشيقة و جميلة ب 10 دقايق

يعطيج العافيه اختي بس ممكن تحطين صوره للجهاز لان انا عندي جهاز مشي بس الكسل ذابحني

وبسال خواتي يكفي اني استمر عالجهاز مع تمارين ومشي اذا عندي عرس على شهر 4 وعرس اختي يعني لازم اضعف وانا بضعف وايد يعني مو سالفه 5 او 10 كيلو بس لا الخير وايد

نصيحتكم بليز اسجل نادي احسن لان عرس اختي وتعرفون شلون اللي تدش ويا العروس الانظار عليها

 

[^^دموع الكويت^^]

مشاركة: رشيقة و جميلة ب 10 دقايق

نتائج اوربت تراك بالصور



شوفي هالرابط فيه صورة الجهاز

 

[[ . . Jee Jee . . ]]

مشاركة: رشيقة و جميلة ب 10 دقايق

كادبورية @@ ماتصدقين هالجهاز من ايام الثانوي خاطري فيه

توه ينزون سعره يوم نسيته

قبل فترة دقيت عليهم .. يقول بـ 35 بس مادري يركبونه لي ؟ ولا اهو مركب ؟


بس والله شجعتيني انا عبالي بندم لو شريته .. اتعرفين جهاز المشي الكل يتحجى عنه

وغاالي مو مثل هاذا يعني شوفي إعلان فناتك .. بـ 150 وطالع وانا مافيني صراحه اشتريه


ياااي ونستيني

بس قوليلي يركبونه ؟

 

[زيـنـه]

مشاركة: رشيقة و جميلة ب 10 دقايق

عليج بالعافيه و مشكوره على النصيحه

 

[[ . . Jee Jee . . ]]

مشاركة: رشيقة و جميلة ب 10 دقايق

كادبورية حبيبتي بغيت رقمهم .. فناتك

ضيعته .. كنت بدق اليوم دورت الاعلان ما حصلته

 

[Brounzi_girlly]

مشاركة: رشيقة و جميلة ب 10 دقايق

تسلمين أختي على المعلومه
مع تحيااااااااااااتي......

 

[[ . . Jee Jee . . ]]

مشاركة: رشيقة و جميلة ب 10 دقايق

ما لقيت رقم اللي ايبيعونه ابـ 35 جان اطلع رقمهم من البداله

قالوا لي بـ 39 مثل ما قلتي .. هذيل اسمهم ينكت فناتق هذوليك اسمهم فناتك الظاهر في فرق

ودقيت على محل ثاني جنه اسمه النصر للاجهزة الرياضية قال بـ 44 جان اعزم وآخذ مال فناتك


شريته عاد .. بس مو مكتوب عليه اوربت تراك مثل اللي قبل شفته بالثانويه

كان على الجنوب مكتوب عليه اوربت تراك بالانجليزي

تهقين انقص علينا

 

[b6o6a]

مشاركة: رشيقة و جميلة ب 10 دقايق

نجمه خذيتيه من النصر الرياضي ؟

اذا منه مو اهوا بس نفس شكله وطريقته

 

[Cadburya]

مشاركة: رشيقة و جميلة ب 10 دقايق

آسفة بنات على التأخير .. أدري طولت عليكم .. بس صارلي مدة ما دشيت ..

لهيت مع أول اسبوع دوام .. تدرون خريجة هالكورس .. ادعولي

المهم .. شوفي حبيبتي NajMa انا شريته من فناتك .. و ييبونه لج مركب جاهز .. و يحطه لج بالمكان اللي تبينه ..

و رقم تلفونهم 5713886 - 5713884

و ماركته اسمها STAIDER

خوش جهاز والله .. و إن شاء الله تنزلين عليه .. انا وايد جسمي ترتب ... حتى أمس رحت البوشية بشتري بدلة حق ملجة ولد خالتي ..

لما لبستها و طلعت .. جان البياعة تقول حق أمي .. ماشالله يخزي العين عليها .. أول مرة أشوف وحدة تقيس بدلة سهرة ما تحتاج تظبيط ..


صج والله جسمي صاير اشزينه الحمدلله

احس أني مانيكان ( بس مانيكان متبتب اشوية) هيهيهيهي لأن لي الحين يبيلي أنزل وايد .. بس أحلى شي إنه مرتب

و أي سؤال انا حاضرة

 

[Cadburya]

مشاركة: رشيقة و جميلة ب 10 دقايق

...

 

[[ . . Jee Jee . . ]]

مشاركة: رشيقة و جميلة ب 10 دقايق

اي انا خفت يوم شفت جذي مكتوب على الجهاز لول عبط

بس اهو اورب تراك انا ميته عليه من زمان


مااشااءلله لااا زيين دام نتايجه جذي حلوة شجعتيني

انا محتارة وين احطه اهو ما ياخذ مكان كبير بس ابي مكان اشوفه دايماً

وين حطيتيه ؟


انا جربت اكمل 10 دقايق ماقدرت فخوذي شدت يمكن علشان ما سخنت

انتي اول مرة شكثر قعدتي عليه ؟

انا من قبل امس بلشت بشكل جدي التدريب عليه

بلاحظ وزني وبدعيلج

 

[الفرحه]

مشاركة: رشيقة و جميلة ب 10 دقايق

الي جربته وشافت فينتايج اتقولنا

 

[Cadburya]

مشاركة: رشيقة و جميلة ب 10 دقايق

الله يوفقج إن شاء الله ..

أنا الصراحة لما بلشت عليه كنت قبلها مستمرة أمشي كل يوم لمدة اسبوع .. ساعة كاملة .. يعني جسمي كان متعود شوية ..

أول مرة مشيت عليه تقريبا 20 دقيقة .. و الحين قمت 30 دقيقة يوميا ..

أما عن المكان .. أحسن مكان تحطينه .. جدام التلفزيون .. عشان ما تملين .. لأن مع الوقت راح تتعيزين تمشين عليه ..

بس إذا كان جدام التلفزيون عودي نفسج إنج تمشين عليه لما يبدي برنامج تتابعينه ..

عشان ماتحسين بالوقت ..

أنا الصراحة حاطته بدار أمي .. أولا لأن فيها تلفزيون ثانيا لأن الصالة اللي على طول نقعد فيها صغيرة فيصير ضيج شوية .. هيهيهي

و أهم شي إنج تسخنين قبل لا تبلشين و لما تخلصين لا توقفين فجاة .. خففي سرعتج لما تحسين إن قلبج ما قام يطق بسرعة ..

و ترى خواتي و أمي كلهم تقريبا أول ما بلشوا اللي على دقيقة أول مرة و اللي 3 أو 7 دقايق ..

يعني عادي لا تتحبطين .. كملي و راح تتعودين ..

 

[مستشاره قانونيه]

مشاركة: رشيقة و جميلة ب 10 دقايق

الله وناااااااسه وسعرررررررره معقووول


عفيه عطيني رقم المحل بليز بليز

 

[Cadburya]

مشاركة: رشيقة و جميلة ب 10 دقايق

أفا عليج تامرين أمر .. رقم تلفونهم 5713886 - 5713884

 

[ظلال القرآن]

مشاركة: رشيقة و جميلة ب 10 دقايق

هذا صعب وايد

انا شريت جهاز المشي وكاهو يسمع حسج

اخاف اشتري هذا بعد يصير نفس مصير اخوه

 

[مــلاك]

مشاركة: رشيقة و جميلة ب 10 دقايق

هذا صعب وايد

انا شريت جهاز المشي وكاهو يسمع حسج

اخاف اشتري هذا بعد يصير نفس مصير اخوه

اي والله نفس الحاله

 

[[ . . Jee Jee . . ]]

مشاركة: رشيقة و جميلة ب 10 دقايق

ماشاءلله عليج 30 دقيقه لا اصكج عين لا اله الا الله تبارك الرحمن

آنا كان خاطري بجهاز مشي بس ماحصلي ..

ظلال القرآن وملاك .. تدربوا على المشي انزين خاصة انتي ظلال زميلتي بمواضيع الرشاقه لول ملاحظتج

يلا بلشي من اليوم تمرين امشي نص ساعه باليوم على الاقل ..

كادو < دلعج :d أمس صرت 10 دقايق .. استانس لما قلبي يرقع لول

بس صج احساس حلو .. انا عشان اسخن اصعد وانزل الدرج 4 مرات .. بعدين ابلش العشر دقايق

امس حطيته بغرفة اختي اليوم الصبح لقيته بالمطبخ لول مو خوش مكان كلش


مرة ثانية .. مشكورة حبيبتي على الموضوع اهو كان ببالي بس اتعرفين تتعيجزين اتسوين الخطوة الاولى وتشترينه وتبلشين تمرين ..